ព័ត៌មានអន្ដរជាតិ

ក្រោយជោគជ័យនៅឋានព្រះចន្ទ ឥណ្ឌា នឹងបាញ់ផ្កាយរណបទៅអង្កេតព្រះអាទិត្យម្តង

បានផុស

១ year មុន

នៅ

ថ្ងៃពុធ ៣០ សីហា ២០២៣

ដោយ

បន្ទាប់ពីជោគជ័យបេសកកម្មចុះចតយានលើឋានព្រះចន្ទនៅប៉ូលខាងត្បូង ពេលនេះឥណ្ឌាបញ្ជាក់ទៀតថា គ្រោងនឹងបាញ់បង្ហោះផ្កាយរណបមួយទៀត ដើម្បីទៅអង្កេត និងសិក្សាពីស្ថានភាពព្រះអាទិត្យក្នុងពេលឆាប់ៗនេះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពាក់ព័ន្ធនឹងបញ្ហានេះដែរ អង្គការស្រាវជ្រាវអវកាសឥណ្ឌានិយាយថា នឹងបាញ់បង្ហោះផ្កាយរណប Aditya-L1 ដែលមានតម្លៃ ៤៥ លានដុល្លារពីរដ្ឋ Andhra Pradesh ភាគខាងត្បូងនៅថ្ងៃទី២ ខែកញ្ញា ។

បន្ទាប់ពីធ្វើដំណើរអស់រយៈពេល ៤ ខែ យាននេះនឹងត្រូវចូលទៅក្នុងគន្លងគោចរដែលមានចម្ងាយប្រហែល ១.៥ លានគីឡូម៉ែត្រពីផែនដី ។ បេសកកម្មរបស់វារួមមានការសង្កេតមើលបរិយាកាសព្រះអាទិត្យដែលមានសីតុណ្ហភាពលើសមួយលានអង្សាសេ និងព្រឹត្តិការណ៍បន្ទុះផ្សេងៗទៀតជាដើម ។

កាលពីពេលថ្មីៗនេះ ឥណ្ឌាទើបតែជោគជ័យចុះចតយានអរកាស Chandrayaan-3 នៅផ្ទៃឋានព្រះចន្ទ ហើយកំពុងរុករកនៅប៉ូលខាងត្បូងដែលមិនធ្លាប់មានប្រទេសណាស្រាវជ្រាវពីមុនមកឡើយ ជាពិសេសតំបន់នេះអាចផ្ទូកទឹកក្នុងទម្រង់ជាទឹកកក ។

គួរបញ្ជាក់ថា ឥណ្ឌាគឺជាប្រទេសទី ៤ ហើយដែលបានចុះចតយានអវកាសដោយជោគជ័យលើឋានព្រះចន្ទ បន្ទាប់ពីអតីតសហភាពសូវៀត សហរដ្ឋអាមេរិក និងចិន ៕

ប្រែសម្រួល៖ នាង រតនៈ

ប្រភព៖ NHK

ចុចអាន៖ យានអវកាស ឥណ្ឌា បង្កើតប្រវត្តិសាស្ត្រចុះចតយ៉ាងជោគជ័យលើឋានព្រះចន្ទ