សុខភាព

ទងសុករុំកកូនមកពីអី? គ្រោះថ្នាក់ទេ?

បានផុស

៤ years មុន

នៅ

ថ្ងៃពុធ ៣ កុម្ភៈ ២០២១

ដោយ

សុកពាំងមាត់ស្បូន ទងសុករុំកកូន សុទ្ធតែជាបញ្ហាចោទ ដែលស្រីៗកំពុងពពោះតែងព្រួយបារម្ភ។ ថ្ងៃនេះ Hello គ្រូពេទ្យ នឹងបកស្រាយករណីទងសុករុំកកូនជាមួយលោកសាស្ត្រាចារ្យវេជ្ជបណ្ឌិត គាន់ អូន ប្រធានផ្នែករោគស្ត្រី នៃមន្ទីរពេទ្យកាល់ម៉ែត តើមកអ្វី? គ្រោះថ្នាក់ទេ?

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកវេជ្ជបណ្ឌិតថា នៅក្នុងត្រីមាសទី ១ និងទី ២ មិនមានអ្វីគួរឲ្យបារម្ភទេ សុករុំកកូន កើតមានឡើងនៅត្រីមាសទី៣ ជាពេលដែលកូនក្នុងផ្ទៃចាប់ផ្ដើមកម្រើកចុះឡើង ដែលករណីខ្លះ ការធ្វើចលនានោះ សុកកូនទៅរុំកខ្លួនឯង ១ជុំ ២ជុំ ឬ៣ជុំ។

នៅពេលសួរថា ករណីសុករុំក នេះគ្រោះថ្នាក់អត់? អាចជាឧបសគ្គក្នុងការសម្រាលតាមបែបធម្មជាតិទេ? វេជ្ជបណ្ឌិតឯកទេសរោគស្ត្រីរូបនេះពន្យល់ថា សុករុំកូន ជាបញ្ហាគ្រោះថ្នាក់ ឬមិនគ្រោះថ្នាក់ អាស្រ័យទៅការរុំកនោះ តើមានប៉ុន្មានជុំ រឹតកូនតឹងកម្រិតណា? “សុកមានប្រវែងរបស់វា ក្នុងករណីដែលទងសុករុំកកូនតែ ១ជុំ កូនមិនតឹងកនោះទេ ហើយក៏មិនចោទជាបញ្ហាដែរ តែបើរុំច្រើនជុំ កាន់តែតឹង វានឹងគ្រោះថ្នាក់ តម្រូវឲ្យសម្រាលកូនដោយវះកាត់“។

ដើម្បីដឹងថា ទងសុករុំកកូនកម្រិតណាមួយនោះ ម៉ាក់ៗត្រូវពិនិត្យអេកូមើល ព្រោះករណីសុករុំកកូនច្រើនជុំ តឹងពេក មិនអាចសម្រាលតាមធម្មជាតិបានទេ ដោយសារក្បាលកូនមិនចុះ ឯចង្វាក់បេះដូងកូនក៏ធ្លាក់ចុះ៕

អត្ថបទផ្ដល់សិទ្ធិដោយ៖ Hellokrupet

ចុចអាន៖តើខ្ទឹមសពិតជាអាចជួយបញ្ចុះកូឡេស្តេរ៉ុលបានពិតមែន?

ចុចអាន៖បញ្ហារមាស់ពេលយប់ និងវិធីដោះស្រាយ

Related Topics:ទងសុករុំកកូន