សេដ្ឋកិច្ច

តម្លៃនាំចេញអង្កររបស់ វៀតណាម នៅតែខ្ពស់ជាងគេក្នុងពិភពលោក

បានផុស

១ year មុន

នៅ

ថ្ងៃចន្ទ ២៨ សីហា ២០២៣

ដោយ

យោងតាមសមាគមស្បៀងអាហារវៀតណាមបានឲ្យដឹងថា តម្លៃអង្ករនាំចេញរបស់វៀតណាមនៅតែខ្ពស់ជាងគេក្នុងពិភពលោក ដោយអង្ករបាក់កម្រិត ៥ ភាគរយឡើងដល់ ៦៣៨ ដុល្លារក្នុងមួយតោន ខណៈអង្ករបាក់កម្រិត ២៥ ភាគរយ មានតម្លៃ ៦២៣ ដុល្លារក្នុងមួយតោន ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទន្ទឹមនឹងនេះ អង្ករបាក់កម្រិត ៥ ភាគរយរបស់ថៃត្រូវបានលក់ក្នុងតម្លៃ ៦២៨ ដុល្លារក្នុងមួយតោន ខណៈប៉ាគីស្ថានមានតម្លៃ ៥៩៨ ដុល្លារក្នុងមួយតោន ។

ខណៈនាពេលថ្មីៗនេះ ក្រសួងឧស្សាហកម្ម និងពាណិជ្ជកម្មវៀតណាម ក៏បានប្រកាសបញ្ជីឈ្មោះអាជីវកម្មចំនួន ២១០ ផងដែរ ដែលមានសិទ្ធិនាំចេញអង្ករ ។

កាលពីខែកក្កដា សន្ទស្សន៍តម្លៃអង្កររបស់អង្គការស្បៀងអាហារ និងកសិកម្មរបស់អង្គការសហប្រជាជាតិ (FAO) បានកើនឡើងដល់កម្រិតខ្ពស់បំផុតក្នុងរយៈពេលជិត ១២ ឆ្នាំ ខណៈការឡើងថ្លៃនេះ គឺដោយសារតែការកើនឡើងនៃតម្លៃនៅក្នុងប្រទេសនាំចេញអង្ករសំខាន់ៗ បន្ទាប់ពីឥណ្ឌាបានដាក់កំហិតលើការនាំចេញ ។

ជាចុងក្រោយក្រសួងឧស្សាហកម្ម និងពាណិជ្ជកម្មបានឲ្យដឹងថា ក្នុងរយៈពេល ៧ ខែដើមឆ្នាំនេះ វៀតណាមបាននាំចេញអង្ករចំនួន ៤,៨៣ លានតោន ខណៈប្រទេសនេះគ្រោងនឹងនាំចេញប្រហែល ២.៦៧ លានតោនក្នុងរយៈពេល ៥ ខែចុងក្រោយនៃឆ្នាំនេះ ៕

ប្រែសម្រួល៖ នាង រតនៈ

ប្រភព៖ VN Express