ជីវិតកម្សាន្ដ

ក្រុមហ៊ុន Meta សម្រេចបិទ បទ”អនុស្សាវរីយ៍វត្តជោតញ្ញាណ” របស់ លោក សុះ ម៉ាច

បានផុស

១ year មុន

នៅ

ថ្ងៃចន្ទ ១៨ កញ្ញា ២០២៣

ដោយ

អ្នកគាំទ្របានសម្ដែងការសោកស្ដាយគ្រប់គ្នា បន្ទាប់ពីបទចម្រៀង ១ បទ ច្រៀងដោយលោក សុះ ម៉ាច ត្រូវបានក្រុមហ៊ុនហ្វេសប៊ុក (Meta) សម្រេចបិទដោយសារភ្លេងជាប់កម្មសិទ្ធិបញ្ញា ក្រោយផុសបានត្រឹមតែពេល ២ ថ្ងៃ ប៉ុណ្ណោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារាចម្រៀងលោក សុះ ម៉ាច បានបញ្ជាក់ប្រាប់កម្ពុជាថ្មីថា លោកពិតជាសោកស្ដាយណាស់ ខណៈបទចម្រៀងមួយបទនេះត្រូវបានក្រុមហ៊ុនហ្វេសប៊ុកបិទ។ លោកថា តាមពិតលោកគ្មានបំណងយកបទនេះធ្វើអាជីវកម្មនោះទេ ទោះបីជាពេលច្រៀងថតក៏មិនគិតថាច្រៀងដើម្បីយកជាមុខរបរដែរ គឺគ្រាន់តែកម្សាន្តប៉ុណ្ណោះ។

លោក សុះ ម៉ាច បន្តថា «គួរឲ្យសោកស្ដាយណាស់ បទចម្រៀង”អនុស្សាវរីយ៍វត្តជោតញ្ញាណ” ដោយមានការគាំទ្រច្រើនពេលខ្ញុំផុសផ្ញើជូនមិត្តសម្លាញ់ ញឹម វណ្ណារ័ត្ន ដែលជាអ្នកនិពន្ធ និងជូនដល់ប្រជាពលរដ្ឋដែលរស់នៅកោះកុងស្តាប់កម្សាន្តបាន ២ ថ្ងៃ ត្រូវបានក្រុមហ៊ុន Meta សម្រេចបិទដោយសារភ្លេងជាប់កម្មសិទ្ធិបញ្ញា»។

តារាជើងចាស់លោក សុះ ម៉ាច បញ្ជាក់ទៀតថា បំណាច់មហាជនលោកគាំទ្រច្រើន លោកក៏សម្រេច ចិត្តធ្វើភ្លេងថ្មីទៅជាលក្ខណៈជាខ្មែរ និងច្រៀងឡើងវិញ ព្រមទាំងថត MV តាមសំណូមពរ ដើម្បីបម្រើអារម្មណ៍អ្នកស្តាប់ និងអបអរបុណ្យភ្ជុំបិណ្ឌប្រពៃណីជាតិខ្មែរ នឹងមកដល់ពេលខាងមុខផងដែរ។ ដូច្នេះសូមរង់ចាំស្តាប់ ទស្សនា និងគាំទ្រលោកផង៕

អត្ថបទ ៖ ចាន់រ៉ា