ព័ត៌មានជាតិ
រដ្ឋមន្ត្រីអប់រំ៖ រយៈពេល១០ឆ្នាំមកនេះ សាលារៀនកើនឡើងជាង៤ពាន់សាលានៅកម្ពុជា
រដ្ឋមន្ត្រីក្រសួងអប់រំ លោក ហង់ ជួនណារ៉ុន បានបញ្ជាក់ថារយៈពេល១០ឆ្នាំមកនេះ ចំនួនគ្រឹះស្ថានសិក្សានៅទូទាំងប្រទេសកម្ពុជាមានការកើនឡើងជាង៤ពាន់សាលារៀន។ លោក ហង់ ជួន ណារ៉ុន គូសបញ្ជាក់បែបនេះ នៅក្នុងកិច្ចប្រជុំស្ដីពីការសម្រួចអាទិភាពនៃកំណែទម្រង់ក្រសួងអប់រំយុវជន និងកីឡា សម្រាប់ឆ្នាំ២០២៣-២០២៨។
ឧបនាយករដ្ឋមន្ត្រី រដ្ឋមន្ត្រីក្រសួងអប់រំបានគូសបញ្ជាក់បន្តថា ចំនួនគ្រឹះស្ថានសិក្សាអប់រំមានការកើនពី១៤ ៨៥២ សាលារៀន កើនរហូតដល់១៨ ៨៣០ សាលារៀន ក្នុងរយៈពេល១០ឆ្នាំមកនេះ។ ជាមួយគ្នានេះ ដោយសារមានការស្នើសុំពីថ្នាក់មូលដ្ឋាន ក្រសួងអប់រំបានកែប្រែសាលារៀនមួយចំនួនដែលធ្លាប់តែជាសាលារៀនកម្រិតបឋមសិក្សាឱ្យក្លាយជាសាលារៀនកម្រិតអនុវិទ្យាល័យ ក៏ដូចជាបានកែប្រែសាលារៀនមួយចំនួនដែលធ្លាប់តែមានកម្រិតអនុវិទ្យាល័យឱ្យក្លាយជាសាលារៀនកម្រិតវិទ្យាល័យ។
លោក ហង់ ជួនណារ៉ុន បានរំលេចបន្តថា សព្វថ្ងៃអាទិភាពរបស់រដ្ឋាភិបាល គឺត្រូវផ្ដោតជាសំខាន់លើការពង្រីកសាលារៀនកម្រិតអនុវិទ្យាល័យនិងវិទ្យាល័យចំនួនត្រឹម២០ភាគរយ ហើយត្រូវផ្ដោតលើគុណភាពនៃការអប់រំចំនួន៨០ភាគរយ។
ជាលទ្ធផលក្នុងរយៈពេល១០ឆ្នាំមកនេះ ការអប់រំមធ្យមសិក្សាចំណេះទូទៅ និងបច្ចេកទេស ក្នុងកម្រិតមធ្យមសិក្សាបឋមភូមិ អត្រារួម គឺសម្រេចបាន ៦៥ភាគរយ មានការកើនឡើងចំនួន ១៥ភាគរយ និងអត្រាបញ្ចប់៦០ភាគរយ។ ចំពោះអត្រារួមនៅកម្រិតមធ្យមសិក្សាទុតិយភូមិវិញ គឺសម្រេចបាន ៤៤ភាគរយ កើនឡើង១៤ភាគរយ។
លោកបន្ថែមថា ផ្តើមពីការធ្វើកំណែទម្រង់ផ្តោតលើចំណុចអាទិភាពចំនួន ៨ចំណុច ជាពិសេស កំណែទម្រង់លើការប្រឡង បុគ្គលិក និងកីឡា និងការដាក់ចេញនូវសសរស្តម្ភចំនួន៥យ៉ាង រួមមាន ការរៀបចំប្រព័ន្ធវាយតម្លៃលទ្ធផលការសិក្សារបស់សិស្ស ការអនុវត្តគោលនយោបាយគ្រូបង្រៀន ការពិនិត្យឡើងវិញកម្មសិក្សានិងសៀវភៅគោលសិក្សា ការរៀបចំប្រព័ន្ធអធិការកិច្ច និងការធ្វើកំណែទម្រង់ឧត្តមសិក្សា ព្រមទាំងការបង្កើតសាលារៀនជំនាន់ថ្មីដែលជាការជោគជ័យមួយផងដែរ។
ទន្ទឹមនឹងការលើកឡើងអំពីភាពជោគជ័យនេះ ឧបនាយករដ្ឋមន្ត្រី រដ្ឋមន្ត្រីក្រសួងអប់រំដែលជាសេនាធិការឱ្យរាជរដ្ឋាភិបាលក៏បានទទួលស្គាល់ថា ក្រសួងអប់រំនូវមានចំណុចខ្វះខាតជាច្រើនត្រូវកែតម្រូវ រៀបចំប្រព័ន្ធអធិការកិច្ច ធ្វើកំណែទម្រង់ឱ្យកាន់តែស៊ីជម្រៅ បន្តផ្ដោតលើគុណភាពនៃការអប់រំ។
ស្របពេលនឹងការលើកឡើងអំពីចំណុចខ្វះខាត លោក ហង់ ជួន ណារ៉ុន ក៏បានអំពាវនាវ ណែនាំដល់មន្ត្រីក្រោមឱវាទ ត្រូវរួមគ្នាប្រឹងប្រែងជាបន្តទៀត ដើម្បីចូលរួមផលិតធនធានមនុស្សប្រកបដោយគុណភាព គាំពាដល់ការរីកចម្រើននៃសង្គមសេដ្ឋកិច្ចកម្ពុជា ស្របតាមយុទ្ធសាស្ត្របញ្ចកោណ-ដំណាក់កាលទី១និងវិធានការគន្លះរបស់រាជរដ្ឋាភិបាលនីតិកាលទី៧ ក្រោមការដឹកនាំរបស់ឯកឧត្ដម កិត្តិទេសាភិបាលបណ្ឌិត ហ៊ុន ម៉ាណែត នាយករដ្ឋមន្ត្រីកម្ពុជា៕
ដោយ៖ ង៉ិល ណារ៉ាត់
-
សន្តិសុខសង្គម៤ ថ្ងៃ ago
ផ្អើលទូងស្គរកណ្ដាលយប់នៅវត្តពោធិ៍ញ្ញាណ ខណៈមានសង្ឃ ២ អង្គ ឆាន់ស្រាក្នុងកុដិ
-
ព័ត៌មានជាតិ៣ ថ្ងៃ ago
ស្ពានដីឥដ្ឋ-ថ្មគរ នៅកៀនស្វាយឆ្លងទន្លេភ្ជាប់ទៅផ្លូវល្បឿនលឿនភ្នំពេញបាវិត ចាប់ផ្តើមចុះគ្រឿងចក្របើកការដ្ឋានសាងសង់
-
ជីវិតកម្សាន្ដ២ ថ្ងៃ ago
សុខោទ័យ អ្នកនិពន្ធបទ«សែកមន្ដ» ចេញបញ្ជាក់ពីការសហការប្រគល់សិទ្ធិ ក្នុងការផលិតបទ”សែកមន្ត”ជាមួយGalaxy Navatra
-
ជីវិតកម្សាន្ដ១ សប្តាហ៍ ago
L-D-A ចេញបទចម្រៀង « អូសវ៉ាលី » មិនបានប៉ុន្មានផងមានអ្នកល្បីៗយកទៅ Reaction ទូទាំងប្រទេស !
-
ព័ត៌មានជាតិ១១ ម៉ោង ago
ឃ្លាំងស្តុកដំឡូងមី ដែលប្រមូលទិញពីកសិករក្នុងស្រុកកែវសីមា ត្រូវបង្ខំចិត្តបិទទ្វារ ដោយសារបញ្ហាដឹកជញ្ជូន
-
បច្ចេកវិទ្យា៦ ថ្ងៃ ago
ស្មាតហ្វូនដែលបំពាក់កាមេរ៉ាល្អដាច់គេ OPPO Find X8 Series ដាក់សម្ពោធហើយនៅប្រទេសកម្ពុជា
-
សេដ្ឋកិច្ច១ ថ្ងៃ ago
ក្រុមហ៊ុន Royal Railway បញ្ជាទិញទូរថភ្លើងដឹកទំនិញ ៦០ គ្រឿងបន្ថែមទៀតពីប្រទេសចិន
-
ចរាចរណ៍៥ ថ្ងៃ ago
រថយន្តស៊េរីទំនើប PORSCHE បើកវ៉ាជ្រុលបុក LEXUS RX330 រងការខូចខាតយ៉ាងដំណំ