ព័ត៌មានជាតិ

ថវិកាជាង ៣៣លានរៀល បានប្រគល់ជូនគ្រួសារសពសមាជិកមន្ត្រីអាវុធហត្ថរាជធានី

បានផុស

៤ years មុន

នៅ

ថ្ងៃពុធ ៣ កុម្ភៈ ២០២១

ដោយ

នៅបញ្ជាការដ្ឋានកងរាជអាវុធហត្ថរាជធានីភ្នំពេញ លោកឧត្តមសេនីយ៍ឯក រ័ត្ន ស្រ៊ាង មេបញ្ជាការរង កងរាជអាវុធហត្ថលើផ្ទៃប្រទេស បានអញ្ជើញប្រគល់ថវិកាមូលនិធិមហាគ្រួសារកងរាជអាវុធហត្ថ ចំនួន ៣៣.៤៣០.០០០រៀល ជូនដល់ គ្រួសារសពលោក វរសេនីយ៍ត្រី ស៊ុន សារ៉ាឌីន មេបញ្ជាការរង អាវុធហត្ថខណ្ឌទួលគោក ជាសមាជិកមន្ត្រីកងរាជអាវុធហត្ថរាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងនោះដែរ ក្នុងនាមជាតំណាង លោកឧត្តមសេនីយ៍ឯកមេបញ្ជាការ ឧត្តមសេនីយ៍ត្រី ស៊ុ គឹមសាន្ត បានសំដែងនូវការសោកស្តាយ ចំពោះការបាត់បង់សមាជិក ដែលធ្លាប់បានបំពេញភារកិច្ចការងារកន្លងមកនេះ។ ជាមួយនឹងការចូលរួមរំលែកទុក្ខដ៏ក្រៀមក្រមនេះដែ រលោកឧត្តមសេនីយ៍ក៏បានពាំនាំនូវការផ្ដាំផ្ញើសាកសួរសុខទុក្ខ ពីសំណាក់លោក នាយឧត្តមសេនីយ៍ សៅ សុខា អគ្គមេបញ្ជាការរងកងយោធពលខេមរភូមិន្ទ និងជាមេបញ្ជាការ កងរាជអាវុធហត្ថលើផ្ទៃប្រទេស និងឧត្តមសេនីយ៍ រ័ត្ន ស្រ៊ាង ជូនចំពោះក្រុមគ្រួសារសព ផងដែរ៕