តារា TikTok អាមេរិកត្រូវប៉ូលិសថៃចាប់ពីបទរួមភេទ និងចម្លងកាមរោគឲ្យអនីតិជន

គ្រូបង្រៀនជនជាតិអាមេរិកម្នាក់ និងជាតារា TikTok ត្រូវចាប់ខ្លួននៅក្នុងប្រទេសថៃ បន្ទាប់ពីមានការចោទប្រកាន់ថា បានរួមភេទជាមួយក្មេងស្រីអាយុ ១៦ ឆ្នាំ ដែលស្គាល់គ្នាតាមអ៊ីនធឺណិត ។

លោក Luke Rockwell ត្រូវ​បាន​ចាប់​ខ្លួន​កាល​ពី​ថ្ងៃ​សៅរ៍ ទី២​ ខែកញ្ញា និង​​បង្ហាញ​ខ្លួន​នៅ​តុលាការ​​យប់​ថ្ងៃ​ចន្ទ ទី៤ ប៉ុន្តែត្រូវ​​ដោះលែង​ឲ្យ​នៅ​ក្រៅ​ឃុំវិញ ។

គណនី Tiktok របស់គាត់មានឈ្មោះថា English_with_teacherluke ដែលមានអ្នកតាមដានដល់ទៅ ១.៣ លាននាក់ ប៉ុន្តែពេលនេះគាត់ប្ដូរពីគណនីសាធារណៈទៅជាឯកជនវិញហើយ ។

ម្តាយរបស់ក្មេងស្រីដែលមានអាយុ ៤០ ឆ្នាំបានប្រាប់សារព័ត៌មាន NBC ថា Rockwell មកជួបកូនស្រីរបស់គាត់កាលពីខែមីនា នៅពេលដែលនាងមានអាយុ ១៦ ឆ្នាំ ហើយអ្នកទាំងពីរបានជួបគ្នានៅផ្ទះ Rockwell ដោយសារតែគាត់មិនចង់ឲ្យនរណាឃើញខ្លួនជាមួយក្មេងស្រីនោះទេ ។

ដំបូងឡើយ អ្នកទាំងពីរបានរួមភេទដោយប្រើស្រោមអនាម័យ ប៉ុន្តែបន្ទាប់ពី Rockwell បង្ហាញឯកសារវេជ្ជសាស្រ្តដែលបញ្ជាក់ថា គាត់មានសុខភាពផ្លូវភេទល្អ ពួកគេក៏រួមភេទដោយគ្មានការការពារ ។

ស្រាប់តែនៅថ្ងៃទី ២៥ ខែសីហា ក្មេងស្រីរងគ្រោះបានហូរឈាម និងឈឺចាប់យ៉ាងខ្លាំង ទើបបីថ្ងៃក្រោយមក នាងសារភាពពីទំនាក់ទំនងជាមួយ Rockwell ទៅម្ដាយ ។

កាលពីថ្ងៃព្រហស្បតិ៍ ទី ៣០ ខែសីហា មន្ទីរពេទ្យបញ្ជាក់ថានាងមានជំងឺកាមរោគ ហើយនៅថ្ងៃបន្ទាប់ប៉ូលិសបានយកសេចក្តីថ្លែងការណ៍របស់គ្រួសារ និងចេញដីកាចាប់ខ្លួន Rockwell តែម្ដង ។ យ៉ាងណាមិញ ប៉ូលិសចាប់ Rockwell មិនបានទេ លុះឲ្យក្មេងស្រីបញ្ឆោតទើបចាប់បានសម្រេច ។

ប៉ូលិសបានប្រាប់ក្រុមគ្រួសារក្មេងស្រីរងគ្រោះថា Rockwell លួចថតរូប និងសកម្មភាពរួមភេទប្រចាំសប្តាហ៍ជាមួយក្មេងស្រីទៀតផង ។ ដូច្នេះ Rockwell កំពុងប្រឈមមុខនឹងការដាក់ពន្ធនាគារ​អតិបរមា ៥ ឆ្នាំ និង​ពិន័យ​ជា​ប្រាក់ ២៨០ ដុល្លារ ៕

ប្រែសម្រួល៖ វារី

ប្រភព៖ NBC
ចុចអាន៖ ប៉ូលិសថៃចាប់ខ្លួនជនជាតិចិន ១៦ នាក់ ពីបទឆបោកតាមទូរស័ព្ទនៅប៉ាតាយ៉ា