ព័ត៌មានអន្ដរជាតិ
អាមេរិក និងវៀតណាម ពិភាក្សាគ្នា លើកិច្ចព្រមព្រៀងលក់អាវុធទ្រង់ទ្រាយធំបំផុតក្នុងប្រវត្តិសាស្ត្រ
រដ្ឋបាលលោក បៃដិន កំពុងពិភាក្សាជាមួយប្រទេសវៀតណាម លើកិច្ចព្រមព្រៀងមួយសម្រាប់ការផ្ទេរអាវុធទ្រង់ទ្រាយធំបំផុតក្នុងប្រវត្តិសាស្ត្រ រវាងអតីតសត្រូវសម័យសង្គ្រាមត្រជាក់ទាំងពីរ។
យោងតាមមន្ត្រីអាមេរិកដែលសុំមិនបញ្ចេញឈ្មោះ, កញ្ចប់មួយ ដែលអាចផ្តល់ជូននៅឆ្នាំក្រោយ ដើម្បីធ្វើឲ្យកាន់តែប្រសើរឡើងនូវទំនាក់រវាងទីក្រុងវ៉ាស៊ីនតោននិងហាណូយ អាចរួមមានទាំងការលក់យន្តហោះចម្បាំង F-16 ផងដែរ ខណៈប្រទេសអាស៊ីអាគ្នេយ៍មួយនេះ កំពុងប្រឈមមុខនឹងភាពតានតឹងជាមួយទីក្រុងប៉េកាំង នៅក្នុងជម្លោះសមុទ្រចិនខាងត្បូង។
ទោះបីជាយ៉ាងណាក៏ដោយ កិច្ចព្រមព្រៀងនេះ កំពុងស្ថិតក្នុងដំណាក់កាលដំបូងនៅឡើយ ដោយសារតែមានលក្ខខណ្ឌមួយចំនួន មិនទាន់មានការឯកភាពដាច់ស្រេច។
ទន្ទឹមនោះ អ្នកនាំពាក្យសេតវិមាន និងក្រសួងការបរទេសវៀតណាម ក៏មិនបានឆ្លើយតបនឹងសំណើសុំការអត្ថាធិប្បាយដែរ។
គេអាចដឹងបានថា កិច្ចព្រមព្រៀងអាវុធទ្រង់ទ្រាយធំ រវាងសហរដ្ឋអាមេរិកនិងវៀតណាម ច្បាស់ជាធ្វើឲ្យចិន ខឹងសម្បាជាក់ជាមិនខាន ខណៈចិននិងវៀតណាម មានជម្លោះដែនទឹកជាមួយគ្នា។
ជម្លោះដែនទឹកដ៏រ៉ាំរ៉ៃរវាងវៀតណាម និងចិន កំពុងឡើងកម្តៅខ្លាំងនៅសមុទ្រចិនខាងត្បូង ចំពេលទីក្រុងហាណូយ កំពុងព្យាយាមកសាងខែលការការពារដែនសមុទ្រ៕
ប្រែសម្រួល៖ Vann Vann
ប្រភព៖ CNA
-
សន្តិសុខសង្គម៧ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
សន្តិសុខសង្គម៧ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៧ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៦ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៦ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+៤ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
សេដ្ឋកិច្ច៣ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
ព័ត៌មានជាតិ២០ ម៉ោង ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ