Pinky ឱ្យ Tui ជាអ្នកឆ្លើយ ពេលអ្នកកាសែតតាមសួរនាំពីទំនាក់ទំនងស្នេហា

ពាក្យចចាមអារ៉ាមស្នេហារវាងតារាសម្ដែង Pinky Savika និងតារារៀមច្បង Tui Teerapat បានចាប់ផ្ដើមលេចឡើងតាំងពី Pinky ទទួលសិទ្ធនៅក្រៅឃុំ ហើយវាកំពុងបន្តមកទល់បច្ចុប្បន្ន ស្របពេលដែលដំណឹងផ្លូវការអំពីទំនាក់ទំនងរបស់ពួកគេមិនទាន់ឮចេញពីភាគីខាងណាឡើយ។

ដោយសារពាក្យចចាមអារ៉ាមមិនទាន់រលុបពីរង្វង់សិល្បៈ ក៏ដូចជាទស្សនិកជន ទើបមានអ្នកគាំទ្រ ព្រមទាំងអ្នកកាសែតជាច្រើននាក់បានតាមសួរនាំ រហូតដល់ថ្ងៃសម្ពោធភាពយន្តកាលពីពេលថ្មីៗនេះ Pinky បានចេញមុខផ្ដល់សម្ភាសន៍ខ្លះៗពាក់ព័ន្ធជីវិតឯកជនរបស់នាង។

នៅក្នុងបទសម្ភាសន៍នាងបានរៀបរាប់ពីជីវិតជាអ្នកលក់អារហារបំពងតាមផ្លូវថា វាជាជីវិតដ៏រីករាយមួយសម្រាប់នាង។​ ជាមួយគ្នាពេលអ្នកកាសែតតាមសួរអំពីទំនាក់ទំនងស្នេហាជាមួយ Tui នាងបែរជាឆ្លើយថា នាងមិនអាចឆ្លើយអ្វីបានទេ ទុកឱ្យ Tui ជាអ្នកឆ្លើយទៅចុះ។

មុនពេលអ្នកកសែតតាមសួរទំនាក់ទំនងជាមួយ Tui គឺនាងនិងតារាប្រុសរូបនេះ ធ្លាប់ផ្ទុះព៌ត៌មានស្នេហាស៊ីជម្រៅជាមួយគ្នា ដល់ថ្នាក់ល្បីថា ពួកគេរស់នៅក្រោមដំបូលផ្ទះតែមួយទៀតផង៕

ប្រែសម្រួល៖ សន្យា