មេដឹកនាំរដ្ឋប្រហារមីយ៉ាន់ម៉ាប្រាប់រដ្ឋបាលថ្មីខ្លួនថា ការកាន់អំណាចរបស់កងទ័ពគឺជៀសមិនរួចទេ

សេវាកម្មព័ត៌មានរបស់កងទ័ពមីយ៉ាន់ម៉ាបាននិយាយថា មេដឹកនាំរដ្ឋប្រហារមីយ៉ាន់ម៉ាបានប្រាប់កិច្ចប្រជុំដំបូងនៃរដ្ឋាភិបាលថ្មីរបស់លោកកាលពីថ្ងៃអង្គារថា វាមិនអាចជៀសរួចទេដែលកងទ័ពនឹងត្រូវកាន់អំណាច បន្ទាប់ពីការតវ៉ារបស់ខ្លួនជុំវិញការលួចបន្លំសន្លឹកឆ្នោតក្នុងការបោះឆ្នោតកាលពីឆ្នាំមុន ។

កងទ័ពដែលត្រូវបានគេស្គាល់ថាជាកងកម្លាំង Tatmadaw បានឡើងកាន់អំណាចកាលពីថ្ងៃចន្ទដោយការធ្វើរដ្ឋប្រហារ បន្ទាប់ពីបានចាប់ឃុំខ្លួនមេដឹកនាំជាប់ឆ្នោតលោកស្រី អ៊ុងសាន ស៊ូជី រួមជាមួយឥស្សរជនជាន់ខ្ពស់របស់គណបក្សសម្ព័ន្ធជាតិដើម្បីលទ្ធិប្រជាធិបតេយ្យ (NLD) ផ្សេងទៀត ។

មេដឹកនាំរដ្ឋប្រហារមីយ៉ាន់ម៉ាលោក Min Aung Hlaing បាននិយាយថា “ទោះបីមានការស្នើសុំម្តងហើយម្តងទៀតពីកងកម្លាំង Tatmadaw ក៏ដោយក៏ផ្លូវនេះត្រូវបានជ្រើសរើសដោយចៀសមិនផុតសម្រាប់ប្រទេស ។ រហូតដល់រដ្ឋាភិបាលថ្មីត្រូវបានបង្កើតឡើង បន្ទាប់ពីការបោះឆ្នោតនាពេលខាងមុខ យើងចាំបាច់ត្រូវដឹកនាំប្រទេសសិន ។ ក្នុងអំឡុងពេលដាក់ប្រទេសក្នុងស្ថានភាពអាសន្ន ការបោះឆ្នោត និងការប្រយុទ្ធប្រឆាំងនឹងជំងឺកូវីដ ១៩ ត្រូវបានកំណត់ជាអាទិភាព” ៕

ប្រែសម្រួលដោយ ៖ ជីវ័ន្ត

ប្រភព ៖ REUTERS

ចុចអាន ៖ ប្រជាជនមីយ៉ាន់ម៉ារាប់ពាន់នាក់ ចេញមកធ្វើបាតុកម្មគាំទ្រកងទ័ព

ចុចអាន ៖ វីដេអូប្រជាជនមីយ៉ាន់ម៉ាស៊ីផ្លេឡាន និងគោះចានគោះឆ្នាំង លាន់ទ្រហឹងពេញទីក្រុងយ៉ាំងហ្គោនប្រឆាំងរដ្ឋប្រហារ