ព័ត៌មានអន្ដរជាតិ

ថៃ ព្រមានបិទ Facebook ដោយសារមានអ្នកចាញ់បោកតាមអនឡាញជាង ២០ ម៉ឺននាក់

បានផុស

១ year មុន

នៅ

ថ្ងៃពុធ ២៣ សីហា ២០២៣

ដោយ

អជ្ញាធរថៃនឹងស្វែងរកដីការបស់តុលាការដើម្បីធ្វើការបិទវេទិកា Facebook នៅក្នុងប្រទេសរបស់ខ្លួន ដោយលើកហេតុផលថា ប្រព័ន្ធផ្សព្វផ្សាយសង្គមមួយនេះ ជាអ្នកសមគំនិតជាមួយក្រុមឆបោកក្នុងការបោកបញ្ឆោតអ្នកប្រើប្រាស់ថៃជាង ២០ ម៉ឺននាក់ឲ្យវិនិយោគជាមួយពួកគេ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Chaiwut Thanakamanusorn រដ្ឋមន្ត្រីក្រសួងសេដ្ឋកិច្ច និងសង្គមឌីជីថលរបស់ប្រទេសថៃបាននិយាយថា តាមរយៈការប៉ាន់ស្មាននៃការឆបោកប្រាក់នេះមានការខាតបង់រហូតដល់ជាង ១០ ពាន់លានបាតឯណោះ ។

លោកបន្ថែមថា ថៃបានលើកយកបញ្ហានេះជាច្រើនដងហើយទៅពិភាក្សាជាមួយក្រុមហ៊ុន Facebook ប៉ុន្តែដូចជាមិនមានដំណោះស្រាយអ្វីឡើយ ហើយអាជ្ញាធរថៃមានបំណងសុំដីកាពីតុលាការព្រហ្មទណ្ឌដើម្បីស្នើបិទ Facebook ក្នុងប្រទេសក្នុងរយៈពេល ៧ ថ្ងៃ ។

ជាចុងក្រោយលោក Chaiwut បានបញ្ជាក់ថា ប្រសិនបើក្រុមហ៊ុន Facebook មានបំណងចង់បន្តធ្វើអាជីវកម្មនៅក្នុងប្រទេសថៃទៀតនោះ ត្រូវតែចេញមុខទទួលខុសត្រូវបន្ថែមទៀតនៅក្នុងបញ្ហានេះ ៕

ប្រែសម្រួល៖ នាង រតនៈ

ប្រភព៖ Thai PBS