ស្វាយរៀងខាប់អាយុ១៨ឆ្នាំសប្តាហ៍ទី៣​ស៊ុតចូលគ្នា៣២គ្រាប់

ការ​ប្រកួត​បាល់ទាត់​ជើង​ឯក​យុវជន​ស្វាយរៀង​ខាប់​អាយុ​ក្រោម​១៨​ឆ្នាំ​ក្នុង​សប្តាហ៍​ទី​៣​មាន​គ្រាប់​បាល់​ចំនួន​​៣២​បាន​កើត​មាន​ឡើង​ពី​ការ​ប្រកួត​​៦គូ​កាល​ពី​ចុង​សប្តាហ៍​កន្លងទៅ​នេះ។​

ការ​ប្រកួត​៣​គូ​នៅ​ថ្ងៃ​សៅរ៍ ទី​២ ខែ​កញ្ញា មាន​គ្រាប់​បាល់​ទម្លាយ​សំណាញ់​ទី​គ្នា​រហូត​ដល់​១៦​គ្រាប់​។ ការ​ប្រកួត​វេលា​ម៉ោង​៨​ព្រឹក ក្រុម​យុវជន Rainbow fc បាន​ទទួល​រង​បរាជ័យ​ក្រោម​ថ្វី​ជើង ត្រកួន​ទែក​ដោយ​លទ្ធផល ០-៥ នៅ​ក្នុង​ពូល​ ក ខណៈ​វេលា​ម៉ោង​២​រសៀល ការ​ប្រកួត​សន្សំ​ពិន្ទុ​ក្នុង​ពីល ច ក្រុម​សសយក ស្រុក​កំពង់រោទិ៍ រក​បាន​៣​ពិន្ទុ​តាម​រយៈ​ជ័យជ្នះ​លើ​ក្រុមយុវជន​បាទី​ដោយ​លទ្ធផល ០-៣។

ការ​ប្រកួត​សន្សំ​ពិន្ទុ​នៅ​ក្នុង​ពូល ខ វេលា​ម៉ោង​៤​រសៀល ក្រុម​ពូប្រុយ លីងគួយ ទទួល​បាន​ជ័យជម្នះ​យ៉ាង​ធំ​ធេង​លើ​ក្រុម​យុវជន​ឆន្ទៈ​កីឡា ៨-០។

ចំពោះ​ការ​ប្រកួត​នៅ​ថ្ងៃ​អាទិត្យ​ក៏​មិន​ឲ្យ​ចាញ់​ថ្ងៃ​សៅរ៍​គឺ​មាន​គ្រាប់​បាល់​១៦​គ្រាប់​ដែរ ក្នុង​នោះ​នៅ​ពូល ង ក្រុម Red Bull លត់​ដៃ​គូ​យ៉ាង​ចាស់​ដៃ​ក្នុង​លទ្ធផល ៨-១ លើ​ក្រុម Never Win ហើត​នៅ​ពូល ខ វេលា​ម៉ោង​២​រសៀល ក្រុម​យុវជន Blue Dragon បាន​ឈ្នះ​​លើ​ក្រុម​សសយក ស្រុក​ចន្ទ្រា ០-៥។

ដោយ​ឡែក ​នៅ​វេលា​ម៉ោង​៤​រសៀល ក្រុមយុវជន M.S.T FC និង​ ត្នោត Fc ចែក​គ្នា​បាន​១​ពិន្ទុ​ម្នាក់​ប៉ុណ្ណោះ បន្ទាប់​ពី​ស្មើ​គ្នា ១-១ សម្រាប់​ការ​ប្រកួត​សន្សំ​ពិន្ទុ​ក្នុង​ ង និងបាន​ក្លាយ​ជា​គូ​តែ​មួយ​គត់​ដែល​ស្មើ​គ្នា។

ថ្ងៃសៅរិ៍ ទី០២ ខែកញ្ញា ឆ្នាំ២០២៣

• ម៉ោង ៨:០០ព្រឹក៖ RAINBOW FC ០-៥ ត្រកួនទែក (ពូល ក)

• ម៉ោង ២:០០រសៀល៖ បាទី ០-៣ សសយក ស្រុកកំពង់រោទិ៍ (ពូល ច)

• ម៉ោង ៤:០០រសៀល៖ ពូប្រុស លីងគួយ ៨-០ យុវជនឆន្ទៈកីឡា (ពូល ខ)

ថ្ងៃអាទិត្យ ទី០៣ ខែកញ្ញា ឆ្នាំ២០២៣

• ម៉ោង ៨:០០ព្រឹក៖ NEVER WIN ១-៨ RED BULL (ពូល ង)

• ម៉ោង ២:០០រសៀល៖ សសយកស្រុកចន្រ្ទា ០-៥ BLUE DRAGON (ពូល ខ)

• ម៉ោង ៤:០០រសៀល៖ M.S.T FC ១-១ ត្នោត Fc (ពូល ង)

អត្ថបទ៖ វីរបុត្រ