ព័ត៌មានអន្ដរជាតិ

បុរសម្នាក់ទិញទូផ្ទះបាយចាស់តពីសេដ្ឋី បែរឃើញដុំមាសសុទ្ធតម្លៃជាង ៧លានដុល្លារ

បានផុស

១ year មុន

នៅ

ថ្ងៃសៅរ៍ ២៦ សីហា ២០២៣

ដោយ

បុរសម្នាក់បានទិញទូផ្ទះបាយដែលមានសភាពទ្រុឌទ្រោមពីសេដ្ឋីវ័យចំណាស់ ក្រោយមកគាត់បានប្រទះឃើញដុំមាសសុទ្ធលាក់ទុកនៅខាងក្នុងចំនួន ៣ តម្លៃជាង ៧ លានដុល្លារ ប៉ុន្តែចុងក្រោយក៏សម្រេចចិត្តបញ្ជូនវាទៅប៉ូលិសវិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ត្រលប់ទៅឆ្នាំ ២០១៩ បុរសម្នាក់ AJ ដែលរស់នៅក្នុងប្រទេសដាណឺម៉ាក បានបង្កើតភាពច្របូកច្របល់ជាមួយនឹងប្រព័ន្ធផ្សព្វផ្សាយជាច្រើន។ គាត់គឺជាអ្នកស្រឡាញ់វត្ថុបុរាណ ហើយបានចំណាយប្រាក់ ១០០ អឺរ៉ូ (ជិត ១០០ ដុល្លារ) ដើម្បីនាំយកទូផ្ទះបាយចាស់មួយ ដែលធ្លាប់ជាកម្មសិទ្ធិរបស់មហាសេដ្ឋីចូលនិវត្តន៍ បានស្លាប់ក្នុងខែមីនា ឆ្នាំ ២០១៩។

ក្នុងអំឡុងពេលជួសជុលទូផ្ទះបាយដែលទិញ AJ មិនអាចជឿភ្នែករបស់គាត់បានឡើយ នៅពេលដែលគាត់បានរកឃើញថាមានអ្វីមួយកំពុងលាក់នៅពីក្រោយជញ្ជាំងថត។ វាបានក្លាយជាមាសសុទ្ធចំនួន ៣ ដុំ មានទម្ងន់ដល់ទៅ ៤,៨៧ គីឡូក្រាម ដែលមានតម្លៃប្រហែល ១៩១,០០០ អឺរ៉ូ (៧លានដុល្លារ)។ ប៉ុន្តែនៅទីបំផុត គាត់ក៏សម្រេចប្រគល់កំណប់នេះទៅឲ្យអាជ្ញាធរ ជំនួសឲ្យការលក់ ដើម្បីយកប្រាក់ចាយវាយ។

យ៉ាងណាមិញ ប៉ូលិសមូលដ្ឋានបានបង្ហើបប្រាប់សារព័ត៌មានថា ដុំមាសបានលាក់នៅក្នុងទូដាក់ចាននោះជាច្រើនទសវត្សរ៍មកហើយ ស្របពេលដែលបុរសនេះក៏ធ្វើនៅរឿងដ៏ត្រឹមត្រូវ ព្រោះមាសដែលលាក់ទុកមិនមែនជាកម្មសិទ្ធិរបស់គាត់ឡើយ។

ទោះជាយ៉ាងណាក៏មានហរតុការណ៍ស្រដៀងគ្នានេះ កើតឡើងនៅដើមឆ្នាំ ២០១៧ នៅពេលដែលជាងជួសជុលឧបករណ៍អាយុ ៦១ឆ្នាំម្នាក់បានរកឃើញកាក់ចំនួន ៩១៣ ដែលជីកនៅចន្លោះឆ្នាំ ១៨៤៧ និង ១៩១៥ ខណៈពេលដែលកំពុងជួសជុលព្យាណូសម្រាប់សាលារៀនមួយក្នុងប្រទេសអង់គ្លេស។ កាលណោះអ្នកជំនាញប៉ាន់ស្មានថាមានតម្លៃដល់ទៅ ៥០០,០០០ផោន(៦៣៤,២០៧ដុល្លារ) ។

វាត្រូវបានគេដឹងថាព្យាណូជាកម្មសិទ្ធិរបស់ប្តីប្រពន្ធវ័យចំណាស់មួយ ដែលមិនបានដឹងអ្វីទាំងអស់អំពីកំណប់ទ្រព្យរបស់ខ្លួន។ ត្បិតថា ពួកគេជាម្ចាស់ព្យាណូដែលបាននៅក្នុងផ្ទះអស់រយៈពេល ៣៣ ឆ្នាំ រហូតដល់ទីបំផុតបានបរិច្ចាគវាទៅសាលារៀនដែលត្រូវការឧបករណ៍នៅ Shropshire ប្រទេសអង់គ្លេស៕