ជីវិតកម្សាន្ដ

អ្នកគាំទ្រចាំមិនភ្លេច ថ្ងៃនេះខួបកំណើត ៩០ ឆ្នាំ អធិរាជសំឡេងមាស លោកតា ស៊ីន ស៊ីសាមុត

បានផុស

១០ ខែ មុន

នៅ

ថ្ងៃពុធ ២៣ សីហា ២០២៣

ដោយ

នៅពេលរម្លឹកដល់ឈ្មោះវីរសិល្បករជើងចាស់ដ៏ល្បីល្បាញលោកតា ស៊ីន ស៊ីសាមុត មហាជនពិតជានៅស្គាល់ និងចងចាំបានយ៉ាងច្បាស់ ទោះបីជាលោកបានចែកឋានទៅហើយក្ដី ប៉ុន្តែអ្វីដែលមិនអាចបំភ្លេចបាននោះគឺកេរ្តិ៍ឈ្មោះ និងទឹកដមសំនៀងដ៏ផ្អែមពីរោះរណ្ដំចិត្តតែម្ដង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារាចម្រៀងលោកតា ស៊ីន ស៊ីសាមុត គឺជាអ្នកនិពន្ធបទចម្រៀង និងអ្នកចម្រៀងខ្មែរដ៏ល្បីល្បាញនាអំឡុងទសវត្ស ៥០ ដល់ ៧០។ លោកតា មានរហស្សនាមថា «អធិរាជសំឡេងមាស»។ យ៉ាងណាមិញ ថ្ងៃនេះ ក៏ត្រូវបានគេដឹងថា ជាថ្ងៃគម្រប់ខួបកំណើត ៩០ ឆ្នាំ របស់លោកតា ស៊ីន ស៊ីសាមុត។

ទន្ទឹមគ្នា នៃការរម្លឹកដល់ថ្ងៃកំណើតរបស់លោកតា ស៊ីន ស៊ីសាមុត នេះដែរ គេឃើញមានទស្សនិកជន និងអ្នកគាំទ្រជាច្រើន បានបង្ហោះភ្ជាប់រូបភាពអមដោយសំណេរនឹករលឹកដល់អធិរាជសំឡេងមាស លោកតា ស៊ិន ស៊ីសាមុត ផងដែរ។

តួយ៉ាងនៅលើទំព័រផេកហ្វេសប៊ុករបស់ «ចៅកម្ពុជា» បានសរសេរថា «ថ្ងៃនេះគឺជាថ្ងៃកំណើតរបស់លោក ស៊ីន ស៊ីសាមុត គម្រប់ ៩០ ឆ្នាំ ពោលគឺ លោក ស៊ីន ស៊ីសាមុត បានកើតនៅក្នុងថ្ងៃទី ២៣ ខែសីហា ឆ្នាំ ១៩៣៣ នាទឹកដីខេត្តស្ទឹងត្រែង»។

ជាមួយគ្នានោះក៏មានការលើកឡើងដែរថា «ទោះបីរូបកាយឃ្លាតបាត់ តែសំឡេងនៅរស់ជានិច្ចក្នុងសង្គមបច្ចុប្បន្ន។ សូមសំឡេងរបស់លោកនៅតែបន្តរស់រានមានជីវិតជារៀងដរាបនៅក្នុងសោតិន្ទ្រិយមនុស្សលោក បើទោះជាមានការកែច្នៃបំភ្លៃយ៉ាងណាក៏ដោយ»។

សូមជម្រាបដែរថា លោកតា ស៊ីន ស៊ីសាមុត ទទួលមរណៈភាពក្នុងរបបប្រល័យពូជសាសន៍ខ្មែរក្រហម នៅឆ្នាំ ១៩៧៦។ លោកតា ស៊ីន ស៊ីសាមុត ជាវរជនតែមួយគត់ដែលបានបន្សល់ទុកនូវកេរ្តិ៍ឈ្មោះដ៏ល្អសម្រាប់ជាតិខ្មែរនាសតវត្សទី ២០។ វិស័យសិល្បៈសំឡេងចម្រៀងរបស់លោកសមជាអធិរាជសំឡេងមាស ស្ថិតដក់ជាប់ក្នុងអារម្មណ៍អ្នកចម្រៀងខ្មែរក្រោយៗមក៕

អត្ថបទ ៖ ចាន់រ៉ា