ជីវិតកម្សាន្ដ

តារាកូនកាត់ខ្មែរ-ថៃ ណា សាឌី ត្រេកអរខ្លាំងបានចូលសញ្ជាតិថៃ ខណៈរង់ចាំអស់ ៥ ឆ្នាំ

បានផុស

១ year មុន

នៅ

ថ្ងៃព្រហស្បតិ៍ ៣១ សីហា ២០២៣

ដោយ

ទីបំផុតការរង់ចាំរបស់តារាសម្ដែង និងជាពិធីការិនីកូនកាត់ខ្មែរ-ថៃ កញ្ញា ណា សាឌី បានសម្រេចបំណងហើយបន្ទាប់ពីនាងបានចូលជាសញ្ជាតិថៃ ខណៈប្រើពេលរង់ចាំអស់រយៈពេលជាង ៥ឆ្នាំមកនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារាស្រីកញ្ញា ណា សាឌី នាងគឺជាកូនកាត់ដែលមានម្តាយជាជនជាតិខ្មែរ ចំណែកឯឪពុកជាជនជាតិថៃហើយកញ្ញា ណា សាឌី បច្ចុប្បន្នក៏ជាពិធី ការិនី និងតារាសម្ដែងកំពុងទទួលបានគាំទ្រច្រើន ពីសំណាក់មហាជន ហើយរឿងការងារវិញនាងក៏មានភាពមមាញឹកច្រើនផងដែរ។

កញ្ញា ណា សាឌី ក្រោយទទួលបានការចូលសញ្ជាតិថៃ នាងបានសម្ដែងអារម្មណ៍ត្រេកអរខ្លាំង ដោយក្នុងនោះ ណា សាឌី បានបញ្ជាក់ឲ្យដឹងពីក្តីរំភើបថា«ទីបំផុត ខ្ញុំទទួលបានសញ្ជាតិថៃហើយក្រោយរង់ចាំជាង៥ឆ្នាំហើយ ពេលនេះជាប្រជាជនថៃពេញលេញនឹងគេហើយ»។

ដោយឡែក បើក្រឡេកទៅមើលពីជីវិតឯកជនក្រៅសិល្បៈរបស់ស្រីស្អាត ណា សាឌី កន្លងមកនាងតែងបង្ហាញនូវភាពស្រស់ស្រាយជាមួយ នឹង រូបសម្ផស្សដ៏ស្រស់សោភាគួរឲ្យគយគន់មិនជិនណាយ។ ណា សាឌី ក៏ត្រូវបានមហាជនតែងសរសើរពីអត្តចរិតរួសរាយជាមួយភាពទាក់ទាញដ៏លេចធ្លោ តាមរយៈសមត្ថភាពសម្តែង និងទេពកោសល្យសិល្ប:ផ្សេងៗជាដើម។

គួររម្លឹកថា កញ្ញា ណា សាឌី ដែលមានឈ្មោះហៅក្រៅ ថាក្វាន់ៗ កូនកាត់ខ្មែរ-ថៃ រូបនេះគឺ កន្លងមកបានវិវឌ្ឍខ្លួនពីអ្នកអានព័ត៌មាននៅប៉ុស្តិ៍ទូរទស្សន៍ ប្រែមកធ្វើជាពិធីការិនីកម្មវិធី «តន្ត្រីខារ៉ាបាវ» និង «ពិភពរីករាយ » ជាដើម៕

អត្ថបទ៖ ចាន់រ៉ា