សហភាពអង្គការសង្គមស៊ីវិល ជឿជាក់ថា រដ្ឋាភិបាលថ្មីនឹងដឹកនាំប្រទេសជាតិបានល្អប្រសើរ

បន្ទាប់ពីរដ្ឋសភាបើកសម័យប្រជុំលើកដំបូង នៃនីតិកាលថ្មី ទី៧ នៅព្រឹកថ្ងៃទី ២១ ខែសីហា ឆ្នាំ២០២៣នេះ សហភាពអង្គការសង្គមស៊ីវិល បានបង្ហាញជំនឿថា រដ្ឋាភិបាលថ្មី នឹងដឹកនាំប្រទេសជាតិឱ្យមានការអភិវឌ្ឍទៅមុខទៀត។

តាមរយ:សេចក្តីថ្លែងការណ៍ នៅថ្ងៃទី២១ ខែសីហា ឆ្នាំ២០២៣នេះ សហភាអង្គការសង្គមស៊ីវិល សង្កត់ធ្ងន់ថា ក្នុងនាមថ្នាក់ដឹកនាំ សមាជិក សមាជិកា របស់អង្គការ សមាគម សហគមន៍ ទាំង៥៣ នៃសហភាពអង្គការសង្គមស៊ីវិល ខ្លួនពិតជាមានជំនឿយ៉ាងមុតមាំថា រដ្ឋាភិបាលថ្មី នឹងបំពេញភារកិច្ចតាមគោលនយោបាយបានល្អ។ ក្នុងនោះ នឹងបន្តជំរុញកំណើនសេដ្ឋកិច្ច លើកកម្ពស់ដល់កម្រិតជីវភាពប្រជាជន។ បន្តអភិវឌ្ឍន៍ និងពង្រឹងប្រព័ន្ធការពារសង្គម ដើម្បីលើកកម្ពស់ និងអភិវឌ្ឍន៍សង្គមជាតិតទៅមុខទៀត៕