ជីវិតកម្សាន្ដ

អ៊ឹង និមល ខ្ញីចាស់ កាន់តែហឹរ

បានផុស

១ year មុន

នៅ

ថ្ងៃព្រហស្បតិ៍ ៣១ សីហា ២០២៣

ដោយ

តារាស្រីកញ្ញា អ៉ឹង និមល ដែលត្រូវជាប្អូនស្រីបង្កើតរបស់លោក អ៉ឹង រដ្ឋា ហៅនាយ ទុយ ថ្វីត្បិតតែនាងចូលប្រលូកនៅក្នុងអាជីពសិល្ប:យូរឆ្នាំមកហើយក្តី តែសម្រាប់ទីផ្សារគាំទ្រ និងប្រជាប្រិយភាពរបស់នាងមកទល់ពេលនេះ នៅតែមានសន្ទុះហក់ឡើងគួរឲ្យកត់សម្គាល់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយឡែក បើយើងមកចាប់ពីអារម្មណ៍ពីអាយុវិញ តារាសម្ដែងរូបនេះហាក់មានវ័យកាន់តែច្រើនបន្តិចផងដែរ ខណៈរូបសម្ផស្សរបស់កញ្ញា និមល នៅតែរក្សាបានភាពស្រស់ស្អាតគួរជាទីគយគន់ទាក់ភ្នែកអ្នកគាំទ្រ។

ជាមួយគ្នានេះ បើយោងតាមប្រភពពីរង្វង់មិត្តភក្តិសិល្ប:រួមអាជីពបានបង្ហើបថា តារាភាពយន្ត ខ្ញីចាស់ អ៉ឹង និមល បច្ចុប្បន្នកំពុងមានទីផ្សារការងារ និងកំពុងក្ដោបរឿងភាគបានស្ទើរគ្រប់ប៉ុស្តិ៍ទូរទស្សន៍។

ប្រភពបានបញ្ជាក់ថា សម្រាប់តារាភាពយន្តល្បីឈ្មោះ រូបនេះ សព្វថ្ងៃក្រៅពីអាជីពជាពិធីការិនី និងចម្រៀងគឺ កញ្ញា អ៉ឹង និមល កំពុងតែបានលេចចេញជាខ្សែភាពយន្តភាគខ្លះៗដែលបាននឹងកំពុងថត និងខ្លះចេញផ្សាយបន្តបន្ទាប់ ។ ទាំងនេះដោយសារតែសមត្ថភាពពីកំណើតដែលធ្វើឲ្យនាងអាចលេងបានគ្រប់ទម្រង់ ព្រមទាំងកែវភ្នែកមុត ដងខ្លួនល្វត ល្វន់ សំដែងយ៉ាងល្អឥត ខ្ចោះទៅតាមទម្រង់ នៃសាច់រឿងនីមួយៗ។

លើសពីនេះកញ្ញា អ៉ឹង និមល ក៏អាចឆក់យកបេះដូងផលិតករល្បីៗក្នុងស្រុកសម្លឹងឃើញពីសមត្ថភាព និងទេពកោសល្យដែលមិនអាចនឹង មើលរំលងបានក្នុងការហៅតារាស្រីរូបនេះមកថត បញ្ចូលជាតួអង្គក្នុងសាច់រឿងមួយចំនួន។

គួរបញ្ជាក់ផងដែរថា កញ្ញា អ៉ឹង និមល អាចធ្វើបានគ្រប់ទម្រង់ ទាំងពិធីការិនី តារាចម្រៀង និងសម្ដែងជាដើម៕

អត្ថបទ៖ ចាន់រ៉ា