ជីវិតកម្សាន្ដ

ក្រៅពីសម្ដែង តួប្រុសរឿង “ស្រមោលពិសស្នេហ៍” ជាថៅកែសាច់ជ្រូកបំពងរកប្រាក់បានក្រាស់ក្រែល

បានផុស

១ year មុន

នៅ

ថ្ងៃអង្គារ ៥ កញ្ញា ២០២៣

ដោយ

ក្រៅពីអាជីពជាតារាសម្ដែងលោក Phasut Banyaem បច្ចុប្បន្ននេះក៏ជាថៅកែហាងលក់សាច់ជ្រូកបំពងមួយកន្លែងកំពុងតែទទួលបានប្រជាប្រិយភាព មានអតិថិជនពោលសរសើរមិនដាច់ពីមាត់ទាំងរសជាតិឆ្ងាញ់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណាមិញដោយសារតែមានអតិថិជនជាច្រើនជារៀងរាល់ថ្ងៃ។ ការបញ្ជាទិញនៅតែបន្តចូលមកឥតឈប់ឈរ ក្នុងនោះ មានមនុស្សជាច្រើនចង់ដឹងថា តើតារាប្រុសនិយមតួកាចរូបនេះ អាចរកប្រាក់ចំណេញបានប៉ុន្មាន។

ដោយឡែក កាលពីថ្មីៗនេះក្នុងកម្មវិធីមួយបានចុះមកធ្វើបទសម្ភាសន៍ជាមួយលោកផ្ទាល់ ខណៈដែលតារាសម្ដែងរូបនេះបាននិយាយថា “សាច់ជ្រូកបំពងប្រៃនេះរកចំណូលបានរាប់សែនក្នុងមួយខែ។ ហើយខ្ញុំបានប្រើប្រាក់សន្សំដែរបស់ខ្ញុំមកធ្វើជាដើមទុន ដើម្បីតែហាងមួយនេះ”។

បន្ថែមពីលើនេះលោកបាននិយាយទៀតថា “ពេលខ្លះខ្ញុំលក់មិនទាន់ពេល ក៏សុំមនុស្សមកជួយ។ ពេលខ្លះទៀតក៏មិនដឹងថាត្រូវបំពងប៉ុន្មានគីឡូក្នុងមួយថ្ងៃទេ។ ដូចថ្ងៃនេះថ្ងៃសៅរ៍វាមានជាង ៣០០ ចាប់ពីម៉ោង ១០ ព្រឹក ហើយចប់ម៉ោង ៣ រសៀល”។

លោកបាននិយាយនូវប្រយោគមួយទៀតថា អាជីពនេះជួយឲ្យលោករកប្រាក់បានយ៉ាងក្រាស់ក្រែល។ ត្បិតថាពេលខ្លះត្រូវរវល់រកពេលគ្មាន ហើយពេលខ្លះទៀតត្រូវបំពងដោយខ្លួនឯងជូនភ្ញៀវ។ ប៉ុន្តែវាក៏ប្រសើរដែរ! ប្រសិនបើត្រូវពង្រីកអាជីវកម្ម វានឹងពិបាក ព្រោះលោកមិនចង់ឲ្យប៉ះម៉ាកយីហោកំពុងល្បីពេលនេះឡើយ៕