ជីវិតកម្សាន្ដ

តារាសម្តែងជើងចាស់ គង់ ប៊ុនសុន ចេញមុខសុំផលិតករហៅសម្តែង ខណៈរបរលក់នំមិនសូវដាច់

បានផុស

១ year មុន

នៅ

ថ្ងៃសុក្រ ២២ កញ្ញា ២០២៣

ដោយ

តារាសម្ដែងស្រីវ័យជរាអ្នកស្រី គង់ ប៊ុនសុន ឬសម្ភ័ស ប៊ុនសុន បានចេញមកបង្ហើយសុំផលិតករ ហៅថតសម្ដែង ដើម្បីបានប្រាក់ចិញ្ចឹមជីវិត ខណៈរបរលក់នំមិនសូវដាច់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកស្រី គង់ ប៊ុនសុន គឺជាសិល្បការិនីម្នាក់ក្នុងចំណោមអ្នកសិល្បៈវ័យជរាមួយចំនួនទៀតដែលកំពុងមានជីវភាពខ្វះខាត និងមានជំងឺប្រចាំកាយ។ ប៉ុន្តែអ្វីដែលអភ័ព្វជាងគេទៀតនោះ គឺពុំមានកូនចៅដែលមានដៃរឹងស្មាមាំជួយជ្រោមជ្រែងនោះទេ ដោយគាត់ត្រូវដើររាល់ ថ្ងៃដើម្បីលក់នំតាមផ្លូវ ឬ បាំងឆត្រអង្គុយលក់នំពេលមេឃកំពុងរលឹមជាដើម។

តារាសម្តែងគង់ ប៊ុនសុន បានលើកដៃអំពាវនាវថា “សូមបងប្អូនមេត្តាជួយហៅ ខ្ញុំថតផងដើម្បីបានថវិការចិញ្ចឹមជីវិត ព្រោះរាល់ថ្ងៃខ្ញុំលក់នំគឺ មិនសូវដាច់ទេ ពេលខ្លះខ្ញុំបាំងឆត្រអង្គុយលក់នំពេលមេឃកំពុងរលឹមលក់នៅតាមដងផ្លូវ២៧១ ជិតអតីតធនាគារ ANZផ្សារដើមថ្កូវ” ។

តារាជើងចាស់រូបនេះបញ្ជាក់ថា ទាំងអស់នេះជារូបថតអនុស្សាវរីយ៍ដែលខ្ញុំបានចូលរួមសំដែងជាមួយតារាល្បីៗជាច្រើន និងបានចូលរួមសំដែងភាពយន្តជាច្រើនរឿង និងរឿងអប់រំខ្លីៗ ខ្ញុំបានចូលរួមថតស្ពតថតបទ ចម្រៀងជាមួយដូចជា ផលិតកម្មហង្ស មាស, ថោន , សាន់ដេ និងបានចូលរួមសម្ដែងក្នុងកម្មវិធីផ្សេងៗជាច្រើន។ លេខទូរស័ព្ទ,០៩៩ ៤៤៤ ៨៥៨។

តារាស្រីអ្នកស្រី គង់ ប៊ុនសុន បានប្រឡូកក្នុងវិស័យសិល្បៈតាមរយៈអាជីពសម្ដែងតាំងពីឆ្នាំ២០១២។ក្រៅពីសម្ដែងកន្លងមកអ្នកស្រីក៏ចេះច្រៀង និងបានបង្ហើរសំនៀងបទមរតកដើមជាច្រើនផងដែរ៕

អត្ថបទ៖ ចាន់រ៉ា