ព័ត៌មានអន្ដរជាតិ

អ្នកនយោបាយ ថៃ ៨រូប មានអ្នកតាមដានលើ Instagram ច្រើនជាងគេបង្អស់

បានផុស

១ year មុន

នៅ

ថ្ងៃអង្គារ ២៩ សីហា ២០២៣

ដោយ

ក្នុងពេលដែលប្រទេសថៃទើបតែទទួលបាននាយករដ្ឋមន្ត្រីទី៣០ កាលពីថ្ងៃកាលពីថ្ងៃ២២ ខែសីហា ដោយក្នុងនោះលោក សេតថា ថាវីស៊ីន (Srettha Thavisin) បេក្ខភាពមកពីគណបក្សភឿថៃ ត្រូវសមាជិកសភាសម្រេចបោះឆ្នោតគាំទ្រយ៉ាងពេញទំហឹង។

ស្របពេលជាមួយគ្នានោះដែរ ការបោះឆ្នោតឆ្នាំ ២០២៣កាលបានបង្ហាញថា ប្រព័ន្ធផ្សព្វផ្សាយសង្គមដើរតួនាទីយ៉ាងសំខាន់ក្នុងប្រជាប្រិយភាពរបស់អ្នកនយោបាយ និងគណបក្ស។ ជាមួយគ្នានេះ អ្នកប្រើប្រាស់អ៊ិនធឺណិតក៏តាមដានព័ត៌មាន និងចលនាតាមរយៈបណ្តាញបែបនេះផងដែរ។

ខាងក្រោមនេះគឺជាអ្នកនយោបាយ០៨ រូប ដែលមានអ្នកតាមដានច្រើនបំផុតនៅលើ Instagram។

១ លោក ប្រាយុទ្ធ ចាន់អូចា

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះបីជាលោកប្រាយុទ្ធលែងជានាយករដ្ឋមន្ត្រីរបស់ប្រទេសថៃក៏ពិតមែន ប៉ុន្តែបុរសយោធារូបនេះ នៅតែមានប្រជាជនចូលតាមដានពីជីវិតនិងការងាររបស់លោកដូចសព្វដង នៅលើបណ្ដាញសង្គម IG មានអ្នកតាមដានជាង ១៤០ពាន់នាក់។

២ លោក សេតថា ថាវីស៊ីន

ទើបតែចាប់ឆ្នោតក្លាយជានាយករដ្ឋមន្ត្រីទី៣០របស់ថៃ លោកសេតថា ថាវីស៊ីន ហាក់ទទួលបានប្រជាប្រិយភាពកាន់តែខ្លាំងក្លា ក្រោយប្រែខ្លួនពីអ្នកអភិវឌ្ឍន៍អចលនទ្រព្យទៅជាអ្នកនយោបាយមួយរូប ដោយលោកទទួលបានអ្នកតាមដានលើIG ដល់ទៅ៤២.៨ពាន់នាក់។

៣ លោក Pita Limjaroenrat

អ្នកនយោបាយវ័យក្មេងរូបនេះត្បិតថាមិនបានក្លាយជានាយករដ្ធមន្រ្តីទី៣០របស់ថៃ ប៉ុន្តែតាមរយៈសកម្មភាពចលនាសង្គមរបស់លោកតែងតែបង្កការចាប់អារម្មណ៍យ៉ាងច្រើនពីសំណាក់ប្រជាជន រួមទាំងអ្នកគាំទ្ររហូតតាមដានលោកក្នុង IG ដល់ទៅ២.៧លាននាក់។

៤ លោក Thanathorn Juangroongruangkit

បុរសម្នាក់នេះមិនមែនជាសកម្មជនល្បីល្បាញក្ដី ប៉ុន្តែក្រោយការចូលរួមជាមួយគណបក្សចលនាឆ្ពោះទៅមុខ កេរ្តិ៍ឈ្មោះរបស់លោក កាន់តែមានគេស្គាល់ច្រើនរហូតដល់មានអ្នកតាមដានលើ IG ៩.៦៥ពាន់នាក់។

៥ អ្នកស្រី Paetongtarn Shinawatra

កូនស្រីលោកថាក់ស៊ីនរូបនេះ បន្ទាប់ក្លាយជាអ្នកដឹកនាំភឿថៃ រាល់សកម្មភាពរបស់លោកស្រីមិនដែលរំលងពីប្រជាជនថៃនោះទេ។ ព្រមជាមួយគ្នានេះដែរ នៅលើគណនី Instagram លោកស្រីទទួលបានអ្នកតាមដាន ៧.១៤ពាន់នាក់។

៦ លោកស្រី យីងឡាក់ ស៊ីណាវ៉ាត្រា

ចំណែកឯប្អូនស្រីលោកថាក់ស៊ីនម្នាក់នេះ ត្បិតថាមិនមែនជាបេក្ខភាពនយោបាយដូចពីមុនក្ដី ប៉ុន្តែរាល់សកម្មភាពរបស់លោកស្រីយីងឡាក់ នៅតែមានអ្នកតាមដាន Instagram ដល់ទៅ ៥.៩៩ ពាន់។

៧ លោក ថាក់ស៊ីន ស៊ីណាវ៉ាត្រា

មិនខុសពីប្អូនស្រីរបស់លោក អតីតនាយករដ្ឋមន្ត្រីថៃលោក ថាក់ស៊ីន ស៊ីណាវ៉ាត្រា នៅតែមនុស្សតាមដានអំពីចលនានៃជីវិតរបស់លោកជាប់ជានិច្ច។ ក្នុងនោះគណនី Instagram របស់លោកផ្ទាល់ មានអ្នកតាមដានជាង ៣.៥២ ពាន់នាក់។

៨ លោក Rangsiman Rome

មិនត្រឹមតែជាអ្នកនយោបាយថៃ និងជាសកម្មជននោះទេ បច្ចុប្បន្ននេះលោក Rangsiman Rome ក៏បម្រើការជាសមាជិកសភាតំណាងរាស្រ្តរបស់ប្រទេសថៃ និងជាអគ្គលេខាធិការរងរបស់គណបក្សឈានទៅមុខផងដែរ។ ដូច្នេះចាត់ទុកថាលោកគឺជាបុគ្គលល្បីមួយរូប ដែលមានអ្នកតាមដាន២.២៩ ពានឯណោះលើ IG ៕

អត្ថបទ៖សាង ស្រីល័ក្ខ

ចុចអាន៖ដឹងទេថា អ្នកនយោបាយថៃរូបណាដែលមានអ្នកតាមលើបណ្ដាញសង្គមហ្វេសបុកច្រើនជាងគេ?