ព័ត៌មានជាតិ
ភាគីនិយោជក បញ្ជាក់មូលហេតុដាក់តួលេខចំនួន ១ ដុល្លារ សម្រាប់ប្រាក់ឈ្នួល ២០២៤
លោក កាំង ម៉ូនីកា អគ្គលេខាធិការរងសមាគមរោងចក្រកាត់ដេរនៅកម្ពុជា ហៅកាត់ថា GMAC បានបញ្ជាក់ពីមូលហេតុដែលនាំឲ្យភាគីនិយោជកដាក់តួលេខចំនួន ១ ដុល្លារ សម្រាប់ប្រាក់ឈ្នួលកម្មករ-និយោជិត ឆ្នាំ ២០២៤ ខាងមុខ។
លោក កាំង ម៉ូនីកា បានមានប្រសាសន៍នៅរសៀលថ្ងៃទី ០៥ កញ្ញា នេះថា «យោងស្ថានភាព នៃវិស័យរបស់យើង និងជាពិសេសយោងលក្ខណៈវិនិច្ឆ័យទាំង ៧ ចំណុច ដែលបានបង្ហាញជូនគ្រប់ភាគី ការពិតយើងមិនមានលទ្ធភាពដំឡើងជូនទេ។ តែដោយគោរពតាមការណែនាំរបស់ សម្ដេចធិបតី ចង់ឲ្យមានការដំឡើងខ្លះ យើងក៏ពិចារណាដាក់ជូន ១ ដុល្លារ»។
នៅពេលសួរថា ប្រសិនបើខាងរាជរដ្ឋាភិបាលស្នើឲ្យដំឡើងបន្ថែម តើខាងនិយោជកនឹងពិចារណាដែរឬទេ ឬមួយនៅរក្សាតួលេខចំនួន ១ ដុល្លារ ដដែល ត្រង់ចំណុចនេះ លោក កាំង ម៉ូនីកា បានបញ្ជាក់ថា «យើងត្រូវការការជួយគាំទ្រពីរាជរដ្ឋាភិបាលមកវិញ ក្នុងការកាត់បន្ថយថ្លៃក្នុងការធ្វើអាជីវកម្ម ជាពិសេសថ្លៃភស្តុភារ»។
ប្រជុំក្រុមប្រឹក្សាជាតិប្រាក់ឈ្នួលអប្បបរមា អាណត្តិទី ៣ លើកទី ៣ កាលពីព្រឹកថ្ងៃទី ០៤ កញ្ញា បានឈានដល់ការដាក់តួលេខរៀងៗ ខ្លួន ដោយភាគីនិយោជកដាក់ចំនួន ១ ដុល្លារបន្ថែម លើប្រាក់ឈ្នួលបច្ចុប្បន្ន ២០០ ដុល្លារ ក្នុងមួយខែ ខណៈភាគីសហជីពដាក់ ១៥ ដុល្លារ។ ចំណែកភាគីរាជរដ្ឋាភិបាល នៅមិនទាន់ដាក់តួលេខនៅឡើយទេ បើទោះបីជាមានតួលេខក្នុងដៃរួចហើយ។
លោក ហេង សួរ រដ្ឋមន្ត្រីក្រសួងការងារ និងបណ្ដុះបណ្ដាលវិជ្ជាជីវៈ បានមានប្រសាសន៍ថា «ភាគីរាជរដ្ឋាភិបាល នៅមិនទាន់ដាក់តួលេខនៅឡើយទេ។ យើងមានតួលេខ តែយើងមិនចង់ឲ្យភាគីទាំងសងខាងផ្ដោតលើតួលេខនេះទេ ហើយខ្ញុំពិតជាមានការសប្បាយចិត្តដែលភាគីទាំងអស់ ទោះបីជាយើងមិនបានបញ្ជាក់តួលេខណាមួយពីរាជរដ្ឋាភិបាល យើងឃើញថា ភាគីទាំងអស់ប្រើប្រាស់លក្ខណៈវិនិច្ឆ័យទាំង ៧ គ្រាន់តែថាការយល់ឃើញការប្រែប្រួលលក្ខណៈវិនិច្ឆ័យនីមួយៗ វាខុសគ្នា តែបានឈរលើបន្ទាត់មួយនេះ។ អីចឹងខ្ញុំគិតថា វាជាការវិវត្តន៍ដ៏ល្អ»។
លោករដ្ឋមន្ត្រី បានបញ្ជាក់ថា តួលេខដែលភាគីនីមួយៗ បានដាក់នៅពេលនេះ ពួកគាត់នឹងយកទៅប្រជុំផ្ទៃក្នុងបន្ថែមទៀត ហើយយើងនឹងមានឱកាសស្តាប់ការវិវត្តន៍នៅក្នុងកិច្ចប្រជុំប្រាក់ឈ្នួលជាបន្តបន្ទាប់ក្រោយៗទៀត ពីភាគីនីមួយៗ។
លោករដ្ឋមន្ត្រី បានបន្តទៀតថា នៅក្នុងកិច្ចប្រជុំជាបន្តបន្ទាប់ទៀត ភាគីទាំងពីរ នឹងពិចារណាកែសម្រួលតួលេខជាបណ្តើរៗថែមទៀត ហើយភាគីខាងរដ្ឋាភិបាល នឹងបន្តខិតខំសម្របសម្រួលដើម្បីឲ្យភាគីទាំងពីរកាន់តែយល់ កែគោលជំហររបស់ខ្លួនកាន់តែកៀកប្រហាក់ប្រហែលគ្នាមុននឹងយើងឯកច្ឆន្ទគ្នា ឬ បោះឆ្នោតសម្រេចនាមុនពិធីបុណ្យភ្ជុំខាងមុខនេះ។
ចំណែក លោក គឹម ចាន់សំណាង អនុប្រធានក្រុមប្រឹក្សាជាតិប្រាក់ឈ្នួលអប្បបរមា អាណត្តិទី ៣ ភាគីសហជីព បានមានប្រសាសន៍ថា «ការតួលេខ ២១៥ ដុល្លារនេះ ជាការស្នើសុំលើកទី ១។ ដូចនេះយើងអាចជជែកគ្នាបានក្នុងករណីចាំបាច់ និងពិនិត្យលើផលប្រយោជន៍កម្មករ-និយោជិត ដោយឈរលើទឡ្ហីករណ៍ណាមួយ យើងក៏អាចសម្របសម្រួលទៅតាមស្ថានការណ៍ជាក់ស្ដែងដែរ ព្រោះថាការដំឡើងប្រាក់ឈ្នួលណាមួយត្រូវមានការឯកភាពគ្នាយល់ព្រមទាំងអស់គ្នាដោយសប្បាយរីករាយបំផុត»។
គួរបញ្ជាក់ថា កិច្ចក្រុមប្រឹក្សាជាតិប្រាក់ឈ្នួលអប្បបរមាអាណត្តិទី ៣ បានសម្រេចរៀបចំកិច្ចប្រជុំកំណត់ប្រាក់ឈ្នួលចំនួន ៧ លើក គឺ នៅថ្ងៃទី ១៦ សីហា ថ្ងៃទី ២៨ ខែសីហា, ថ្ងៃទី ៤, ថ្ងៃទី ១១,ថ្ងៃទី ១៨, ថ្ងៃទី ២៥ ខែកញ្ញា និងថ្ងៃទី ២ ខែតុលា ឆ្នាំ ២០២៣ ខណៈប្រាក់ឈ្នួលកម្មករនិយោជិតបច្ចុប្បន្នមានចំនួន ២០០ ដុល្លារ ក្នុងមួយខែ៕
អត្ថបទ ៖ សំអឿន
អ្នកនាំពាក្យ៖ ឆ្នាំ២០២៥ កម្មករនិយោជិតនឹង ទទួលបានប្រាក់ឈ្នួលអប្បបរមាថ្មីចំនួន២០៨ដុល្លារក្នុង១ខែ
ជាងក្រឡឹងម្នាក់នៅស្រុកអូយ៉ាដាវ ខេត្តរតនគីរី ឈ្នះរង្វាន់ ១២៥លានរៀល ពីភេសជ្ជៈប៉ូវកម្លាំង ខារ៉ាបាវ
ផ្លូវថ្មើរជើង (Walk street) តាមបណ្តោយមាត់ទន្លេចាប់មុខប្រៃសណីយ៍ ដល់មុខព្រះបរមរាជវាំង នឹងដាក់ឱ្យដំណើរការនៅចុងខែមករា២០២៥ខាងមុខនេះ
ប្រធានគណបក្សខ្មែរតែមួយ អំពាវនាវដល់យុវជនជំនាន់ក្រោយចងចាំ«ទិវាសន្ដិភាពនៅកម្ពុជា»
ត្បិតទំហំពាណិជ្ជកម្ពុជា-ឥណ្ឌា កើនឡើង តែសម្ដេចតេជោ ថាមិនទាន់សមនឹងសក្តានុពលប្រទេសទាំងពីរ និងបានស្នើឱ្យពង្រីកការផ្លាស់ប្តូរសេដ្ឋកិច្ច និងការវិនិយោគ
ដកហូតសំបក និងពោះវៀនកង់ម៉ូតូសរុបជាង១២០០០ ដែលរំលោភកម្មសិទ្ធិនាំចូល
អ្នកដឹកជញ្ជូនម្ហូបអាហារម្នាក់ត្រូវរថយន្ដបុកស្លាប់ពេលជិះឆ្លងផ្លូវ
បុរសម្នាក់ បើករថយន្តធុនធំ ងោកមួយភាំង រេចង្កូតបុកស្លាកប៉ាណូអស់ ០២ ដើម និងរបងដីឡូត៍ពលរដ្ឋរងការខូចខាត
ដំណឹងល្អ! វ៉ាក់សាំងមហារីករុស្ស៊ី ព្យាបាលអ្នកជំងឺជាសះស្បើយ៧នាក់ហើយ និងគ្រោងដាក់លក់លើទីផ្សារនៅឆ្នាំក្រោយ
បុរសកម្សត់ម្នាក់ អួលដើមកសម្រក់ទឹកភ្នែក លើកដៃទទួលទឹកចិត្តឧកញ៉ា ព្រាប សុវត្ថិ ដែលជូនថវិកាដល់គ្រួសារខ្លួន
-
ព័ត៌មានជាតិ៦ ថ្ងៃ agoUN អនុម័តសម្រាប់ការចាកចេញរបស់កម្ពុជាពីក្រុមប្រទេសអភិវឌ្ឍន៍តិចតួច
-
ជីវិតកម្សាន្ដ៦ ថ្ងៃ agoលោក សុះ ម៉ាច ស្នើឱ្យបញ្ឈប់ការយកស្នាដៃចម្រៀងមរតកដើម មកកែទំនុក បម្រើប្រយោជន៍បុគ្គល
-
សន្តិសុខសង្គម២៤ ម៉ោង agoដកហូតសំបក និងពោះវៀនកង់ម៉ូតូសរុបជាង១២០០០ ដែលរំលោភកម្មសិទ្ធិនាំចូល
-
សន្តិសុខសង្គម២ ថ្ងៃ agoUpdate៖ ជនដៃដល់ដែលវាយសម្លាប់ស្ត្រីលក់ភេសជ្ជៈនៅស្តុប២០០៤ ទៅលោតទឹកសម្លាប់ខ្លួននៅស្ពានជ្រោយចង្វារ
-
ចរាចរណ៍៥ ថ្ងៃ agoស្ត្រីម្នាក់ ជិះម៉ូតូលឿន វ៉ារថយន្តមិនផុត ជ្រុលទាក់ដៃចង្កូតជាមួយកង់ ដួលបោកក្បាលស្លាប់
-
ព័ត៌មានជាតិ៥ ថ្ងៃ agoផលដំឡូងមី កសិករត្រៀមប្រមូល ហាងឆេងទីផ្សារបានត្រឹម ១៧០ រៀលប៉ុណ្ណោះក្នុង ១ គីឡូក្រាម
-
ព័ត៌មានអន្ដរជាតិ១ សប្តាហ៍ agoនារីថៃថតវីដេអូអាសអាភាសផ្ទុកក្នុងប្រព័ន្ធបច្ចេកវិទ្យារកចំណូលជិត១៥០០ដុល្លារក្នុង១ខែ
-
ព័ត៌មានអន្ដរជាតិ៥ ថ្ងៃ agoស្ថានទូតចំនួន៦ ត្រូវបានកម្ទេច ពេលរុស្ស៊ីបាញ់មីស៊ីលវាយប្រហាររដ្ឋធានីកៀវ