កីឡា
ប៉ះគ្នាយប់នេះ គ្រូភ្នំពេញក្រោន Oleg និយាយពីខ្សែប្រយុទ្ធ Cebu គ្រោះថ្នាក់
លោក Oleg Starynskyi គ្រូបង្វឹកភ្នំពេញក្រោនបានយល់ឃើញខ្សែប្រយុទ្ធរបស់ក្លិប Dynamic Herb Cebu គ្រោះថ្នាក់ខ្លាំងនៅពេលក្រុមទាំងពីរប៉ះគ្នាវេលាម៉ោង៧យប់នេះសម្រាប់ការប្រកួតវគ្គសន្សំពិន្ទុក្នុងពូល F ពានរង្វាន់ AFC Cup ឆ្នាំ២០២៣។
គ្រូបង្វឹកភ្នំពេញក្រោន លោក Oleg Starynskyi បាននិយាយថា ៖«នេះជាការប្រកួតលើកដំបូងរបស់ខ្ញុំក្នុងទឹកដីប្រទេសហ្វីលីពីន ហើយក៏ជាប្រកួតទី១ក្នុងវគ្គសន្សំពិន្ទុក្នុងពូល។ ក្រុម Cebu ទើបបង្កើតថ្មី ប៉ុន្តែពួកគេមានការរៀបចំបានល្អ។ ខ្ញុំគិតនេះជាការប្រកួតមួយដែលគួរឲ្យចាប់អារម្មណ៍»។
«កូនក្រុមរបស់ខ្ញុំហត់នឿយច្រើន ដោយសារពួកគេទើបតែប្រកួតជាមួយវិសាខាកាលពីចុងសប្តាហ៍ ហើយក៏ត្រូវធ្វើដំណើរមកប្រទេសហ្វីលីពីនទៀត។ ទោះជាយ៉ាងណា យើងបានសម្រាក និងតៀមខ្លួន៣ថ្ងៃមុនការប្រកួតមកដល់។ ការស្នាក់នៅ ម្ហូបអាហារនៅទីនេះរៀបចំបានយ៉ាងល្អ ដូច្នេះចំពោះការប្រកួតថ្ងៃនេះគឺយើងបានត្រៀមខ្លួនរួចហើយ»។ លោក Oleg បានបញ្ជាក់។
ជំនួបនេះ មិនមែនរឿងងាយស្រួលសម្រាប់ក្រុមតំណាងឲ្យកម្ពុជាឡើយ។ តាមស្ថិតិ៤ប្រកួតចុងក្រោយរបស់ក្រុមហ្វីលីពីនគឺឈ្នះទាំងអស់ ហើយស៊ុតចូលដៃគូរហូតដល់១៦គ្រាប់ ដូច្នេះមានន័យថា ខ្សែប្រយុទ្ធរបស់ Cebu ពិតជាគ្រោះថ្នាក់ខ្លាំង។
លោក Oleg Starynskyi បានបន្ថែមថា៖«មែនហើយ ខ្ញុំបានមើលការប្រកួតរបស់ Cebu។ ពួកគេធ្វើបានល្អក្នុងតំបន់ប្រយុទ្ធ។ ខ្ញុំគិតថា សម្រាប់ការប្រកួតនេះ ក្រុមទាំង២នឹងបង្កើតឱកាសច្រើនក្នុងការរកគ្រាប់បាល់ដូចគ្នា»។
DH Cebu មានខ្សែប្រយុទ្ធសញ្ជាតិជប៉ុន៣នាក់គឺកីឡាករ Ryoo Togashi, Rintaro Hama និង Ken Muraayama ព្រមទាំងមានខ្សែប្រយុទ្ធតួកគី១នាក់ Arda Cinkir។
ភ្នំពេញក្រោន ធ្លាប់ចូលរួមប្រកួតពានរង្វាន់ AFC Cup ៣ដងហើយគិតទាំងឆ្នាំ២០២៣។ ឆ្នាំ២០១៧ ក្នុងវគ្គ Playoff ក្រុមតំណាងកម្ពុជាបានចាញ់ ក្រុមសិង្ហបុរី Home United ទាំងពីរជើង សរុបគ្រាប់បាល់ ៣-៧។ ឆ្នាំ២០២២ ភ្នំពេញក្រោនបានប្រកួតក្នុងវគ្គសន្សំពិន្ទុក្នុងពូល I ដោយបានចាញ់ក្រុមសិង្ហបុរី Hangang United ៣-៤, ស្មើក្រុមវៀតណាម Viettel ០-០ និងឈ្នះក្រុម Young Elephant ៤-២ ស្ថិតនៅលេខ៣។
ឆ្នាំ២០២៣ វគ្គជម្រុះបឋម ភ្នំពេញក្រោន បានឈ្នះក្រុមឡាវ Young Elephant ៣-០ និងវគ្គ Playoff ឈ្នះសិង្ហបុរី Tampines Rovers ៣-២ ដើម្បីបានឡើងទៅវគ្គចែកពូល ដោយស្ថិតនៅពូល F ជាមួយក្រុម DH Cebu (ហ្វីលីពីន) Macarthur FC (អូស្ត្រាលី) និង Shan United (មីយ៉ាន់ម៉ា)។
Dynamic Herb Cebu FC ជាក្រុមថ្មីមួយនៅប្រទេសហ្វីលីពីនដែលទើបបង្កើតកាលពីឆ្នាំ២០២១ ប៉ុន្តែធ្វើបានល្អនារដូវកាល២០២២-២៣ កន្លងទៅក្នុងលីគហ្វីលីពីនដោយពួកគេស្ថិតនៅចំណាត់ថ្នាក់លេខ២ដើម្បីទទួលបានកៅអីក្នុងពានរង្វាន់ AFC Cup វគ្គចែកពូលតែម្តង៕
អត្ថបទ៖ ផា រតនា
ម្ចាស់ជ័យលាភីសំណេរអង្គរថាលោកមិននឹកស្មានពីលទ្ធផលដែលទទួលបាន
ឧក្រិដ្ឋជនមួយក្រុមក្លែងបន្លំជាសមត្ថកិច្ច ស្លៀកពាក់ឯកសណ្ឋានកងរាជអាវុធហត្ថ និងនគរបាលជាតិ ធ្វើសកម្មភាពចាប់ជំរិតទារប្រាក់នៅខេត្តព្រះសីហនុ
ក្រុមតវ៉ាគាំទ្រប្រធានាធិបតី Yoon ប្រែក្លាយទៅហិង្សា ក្រោយតុលាការចេញដីកាចាប់ខ្លួន
កម្លាំងសមត្ថកិច្ចចុះបង្ក្រាបទីតាំងបង្កប់ល្បែងស៊ីសងអនឡាញ ឃាត់ខ្លួនជនជាតិចិន និងវៀតណាម ជាង៣០០នាក់
ស្តី្រចំណាប់ខ្មាំង២នាក់ទៀតដោះលែងដោយក្រុមហាម៉ាស
សង្ស័យស្រវឹង បើករថយន្តបុកម៉ូតូពីក្រោយរបួសស្រាលម្នាក់ រួចគេចទៅបុកម៉ូតូ ១ គ្រឿងទៀត ស្លាប់មនុស្សម្នាក់
តំបន់ភ្លើងឆេះព្រៃនៅរដ្ឋកាលីហ្វ័រញ៉ា នឹងជួបខ្យល់ព្យុះខ្លាំងក្លាចំថ្ងៃត្រាំចូលស្បងកាន់តំណែង
«ឆ្នេរតេជោសន្តិភាពកែប» នឹងបើកការដ្ឋានសាងសង់នៅសប្តាហ៍ក្រោយនេះ
វិញ្ញាសារសំណេរអង្គរលើកទី២ រំលេចពីភាពអស្ចារ្យនៃប្រាសាទអង្គរ
រោងម៉ាស៊ីន ឡាយ សែ នៅស្រុកថ្មគោលប្រមូលទិញស្រូវពីកសិករមួយថ្ងៃចន្លោះពី ១ ៥០០ តោនទៅ ១ ៨០០ តោន
-
ចរាចរណ៍៧ ថ្ងៃ agoជិះម៉ូតូបញ្ច្រាសផ្លូវ បុកម៉ូតូមួយគ្រឿងទៀតស្លាប់ម្នាក់ និងរបួសធ្ងន់ស្រាល៣នាក់
-
ចរាចរណ៍៧ ថ្ងៃ agoយុវជនម្នាក់ ចេញពីធ្វើការត្រលប់ទៅកន្លែងស្នាក់នៅវិញ ជួបគ្រោះថ្នាក់ចរាចរណ៍ ដួលបោកក្បាលស្លាប់លើស្ពានព្រែកព្នៅ
-
ព័ត៌មានអន្ដរជាតិ២ ថ្ងៃ agoទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
-
ព័ត៌មានជាតិ៥ ថ្ងៃ agoជនជាតិភាគតិចម្នាក់នៅខេត្តមណ្ឌលគិរីចូលដាក់អន្ទាក់មាន់នៅក្នុងព្រៃ ត្រូវហ្វូងសត្វដំរីព្រៃជាន់ស្លាប់
-
កីឡា៣ ថ្ងៃ agoភរិយាលោក អេ ភូថង បដិសេធទាំងស្រុងរឿងចង់ប្រជែងប្រធានសហព័ន្ធគុនខ្មែរ
-
ព័ត៌មានជាតិ៣ ថ្ងៃ agoលោក លី រតនរស្មី ត្រូវបានបញ្ឈប់ពីមន្ត្រីបក្សប្រជាជនតាំងពីខែមីនា ឆ្នាំ២០២៤
-
ព័ត៌មានអន្ដរជាតិ៤ ថ្ងៃ agoឆេះភ្នំនៅថៃ បង្កការភ្ញាក់ផ្អើលនិងភ័យរន្ធត់
-
ព័ត៌មានជាតិ៣ ថ្ងៃ agoអ្នកតាមដាន៖មិនបាច់ឆ្ងល់ច្រើនទេ មេប៉ូលីសថៃបង្ហាញហើយថាឃាតកម្មលោក លិម គិមយ៉ា ជាទំនាស់បុគ្គល មិនមានពាក់ព័ន្ធនយោបាយកម្ពុជាឡើយ