ជីវិតកម្សាន្ដ
សាវិន ហ្វីលីព ឲ្យប្រយ័ត្នជំងឺធ្លាក់ទឹកចិត្តជាឃាតកស្ងៀមស្ងាត់បំផុត
តារាសម្ដែងល្បីឈ្មោះនៅក្នុងភាពយន្តខ្នាតធំ រឿង”អ្នកទោសហែកគុក” លោក សាវិន ហ្វីលីព បានចេញមកចែករំលែកបទពិសោធន៍ និងបំផុសឲ្យមហាជនត្រូវប្រយ័ត្នជំងឺបាក់ទឹកចិត្ត ព្រោះជាឃាតកស្ងៀមស្ងាត់បំផុត។
តារាសម្ដែង លោក សាវិន ហ្វីលីព បានបញ្ចេញវីដេអូភ្ជាប់ខ្លឹមសារថា «សូមប្រយ័ត្នជំងឺធ្លាក់ទឹកចិត្តជាឃាតកស្ងៀមស្ងាត់បំផុត បើមិនស្វែងរកការព្យាបាលទេ អាចមានគ្រោះថ្នាក់ដល់ជីវិត»។ លោកបញ្ជាក់ថា លោកធ្លាប់ជួបបញ្ហានេះកាលពីអំឡុង ៧ ឆ្នាំមុន ពេលដែលដឹងថា អ្នកម្ដាយរបស់លោកបានកើតមេរោគថ្លើមប្រភេទ (C)។
លោក សាវិន ហ្វីលីព បន្តថា ជំងឺបាក់ទឹកចិត្តនេះបច្ចុប្បន្នកើតច្រើននៅក្នុងស្រទាប់យុវវ័យ ក៏ដូចជាមនុស្សទូទៅនៅទូទាំងពិភពលោកតែម្ដង ហើយយើងអាចនិយាយបានថាវាជាជំងឺម្យ៉ាងដែលគួរឲ្យខ្លាចបំផុត ព្រោះជំងឺនេះជាឃាតកស្ងៀមស្ងាត់បំផុត។ លោកថា តាំងពី ៧ ឆ្នាំមុន លោកមានជំងឺធ្លាក់ទឹកចិត្តខ្លាំងមែនទែន បន្ទាប់ពីដឹងថាម្ដាយមានមេរោគថ្លើមខាងលើ។
លោក សាវិន ហ្វីលីព បញ្ជាក់ថា «កាលពី ៧ ឆ្នាំមុន ខ្ញុំធ្លាប់កើតជំងឺធ្លាក់ទឹកចិត្តខ្លាំងមែនទែន ទាំងសម្ពាធការងារ និងដឹងថាម្ដាយមានមេរោគនៅក្នុងថ្លើម ប៉ុន្តែក្រោយមកក៏បានព្យាបាលជាវិញសឹងតែ ៩៩ ភាគរយហើយ តែមកដល់ពេល ៦ ខែចុងក្រោយ ពេលដឹងថាម្តាយខ្ញុំកើតជំងឺមហារីកថ្លើមរហូតគាត់ទទួលមរណភាពកាលថ្មីៗនេះ ធ្វើឲ្យខ្ញុំចង់រើជំងឺនេះឡើងវិញព្រោះតែគេងមិនលក់»។
ជាការពិតចំពោះបញ្ហាជំងឺបាក់ទឹកចិត្តមិនមែនជារឿងលេងសើច ហើយរឹតតែមិនអាចធ្វេសប្រហែសដែរ ខណៈបច្ចុប្បន្នគេសង្កេតឃើញមានមនុស្សច្រើននាក់មកហើយ ពិសេសយុវវ័យតែម្ដង បានសម្រេចជ្រើសរើសវិធីដើម្បីបញ្ចប់ជីវិតខ្លួនឯង ព្រោះតែមិនអាចដោះស្រាយបញ្ហា ឬ ស្វែងរកអ្នកណាមកជួយពួកគេបាន។
យ៉ាងណាកត់សម្គាល់មួយរយៈចុងក្រោយនេះ បញ្ហា នៃការបញ្ចប់ជីវិតព្រោះជំងឺបាក់ទឹកចិត្តនេះ បានកើតឡើងជាបន្តបន្ទាប់៕
អត្ថបទ ៖ ចាន់រ៉ា
IU ក្លាយជាតារាចម្រៀងស្រីដំបូងគេ ដែលប្រគំតន្ត្រីនៅកីឡដ្ឋានធំបំផុតរបស់កូរ៉េ
ធនាគារជាតិឱ្យស្ថានប័នផ្ដល់ប្រាក់កម្ចី ប្រគល់ ឯកសារបញ្ចាំ ជូនអតិថជនវិញយ៉ាងយូរ ៧ ថ្ងៃ ក្រោយបង់ផ្ដាច់
លោក យឿន ពិសី សន្យាចូលរួមជួយផ្សព្វផ្សាយ ដើម្បីរកជំនួយជួយទ្រទ្រង់មន្ទីរពេទ្យគន្ធបុប្ផា
ភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
សមាគមសិល្បករខ្មែរ ទទួលបានការបណ្តុះបណ្តាលពីឥទ្ធិពលដ៏អាក្រក់ នៃការប្រើប្រាស់គ្រឿងញៀន
ភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
ជប៉ុន ចាប់ផ្តើមរកឃើញមនុស្សស្លាប់ ដោយសារគ្រោះទឹកជំនន់ធ្ងន់ធ្ងរ នៅភាគកណ្តាល
វៀតណាម បើកទឹក ចេញពីទំនប់វារីអគ្គិសនីធំបំផុតនៅភាគខាងត្បូង
៦ខេត្តរបស់ថៃ នៅតែរងគ្រោះ ដោយទឹកជំនន់
កម្ពុជា ជោគជ័យក្នុងការនាំចេញផលិតផលគ្រាប់ស្វាយចន្ទីជាលើកដំបូង ទៅខេត្តហឺណាន ប្រទេសចិន
-
ព័ត៌មានជាតិ១ សប្តាហ៍ agoព្យុះ ប៊ីប៊ីនកា បានវិវត្តន៍ទៅជាព្យុះសង្ឃរា បន្តជះឥទ្ធិពលលើកម្ពុជា
-
ព័ត៌មានជាតិ៤ ថ្ងៃ agoព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៤ ថ្ងៃ agoឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ agoអឺរ៉ុបកណ្តាលនិងខាងកើត ក៏កំពុងរងគ្រោះធ្ងន់ធ្ងរ ដោយទឹកជំនន់ដែរ
-
ព័ត៌មានអន្ដរជាតិ១ សប្តាហ៍ agoវៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
ព័ត៌មានជាតិ៣ ថ្ងៃ agoBreaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៥ ថ្ងៃ agoព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ៦ ថ្ងៃ agoព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា