ព័ត៌មានជាតិ

លោក ចម ប្រសិទ្ធ គាំទ្រពីដៃគូអភិវឌ្ឍន៍នានាម្ចាស់ជំនួយ ជាពិសេសជប៉ុន ផ្ដល់វិស័យទឹកស្អាតនៅកម្ពុជា

បានផុស

៤ years មុន

នៅ

ថ្ងៃសៅរ៍ ៣០ មករា ២០២១

ដោយ

លោកកិត្តិសេដ្ឋាបណ្ឌិត ចម ប្រសិទ្ធ ទេសរដ្ឋមន្ត្រីរដ្ឋមន្ត្រីក្រសួងឧស្សាហកម្ម បានថ្លែងនូវការអរគុណគាំទ្រពីដៃគូអភិវឌ្ឍន៍នានា ម្ចាស់ជំនួយ ជាពិសេសភាគីមិត្តជប៉ុន នឹងធ្វើឲ្យប្រជាជនកម្ពុជា ដែលបានទទួលទានទឹកស្អាត នៅតែនឹកនៅតែចាំជានិច្ច ស្របតាមសុភាសិតខ្មែរដែលថាបានផ្លែឈើហូបត្រូវ នឹកឃើញដល់អ្នកដាំដើមឈើ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកកិត្តិសង្គហបណ្ឌិត ចម ប្រសិទ្ធ វិទ្យាសាស្ត្រ បច្ចេកវិទ្យា និងនវានុវត្ត ថ្លែងបែបនេះក្នុងពេលសិក្ខាសាលាស្តីពីទឹកស្អាត និងប្រព័ន្ធអនាម័យ កម្ពុជា-ជប៉ុន ឆ្នាំ២០២១ ត្រូវបានប្រារព្ធធ្វើតាមប្រព័ន្ធ Online Zoom ពីចម្ងាយរវាងប្រទេស កម្ពុជា និងជប៉ុនថ្មីៗនេះនៅទីស្តីការក្រសួង។

សិក្ខាសាលានេះ ត្រូវរៀបចំក្នុងក្របខ័ណ្ឌកិច្ចសហប្រតិបត្តិការរវាងអគ្គនាយកដ្ឋានទឹកស្អាត នៃក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ ជាមួយនឹង ក្រសួងសុខាភិបាល ការងារ និងសុខុមាលភាព នៃប្រទេសជប៉ុន (MHLW) និងទីភ្នាក់ងារកិច្ចសហប្រតិបត្តិការអន្តរជាតិប្រទេសជប៉ុន (JICA) ក្រោមការឧបត្ថម្ភដោយ អង្គភាពទឹកស្អាត និងប្រព័ន្ធអនាម័យក្រុងគីតាគ្យូស៊ុ (Kitakyushu) និងសមាគមអាជីវកម្មទឹកស្អាតក្រៅប្រទេស ក្រុងគីតាគ្យូស៊ុ (KOWBA) ។

លោកកិត្តិសេដ្ឋាបណ្ឌិត ចម ប្រសិទ្ធ បានថ្លែងអរគុណនិងស្នើឲ្យបន្តជួយគាំទ្រពីដៃគូអភិវឌ្ឍន៍នានា ពីសំណាក់ម្ចាស់ជំនួយ ជាពិសេសភាគីមិត្តជប៉ុន នឹងធ្វើឱ្យប្រជាជនកម្ពុជាដែលបានទទួលទានទឹកស្អាត នៅតែនឹកនៅតែចាំជានិច្ច ស្របតាមសុភាសិតខ្មែរដែលថាបានផ្លែឈើហូបត្រូវ នឹកឃើញដល់អ្នកដាំដើមឈើ។

លោកកិត្តិសេដ្ឋាបណ្ឌិត ចម ប្រសិទ្ធ បានបញ្ជាក់ជាចុងក្រោយថា អស់លោក លោកស្រី នាងកញ្ញា ភ្ញៀវជាតិ អន្តរជាតិ ដែលបានលះបង់ពេលវេលាដ៏មានតម្លៃចូលរួមក្នុងសិក្ខាសាលាថ្ងៃនេះ និង បង្ហាញពីការគាំទ្រមុតមាំដល់បុព្វហេតុអភិវឌ្ឍន៍វិស័យទឹកស្អាតនៅកម្ពុជា។ លោកទេសរដ្ឋមន្ត្រីបានកោតសរសើរ និងវាយ តម្លៃ ខ្ពស់ចំពោះកិច្ចសហការរវាងអគ្គនាយកដ្ឋានទឹកស្អាត ជាមួយនិង អង្គភាពទឹកស្អាត និងប្រព័ន្ធអនាម័យ ក្រុងគីតាគ្យូស៊ុ និងសមាគមទឹកស្អាតក្រៅប្រទេស ក្រុងគីតាគ្យូស៊ុ (KOWBA) ទីភ្នាក់ងារសហប្រតិបត្តិការអន្តរជាតិ ប្រទេសជប៉ុន JICA ដែលបានជួយជ្រោមជ្រែងបង្កើតឲ្យមានសិក្ខាសាលាដ៏មានសារសំខាន់នេះ៕

អត្ថបទ៖ វិមាន