ព័ត៌មានជាតិ
អាណាព្យាបាល ចង់ឱ្យគ្រប់សាលា គ្រប់គ្រងការលក់ភេសជ្ជៈប៉ូវកម្លាំងដល់ក្មេង
គ្រប់សាលានៅទូទាំងប្រទេស គួរតែកុំយកចិត្តទុកដាក់លើការលក់ទឹកក្រូចកំប៉ុង និងរឹតបន្តឹងចំពោះសិស្ស មិនឱ្យមានការ យកចូល ផឹកនូវភេសជ្ជៈប៉ូវកម្លាំងទាំងនោះ ព្រោះដូចដែលដឹងហើយថា ភេសជ្ជៈផ្អែមៗទាំងអស់នោះ ប៉ះពាល់សុខភាព ក្មេងខ្លាំង បើធ្ងន់ធ្ងរ អាចប៉ះពាល់ដល់អាយុជីវិតទៀត។ នេះបើតាមមតិលើកឡើងរបស់ អ្នកស្រី ជា ស្រីនាង វ័យ៣២ឆ្នាំ ឱសថការីមួយរូប នៅភ្នំពេញ។
![](https://www.kampucheathmey.com/wp-content/uploads/2023/08/neang-1024x880.jpg)
![](https://www.kampucheathmey.com/wp-content/uploads/2023/08/ភេសជ្ជៈ-1024x614.jpg)
ជាមួយគ្នានេះ បុគ្គលិកបម្រើការរដ្ឋមួយរូប អ្នកស្រី បញ្ញា បានបញ្ជាក់ប្រាប់កម្ពុជាថ្មីថា អ្នកស្រីពិតជាមានការព្រួយបារម្ភ ចំពោះសុខភាពកូន ពិសេសពេលកូនទៅសាលា ឃ្លាតឆ្ងាយពីការមើលថែរបស់គ្រួសារ ខ្លាចថាគាត់ទៅទិញភេសជ្ជៈ ទាំងអស់នោះផឹក ហើយអាចបង្កទៅជាជំងឺទឹកនោមផ្អែម ខូចក្រលៀន ឬអាចបង្កជាជំងឺផ្សេងទៀត។
![](https://www.kampucheathmey.com/wp-content/uploads/2023/08/Panha-1-1024x683.jpg)
ទន្ទឹមនេះ អ្នកស្រី ស កញ្ញា អ្នករស់នៅតំបន់សង្កាត់ព្រៃស បានបង្ហាញក្តីព្រួយបារម្ភដែរថា ដោយសារតែបច្ចុប្បន្នឃើញថា ភេសជ្ជៈផ្អែមបានចរាចរណ៍ច្រេីន មិនថានៅទីផ្សារ ឬសាលារៀន ដែលពិបាកក្នុងការគ្រប់គ្រងក្មេងមិនឱ្យផឹក។
អ្នកម្តាយរូបនេះ ក៏យល់ឃើញដូចគ្នាដែរថា បេីសិនជាក្មេងៗទទួលទានភេសជ្ជៈផ្អែមលេីសកម្រិត ឬជាប្រចាំ អាចធ្វើឱ្យក្មេង ងាយប្រឈមមុខនឹងជំងឺផ្សេងៗដូចជា ជំងឺទឹកនោមផ្អែមទាំងវ័យក្មេង បញ្ហាតម្រងនោមជាដេីម ហេីយវាអាចជាកាតាលីករបេីកផ្លូវឱ្យជំងឺផ្សេងៗ ជ្រាតចូលបានផងដែរ។
![](https://www.kampucheathmey.com/wp-content/uploads/2023/08/kanha-1024x683.jpg)
ពាក់ព័ន្ធនឹងការលើកឡើងនេះ លោក ភួយ វិមានរដ្ឋ បុគ្គលិកបម្រើការនៅមន្ទីរពេទ្យគាំពារមាតា និងទារក និយាយថា ត្បិតថា មានការមើលថែ និងគ្រប់គ្រងការទទួលទានរបស់កូនៗល្អយ៉ាងណាក៏ដោយ តែមិនប្រាកដថាអាចហាមឃាត់ ពួកគាត់ពីការផឹកភេសជ្ជៈផ្អែមបាន ១០០ភាគរយឡើយ។ ហេតុនេះ លោកចង់ឱ្យគ្រប់ភាគីពាក់ព័ន្ធ រួមចំណែកគិតគូរដល់ បញ្ហានេះ ដើម្បីលើគ្រោះថ្នាក់ដោយសារផឹកភេសជ្ជៈផ្អែមៗ។
ជាសំណូមពរ ក្រៅពីការបញ្ចៀបចំណេះដឹងដល់ប្រជាជន ពីផលប៉ះពាល់នៃការទទួលទានភេសជ្ជៈផ្អែម នៅតាមសាលារៀន អាណាព្យាបាលទាំងនេះ ចង់ឱ្យមានការជួយពិនិត្យ និងណែនាំក្មេងឱ្យយល់ពីផលប៉ះពាល់ ពីការទទួលទានចំណីផ្សេងទៀត ដែលប៉ះពាល់ដល់សុខភាព។
បើតាមលោកវេជ្ជបណ្ឌិត ហ៊ាង រតនា ឯកទេសព្យាបាលជំងឺទូទៅ នៅពេលដែលក្មេងទទួលទានភេសជ្ជៈផ្អែមច្រើន អាចធ្វើឱ្យពួកគាត់លូតលាស់មិនបានល្អ ហើយសតិបញ្ញាក៏ខ្សោយ ព្រោះសារជាតិផ្អែម នឹងធ្វើឱ្យក្មេងលែងសូវឃ្លានសារជាតិដែលចាំបាច់សម្រាប់រាងកាយ ដែលមាននៅក្នុងត្រី សាច់ បន្លែ និងផ្លែឈើ៕
អត្ថបទ៖ សុធាវី
-
សន្តិសុខសង្គម៦ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
សន្តិសុខសង្គម៧ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៧ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៦ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៦ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+៤ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
សេដ្ឋកិច្ច៣ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
ព័ត៌មានជាតិ១៩ ម៉ោង ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ