AFC បង្កើត​ពាន​​រង្វាន់ថ្មី​មួយទៀត​សម្រាប់ក្លិបបាល់ទាត់អាជីពប្រចាំតំបន់អាស៊ី

គណៈកម្មាធិការប្រតិបត្តិនៃសហព័ន្ធកីឡាបាល់ទាត់អាស៊ី (AFC) នៅថ្ងៃទី១៤ ខែសីហា ឆ្នាំ២០២៣ បានប្រកាសពីយុគសម័យថ្មី​មួយ​សម្រាប់ក្លិបបាល់ទាត់អាជីពប្រចាំទ្វីបអាស៊ី ដោយបង្ហាញឈ្មោះ​ពានសម្រាប់ក្លិបថ្មីចំនួន៣ រួមជាមួយនឹងការបង្កើនថវិកាយ៉ាងច្រើនសម្រាប់ក្រុមចូលរួមចំនួន៧៦ក្រុម ក៏ដូចជាការប្រកាសដាក់ឱ្យប្រើប្រាស់ពានរង្វាន់ក្លិបបាល់ទាត់នារី AFC Women’s Champions។

គំនិតផ្តួចផ្តើម​ថ្មីចំនួន៣ ដែលមានគោលបំណងជំរុញបាល់ទាត់អាស៊ីឡើងដល់កម្ពស់ថ្មី និងជំរុញកំណើន ក៏​ដូច​ជា​ការរួមបញ្ចូលគ្នាកាន់តែខ្លាំងនឹងចូលជាធរមានចាប់ពីរដូវកាល ២០២៤-២០២៥។

ពានកម្រិតកំពូលនៃក្លិបបាល់ទាត់អាស៊ី ​ដែលនឹងរួមបញ្ចូលក្លិបចូលរួមចំនួន ២៤ក្រុម នឹងត្រូវដាក់ឈ្មោះថា AFC Champions League Elite (ACLE) ខណៈពានកម្រិតទី២ ដែលមាន ៣២ក្រុមនឹងត្រូវ​ហៅថា AFC Champions League 2 (ACL2) និង ពានកម្រិតចុងក្រោយ មានក្លិបចំនួន២០ ត្រូវបានហៅថា AFC Challenge League (ACGL)។

លើសពីនេះ ក្រុមជើងឯក ACLE គ្រោងនឹងផ្តល់រង្វាន់សរុបចំនួន ១២លានដុល្លារ ដែលជាការកើនឡើងគួរឱ្យកត់សម្គាល់ បើធៀបនឹងឆ្នាំចុងក្រោយនេះ រដូវកាល ២០២៣/២៤  មាន​ត្រឹម​តែ​៤លានដុល្លារប៉ុណ្ណោះ។

ពាន​រង្វាន់ AFC Champions League 2 និង AFC Challenge League នឹងត្រូវបញ្ជាក់ជូនបន្ថែម៕

ប្រែសម្រួល៖ មន្នីរ័ត្ន
ប្រភព៖ the-afc.com