ខេត្តឈៀងម៉ៃ ជួបគ្រោះរញ្ជួយដីកម្រិត ៣.៣ រ៉ិចទ័រ

គ្រោះរញ្ជួយដីកម្រិត ៣.៣ រ៉ិចទ័រ បានបណ្ដាលឲ្យរង្គើដល់អ្នកស្រុក Phrao នៃខេត្តឈៀងម៉ៃ ភាគខាងជើងប្រទេសថៃនៅព្រឹកថ្ងៃព្រហស្បតិ៍នេះ ។

នាយកដ្ឋានសង្កេតការរញ្ជួយដីនៃនាយកដ្ឋានឧតុនិយមបានរាយការណ៍ថា ការរញ្ជួយដីនេះត្រូវបានគេរកឃើញនៅជម្រៅ ៤ គីឡូម៉ែត្រនៅតំបន់ Mae Pang នៅវេលាម៉ោង ៩ និង ២៦ នាទីព្រឹកថ្ងៃព្រហស្បតិ៍នេះ ។

ទន្ទឹមនោះ ការរញ្ជួយនេះក៏បណ្ដាលឲ្យរំញ័រទៅដល់អ្នកស្រុក Phrao ផងដែរ ខណៈប្រជាជនមួយចំនួនបាននិយាយថា ពួក​គេ​មាន​អារម្មណ៍រំ​ញ័រ​ ដូច​​រថយន្ត​ដឹក​ទំនិញ​ធុន​ធ្ងន់​បើក​នៅលើផ្លូវអញ្ចឹង ។

យោងតាមនាយកដ្ឋានឧតុនិយមបានឲ្យដឹងថា ការរញ្ជួយដីនេះ បង្កឡើងដោយភាពសកម្មនៃស្នាមប្រេះនៅភាគខាងជើង និងខាងត្បូងនៃតំបន់ Mae Tha ដែលលាតសន្ធឹងពីស្រុក Phrao និងស្រុក Doi Saket នៃខេត្តឈៀងម៉ៃ ៕

ប្រែសម្រួលដោយ ៖ ជីវ័ន្ត

ប្រភព ៖ Bangkok Post

ចុចអាន ៖ ប្រធានសភា ថៃ លើកពេលបោះឆ្នោតជ្រើសរើសនាយករដ្ឋមន្ត្រីថ្មី ទៅសប្ដាហ៍ក្រោយ