ជីវិតកម្សាន្ដ
តារាគុនល្បុក្កតោ ពេជ្រ ចរណៃ នៅតែទទូចស្នើសុំការសហការពីអាជ្ញាធរជាតិអប្សរា
កញ្ញា ពេជ្រ ចរណៃ តារាសម្ដែង និងជាគ្រូបង្ហាត់ក្បាច់គុនល្បុក្កតោ នៅតែទទូចស្នើសុំ ហើយសង្ឃឹមថា អាជ្ញាធរអប្សរា សហការសម្រួលអនុញ្ញាតឲ្យថតផ្សព្វផ្សាយវិស័យទេសចរណ៍នៅកម្ពុជា។
ជាការពិតណាស់ កាលពីថ្មីៗនេះ តារាសម្ដែងកញ្ញា ពេជ្រ ចរណៃ បានបញ្ចេញសារដោយសម្ដែងនូវការខកចិត្តចំពោះអាជ្ញាធរជាតិអប្សរាដែលមិនអនុញ្ញាតឲ្យថតផ្សព្វផ្សាយពីសិល្បៈវប្បធម៌ក្បាច់គុនខ្មែរ បើទោះបីជានាងបានសុំច្បាប់អស់រយៈពេល ១ សប្ដាហ៍ ឬ រង់ចាំជាយូរក្ដី។
បើតាមការលើកឡើងរបស់ កញ្ញា ចរណៃ កន្លងមក នាងថាមិនក្រោម ១០ ដងទេ ដែលបានធ្វើការស្នើសុំនៅខេត្តសៀមរាប ដើម្បីថតផ្សព្វផ្សាយផ្សារភ្ជាប់ក្បាច់គុនបុរាណខ្មែរជាមួយប្រាសាទ តែមិនដែលបានទទួលការអនុញ្ញាតសូម្បីតែ ១ ដងឡើយ។ បន្ថែមនោះ ដោយសារតែមូលហេតុខាងលើនេះ និងក្ដីស្រលាញ់ ដើម្បីចូលរួមលើកស្ទួយផ្សព្វផ្សាយពីសិល្បៈវប្បធម៌ក្បាច់គុន អក្សរសាស្ត្រខ្មែរ និងតំបន់ទេសចរណ៍ ពេជ្រ ចរណៃ នៅតែទទូចស្នើសុំការសហការពីអាជ្ញាធរជាតិអប្សរាក្នុងការសហការ និងសម្របសម្រួលលើបញ្ហានេះ។
កញ្ញា ពេជ្រ ចរណៃ បានលើកឡើងថា «ខ្ញុំសង្ឃឹមថា អាជ្ញាធរអប្សរា និងបងៗ ដែលមើលការខុស ត្រូវនៅតាមតំបន់ទេសចរណ៍ ជួយសម្រួល និងសហការគ្នាជាមួយផលិតករភាពយន្តអ្នកបង្កើតមាតិកាទេសចរណ៍ និងអ្នកផលិតរូបភាពល្អៗ ដើម្បីរួមគ្នាជួយផ្សព្វផ្សាយវិស័យទេសចរណ៍នៅកម្ពុជា»។
តារាសម្ដែង ពេជ្រ ចរណៃ បានបញ្ជាក់ថា ក្នុងនាមនាងជាកូនខ្មែរមួយរូប គឺ ចង់ឲ្យប្រទេសដទៃទៀតបានដឹងបានស្គាល់ថា ប្រទេសកម្ពុជា ជាប្រទេសដែលសំបូរទៅដោយសិល្បៈ វប្បធម៌ ប្រាសាទបុរាណ និងតំបន់ទេសចរណ៍ជាច្រើន៕
អត្ថបទ ៖ ចាន់រ៉ា
-
សន្តិសុខសង្គម១ សប្តាហ៍ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
សន្តិសុខសង្គម១ សប្តាហ៍ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម១ សប្តាហ៍ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ១ សប្តាហ៍ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ១ សប្តាហ៍ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
សេដ្ឋកិច្ច៤ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
KPT+៥ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ២ ថ្ងៃ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ