វិធី​ស្វែងរក GPS ដែល​គេ​លួចលាក់​បង្កប់​នៅ​លើ​រថយន្ត​យើង​ស្ដាប់​និង​តាមដាន

កម្មវិធីតាមដានយានយន្តGPSតគឺជាឧបករណ៍តូចមួយដែលផ្អែកលើប្រព័ន្ធកំណត់ទីតាំង សកល ឬហៅថា GPS ដោយអាចបង្ហាញដំណើររការរបស់វានៅលើផ្ទាំងនៃរថយន្ត។ ជាទូទៅកម្មវិធីតាមដានរថយន្ត GPS ទាំងអស់មិនត្រូវបានគេរចនាឡើងសម្រាប់លក់នោះទេ ហើយវាមានទំហំតូចល្មមអាចមើលឃើញយ៉ាងងាយស្រួល។  ប៉ុន្តែពេលខ្លះ មានជនមិនល្អមួយចំនួនបាន លួចយក GPS មកដាក់ក្នុងឡានដើម្បីតាមដានយើងដោយមិនដឹងខ្លួន។

តើគេប្រើកម្មវិធីតាមដានរថយន្ត GPS ដើម្បីអ្វី?

គ្រប់គ្រងដំណើរការរថយន្ត

តាមដានការដឹកជញ្ជូនរបស់បស់តាក់ស៊ី

តាមដានក្មេងៗជំទង់

ជួយរកកន្លែងដែលឡានបានចតទុក

ជួយសង្គ្រោះពេលមានចោរកម្ម

វិធីស្វែងរកកម្មវិធីតាមដាន GPS ដែលលាក់នៅលើឡានរបស់អ្នក

ប្រសិនបើសង្ស័យថានរណាម្នាក់អាចលាក់កម្មវិធីតាមដាន GPS នៅកន្លែងណាមួយនៅលើឡានរបស់អ្នក ឧបករណ៍ចាំបាច់មួយចំនួនដែលអ្នកត្រូវការរួមមាន ពិល កញ្ចក់ ឧបករណ៍ចាប់សំឡេង និងកម្រាលសម្រាប់ក្រាលដើម្បីជួយអ្នកអាចលូនចូលក្រោមយានយន្ត។

ជំហានជាមូលដ្ឋានក្នងការស្វែងរកកម្មវិធីតាមដាន GPS ដែលលាក់នៅលើរថយន្ត ៖

ត្រួតពិនិត្យផ្នែកខាងក្រៅ៖

• ប្រើពិល និងកញ្ចក់ដើម្បីពិនិត្យកង់និងក្រោមយានយន្ត
• ឧបករណ៍តាមដានភាគច្រើនអាចមានភាពកខ្វក់និងពិបាកមើល ប៉ុន្តែវាក៏ត្រូវបានលាក់នៅក្នុងទីតាំងដែលងាយស្រួលដែរ

ត្រួតពិនិត្យផ្នែកខាងក្នុង៖

• ពិនិត្យមើលកន្លែងផ្ទុកទិន្នន័យជាមុនសិន
• កម្មវិធីតាមដាន GPS ភាគច្រើនតូចណាស់ ដូច្នេះកុំមើលរំលងកន្លែងលាក់ខ្លួនរបស់វាផ្នែកណាមួយឡើយ រួមទាំងកន្លែងដាក់ឥវ៉ាន់ផង

ប្រើឧបករណ៍ចាប់សំឡេងជាជំនួយ៖

• ឧបករណ៍ចាប់សំឡេងមានសមត្ថភាពអាចរកកម្មវិធីតាមដាននៅកន្លែងតែមួយបាន
• កម្មវិធីតាមដានខ្លះអាចដើរបានតែនៅពេលរថយន្តកំពុងធ្វើដំណើរប៉ុណ្ណោះ ដូច្នេះឧបករណ៍ចាប់សំឡេងអាចជួយចាប់វាបាន ប៉ុន្តែឧបករណ៍ចាប់សំឡេង មិនអាចរកឃើញកម្មវិធី GPS ដែលអសកម្មទេ

ប្រសិនបើសង្ស័យថានរណាម្នាក់បានលាក់កម្មវិធីតាមដាននៅលើឡានរបស់អ្នក ប៉ុន្តែអ្នកនៅតែមិនអាចរកវាឃើញទេ សុំទៅរកអ្នកជំនាញឲ្យជួយ៕

ប្រែសម្រួល៖ សន្យា

ប្រភព៖ Lifewire

ចុចអាន៖កុំកំណាញ់! ឧស្សាហ៍ញញឹមផ្ដល់គុណប្រយោជន៍ច្រើនយ៉ាងណាស់ដល់អ្នក

ចុចអាន៖ហេតុផល ៣ យ៉ាង​ដែល​អ្នក​មិន​អាច​​ព្រងើយ​កន្តើយ​ ចំពោះ​បញ្ហា​សុខភាព​ផ្លូវ​ចិត្ត