ព័ត៌មានអន្ដរជាតិ

ឥណ្ឌា កាត់ទោសជនល្មើស២នាក់ឲ្យជាប់ពន្ធនាគារអស់មួយជីវិត ក្រោយរំលោភនិងសម្លាប់ក្មេងស្រី

បានផុស

១ year មុន

នៅ

ថ្ងៃពុធ ១៦ សីហា ២០២៣

ដោយ

បុរសជនជាតិឥណ្ឌាពីរនាក់ត្រូវកាត់ទោសឲ្យជាប់ពន្ធនាគារអស់មួយជីវិត ពីបទរំលោភនិងធ្វើបាបក្មេងស្រីជំទង់ពីរនាក់។ សាកសពរបស់ពួកគេប្រទះឃើញព្យួរកពីដើមឈើក្នុងរដ្ឋ Uttar Pradesh កាលពីខែកញ្ញាឆ្នាំមុន។

នៅថ្ងៃសុក្រទី១១ ខែសីហា តុលាការការពារកុមារពីការរំលោភបំពានផ្លូវភេទរបស់ប្រទេសឥណ្ឌាបានសន្និដ្ឋានថា បុរសទាំងពីរនាក់មានពិរុទ្ធពីបទឧក្រិដ្ឋកម្មរំលោភបំពានផ្លូវភេទដែលបានប្រព្រឹត្តកាលពីថ្ងៃទី ១៤ខែកញ្ញាឆ្នាំមុន។

ហេតុការណ៍ដ៏អាក្រក់នេះបានកើតឡើងនៅក្នុងទីក្រុង Lakhimpur ដែលក្មេងស្រីអាយុ ១៥ និង ១៧ឆ្នាំត្រូវបានគេចាប់ពង្រត់ចេញពីផ្ទះរបស់ពួកគេ។ អំពើឃោរឃៅរួមមានការរំលោភផ្លូវភេទរាប់ម៉ោងតាមពីក្រោយដោយការច្របាច់កនោះ បានបញ្ចប់ដោយសាកសពក្មេងស្រីត្រូវបានព្យួរពីដើមឈើក្នុងចម្ការអំពៅ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សាកសពរបស់ពួកគេត្រូវបានគេរកឃើញនៅព្រឹកបន្ទាប់ ដែលនាំឲ្យមានការតវ៉ាជាសាធារណៈយ៉ាងខ្លាំង។ ការស៊ើបអង្កេតរបស់ប៉ូលិសមានជាប់ពាក់ព័ន្ធនឹងជនសង្ស័យ៦នាក់ក្នុងអ្វីដែលត្រូវបានគេកំណត់ថាជាឧក្រិដ្ឋកម្មរំលោភបំពានផ្លូវភេទដ៏សាហាវ។ ក្នុងនោះ ចៅក្រមបានរកឃើញថា ពួកគេមានពិរុទ្ធភាពខុសច្បាប់ជាច្រើនរាប់បញ្ចូលទាំងការចាប់ជំរិត ការរំលោភបូកលើស្ត្រីអាយុក្រោម ១៦ឆ្នាំ ឃាតកម្ម និងបង្កគ្រោះថ្នាក់ដោយស្ម័គ្រចិត្ត។ បន្ថែមពីលើការជាប់ពន្ធនាគារអស់មួយជីវិត ពួកគេក៏ត្រូវបានពិន័យជាប្រាក់ចំនួន ៤៦,០០០ រូពីឥណ្ឌា ផងដែរ។

ទោះជាយ៉ាងណា មានតែជនសង្ស័យពីរនាក់ប៉ុណ្ណោះក្នុងចំណោមជនសង្ស័យទាំង៦នាក់ដែលកំពុងជាប់ពន្ធនាគារអស់មួយជីវិត។ នៅថ្ងៃទី១៤ ខែសីហា ជនសង្ស័យពីរនាក់ផ្សេងទៀតត្រូវបានកាត់ទោសឲ្យជាប់ពន្ធនាគាររយៈពេល ៦ឆ្នាំ និងត្រូវបានពិន័យជាប្រាក់ចំនួន ៥,០០០ រូពីឥណ្ឌា សម្រាប់ការបំផ្លាញភស្តុតាងនៅក្នុងសំណុំរឿងរំលោភបំពានផ្លូវភេទនេះ។ ជនសង្ស័យពីរនាក់ដែលនៅសេសសល់ត្រូវប្រឈមនឹងការបន្តនីតិវិធីនៅតុលាការអនីតិជនដោយសារពួកគេមានអាយុក្រោម១៨ឆ្នាំនិង១៦ឆ្នាំរៀងខ្លួន៕

ប្រែសម្រួល៖ សាង ស្រីល័ក្ខ

ប្រភព៖thethaiger

ចុចអាន៖ប្តីប្រពន្ធឥណ្ឌា លក់កូនអាយុ៨ខែ យកលុយទិញ iPhone 14