ជីវិតកម្សាន្ដ

ក្រោយជួបរឿងមិនល្អ ស៊ឹម ថៃណា ថា កុំទុកចិត្តអ្នកណាជាងខ្លួនឯង

បានផុស

១ year មុន

នៅ

ថ្ងៃសុក្រ ៨ កញ្ញា ២០២៣

ដោយ

ដូចមហាជនអ្នកគាំទ្របានដឹងហើយថា តារាចម្រៀងចាស់វស្សា កញ្ញា ស៊ឹម ថៃណា កាលពីថ្មីៗកន្លងទៅនេះ នាងត្រូវបានបុរសស្រវឹងស្រាម្នាក់ជេរប្រមាថកិត្តិយសធ្ងន់ធ្ងរ រហូតធ្វើឲ្យតារាស្រីរូបនេះកើតទុក្ខមិនសុខចិត្ត ប្រកាសឲ្យបុគ្គលរូបនោះចេញមុខសុំទោសជាសាធារណៈទៀតផង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណាមិញបើគិតមកដល់ពេលនេះគេមិនទាន់ដឹងទេថា តើតារាចម្រៀងកញ្ញា ស៊ឹម ថៃណា ទទួលបានយុត្តិធម៌ហើយ ឬ បែបណានៅឡើយទេ ខណៈសាមីខ្លួនពុំទាន់បកស្រាយអ្វីបន្ថែមនោះ។ ប៉ុន្តែអ្វីដែលគេចាប់អារម្មណ៍ថ្មីទៀតនោះ គឺ ថៃណា បានប្រកាសថា កុំទុកចិត្តអ្នកណាជាងខ្លួនឯង។

កញ្ញា ស៊ឹម ថៃណា បានលើកឡើងខ្លឹមសារថា «ឆាកជីវិតយើងត្រូវជួបមនុស្សច្រើនប្រភេទ មនុស្សខ្លះបង្រៀនយើងឲ្យចេះប្រយ័ត្ន មនុស្សខ្លះបង្រៀនយើងឲ្យចងចាំ មនុស្សខ្លះបង្រៀនយើងឲ្យដឹងថា កុំទុកចិត្តអ្នកណាជាងខ្លួនឯង….»។

ដោយឡែកកាលពីថ្មីៗកន្លងមកនេះ តារាចម្រៀងកញ្ញា ស៊ឹម ថៃណា ក៏ធ្លាប់បានលើកឡើងពីមនុស្សពីរប្រភេទដែលមិនគួរទុកចិត្ត និងនៅជិតផងដែរ។ មនុស្សទាំងពីរប្រភេទដែលតារាស្រី ស៊ឹម ថៃណា និយាយនោះ គឺ ១-គិតថាខ្លួនឯងនិយាយអ្វីក៏ត្រូវ និងទី២-គំនិតអ្នកដទៃមិនស្មើខ្លួន…។ ការលើកឡើងរបស់កញ្ញា ស៊ឹម ថៃណា ខាងលើនេះ បានធ្វើឲ្យមហាជនជាច្រើនបង្ហាញការគាំទ្រគ្រប់គ្នា៕

អត្ថបទ ៖ ចាន់រ៉ា