កីឡា

កីឡាករ បញ្ញា ចេឡា ចេញពីមន្ទីរពេទ្យ ក្រោយការឧបត្ថម្ភព្យាបាលពីឯកឧត្តម ឌី វិជ្ជា និងលោកជំទាវ

បានផុស

១ year មុន

នៅ

ថ្ងៃសុក្រ ៨ កញ្ញា ២០២៣

ដោយ

កីឡាករប្រដាល់ បញ្ញា ចេឡា ត្រូវបានក្រុមគ្រូពេទ្យឲ្យចេញពីមន្ទីរពេទ្យដើម្បីវិលត្រឡប់ទៅផ្ទះវិញហើយ បន្ទាប់ពីទទួលបានការឧបត្ថម្ភទាំងស្រុងលើការព្យាបាលពីឯកឧត្តម ឌី វិជ្ជា និងលោកជំទាវ ហ៊ុន ម៉ាណា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈលោក នាង ស៊ីវុត្ថា ប្រធានគ្រប់គ្រងកម្មវិធីប្រដាល់នៅទូរទស្សន៍បាយ័នបានឲ្យដឹងថា ៖«ចូលរួមផ្តល់ក្តីរំភើប និងសប្បាយស្វាគមន៍ការរស់រៀនមានជីវិតទី២របស់កីឡាករ បញ្ញា ចេឡា។ គ្រប់យ៉ាងជាការរ៉ាប់រងរបស់លោកជំទាវអគ្គនាយិការ ហ៊ុន ម៉ាណា ឯកឧត្តម ឌី វិជ្ជា (ទេវតាមនុស្សធម៌) លើការទទួលខុសត្រូវរាល់ការចំណាយព្យាបាល។ ក៏សូមអរគុណដល់លោកវេជ្ជបណ្ឌិត ឆឹង យ៉ាវយ៉េន វិជ្ជ.ជឹម ផល្លា (ប្រចាំការសង្គ្រោះ) និងក្រុមគ្រូពេទ្យសង្គ្រោះបន្ទាន់ មន្ទីរពេទ្យរុស្ស៊ី ដែលប្រឹងប្រែងជួយសង្គ្រោះអាយុជីវិតកីឡាករ បញ្ញា ចេឡា បានជោគជ័យ»។

លោកបានបញ្ជាក់ថា ថ្ងៃនេះ កីឡាករ ចេឡា ត្រូវបានក្រុមគ្រូពេទ្យអនុញ្ញាតចេញពីមន្ទីពេទ្យដើម្បីទៅសម្រាកព្យាបាលនៅផ្ទះវិញហើយ។

កីឡាករ បញ្ញា ចេឡា បានរបួសកក់ឈាមក្នុងខួរក្បាលដែលត្រូវបានសង្គោះបន្ទាន់ និងធ្វើការវះកាត់ បន្ទាប់ពីរូបគេបានឡើងប្រកួតវាយបុកខ្លាំងជាមួយកីឡាករ ខេមរា កាលពីខែសីហា ឆ្នាំ២០២៣៕