តារាហុងកុងជើងចាស់ Moon Lee ធ្លាប់ត្រូវស្វាមីចោទប្រកាន់ថា សហាយស្មន់ជាមួយកូនប្រុសធម៌

តារាហុងកុង Moon Lee Choi Fung ធ្លាប់ត្រូវអតីតស្វាមីចោទប្រកាន់ថា សហាយស្មន់ជាមួយកូនប្រុសធម៌កាលពីឆ្នាំ ២០០៧ ។

Moon Lee គឺជាតារាស្រីកំពូលសម្រស់ម្នាក់ក្នុងអំឡុងឆ្នាំ ១៩៨០ ទៅឆ្នាំ ២០០០ បច្ចុប្បន្ននាងមានអាយុ ៥៨ ឆ្នាំហើយ ។

Moon បានលាឈប់ពីសិល្បៈក្នុងឆ្នាំ ២០០១ បន្ទាប់ពីរៀបការជាមួយគ្រូពេទ្យវះកាត់ម្នាក់ឈ្មោះ Dennis Law Kai-yen ។ ពួកគេទាំងពីរមានកូនប្រុសជាមួយគ្នាម្នាក់ ហើយលែងលះដាច់ស្រេចនៅឆ្នាំ ២០០៩ ។

ថ្មីៗនេះ Moon បានជម្រាបក្នុងបណ្ដាញសង្គមអំពីការត្រឡប់មកវិញរបស់នាងនៅថ្ងៃទី ១៥ ខែកញ្ញា ផងដែរ។

គួររំលឹកថាតារាស្រីខាងលើចូលសិល្បៈតាំងពីអាយុ ១៥ ឆ្នាំមកម្ល៉េះ ប៉ុន្តែក្រោយរៀបការនាងបានផ្លាស់ទៅនៅសហរដ្ឋអាមេរិកជាមួយស្វាមី ។

ដល់ឆ្នាំ ២០០៧ Dennis បានប្រកាសលែងលះ ហើយចោទប្រកាន់ Moon ថាលួចសហាយស្មន់ជាមួយកូនធម៌ឈ្មោះ Zhong Tian Yi ដែលកាលនោះលោកមានអាយុខ្ទង់ ២០ ប៉ុណ្ណោះ ។

លើសពីនេះ Dennis បានសរសេរសៀវភៅរៀបរាប់ពីការដឹងរឿងសហាយស្មន់ទៀតផង ។ នៅក្នុងសៀវភៅ Dennis អះអាងថា គាត់រកឃើញស្រោមអនាម័យដែលប្រើរួចនៅចន្លោះគ្រែគេង និងចាប់បាន Zhong Tian Yi ពួនក្នុងទូខោអាវដោយស្លៀកខោក្នុងតែមួយគត់ ។

ចំពោះការចោទប្រកាន់ដ៏គួរឲ្យអាម៉ាស់ Moon ការពារខ្លួនថា នេះជារឿងមិនពិត Dennis ទៅវិញទេបានក្បត់ចិត្តនាងជាច្រើនឆ្នាំមកហើយ ។ សូម្បីនៅក្នុងកិច្ចសម្ភាសន៍មួយ Moon ក៏និយាយដែលថា “ការរៀបការចូលគ្រួសារអ្នកមានមិនសប្បាយទេ វាមិនអស្ចារ្យដូចអ្វីដែលអ្នកគិតឡើយ ។ ខ្ញុំមិនជឿរឿងស្នេហាទេ” ៕

ប្រែសម្រួល៖ វារី

ប្រភព៖ 8days

ចុចអាន៖ តារាស្រីហុងកុង ប្រើកាបូបដាក់ឆ្កែចិញ្ចឹម សុទ្ធតែ Birkin