ជីវិតកម្សាន្ដ

ភឹម ស្រីនោ សុំចិត្តមហាជនឈប់វែកញែករឿងបវរកញ្ញាថៃជាន់ស្បៃលើឆាក

បានផុស

១ year មុន

នៅ

ថ្ងៃពុធ ២០ កញ្ញា ២០២៣

ដោយ

បន្ទាប់ពីមានការចែករំលែកវីដេអូ និងផ្ទុះការជជែកវែកញែកពាក់ព័ន្ធបវរកញ្ញាថៃ Engfa Waraha បានយកជើងកៀស និងជាន់លើស្បៃបវរកញ្ញាកម្ពុជានោះ ពេលនេះសាមីខ្លួនកញ្ញា ភឹម ស្រីនោ បានចេញមកបកស្រាយ និងស្នើសុំចិត្តមហាជនឈប់វែកញែក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការចេញមុខបកស្រាយពីសំណាក់បវរកញ្ញា ភឹម ស្រីនោ នេះ ដោយសារនាងយល់ថា នេះគ្រាន់តែរឿងអចេតនា និងមិនចង់ឲ្យរឿងតូចក្លាយទៅជាបញ្ហាធំ ដែលអាចទៅជាការយល់ច្រឡំរវាងគ្នា។ កញ្ញា ភឹម ស្រីនោ បានបញ្ជាក់ថា «មិនចង់ឲ្យក្លាយជារឿងធំអីទេ ព្រោះវាអាចប៉ះពាល់ដល់ការប្រឡងខាងមុខនេះ»។

កញ្ញា ភឹម ស្រីនោ បាននិយាយទៀតថា «សូមកុំមានការយល់ច្រឡំពួកយើង ហើយនៅខាងក្រោយឆាកក៏មានការនិយាយគ្នាជាធម្មតាទេ……។ ម្យ៉ាងទៀតបើសិនគាត់មិនកៀសរ៉ូបចេញទេ អាចនឹង មានការដួលទាំងយើងទាំងគាត់ ដូច្នេះកុំមានការយល់ច្រឡំ ហើយក៏អរគុណសម្រាប់ការបារម្ភរបស់អ្នកគាំទ្រផងដែរ»។

គួររម្លឹកថា ថ្មីៗនេះ អ្នកគាំទ្រ និងអ្នកនិយមតាមដានវិស័យបវរកញ្ញាកម្ពុជា បានបង្ហាញការហួសចិត្ត និងផ្ទុះការវែកញែក បន្ទាប់ពីឃើញការចែករំលែកវីដេអូនៅលើបណ្ដាញសង្គមហ្វេសប៊ុក និងតិកតុកនូវសកម្មភាពដែលបវរកញ្ញាថៃ EngfaWaraha យកជើងជាន់ស្បៃ កញ្ញា ភឹម ស្រីនោ បវរកញ្ញាកម្ពុជា។ សកម្មភាពនេះ ត្រូវបានគេដឹងថា កើតឡើងអំឡុងពេលជំនួបលើឆាកប្រកួតផ្ដាច់ព្រ័ត្រក្នុងកម្មវិធី Miss Grand Saraburi 2024 កាលពីថ្មីៗកន្លងទៅ ដែលធ្វើឡើងនៅលើទឹកដីប្រទេសថៃ៕

អត្ថបទ ៖ ចាន់រ៉ា