បច្ចេកវិទ្យា
មុននឹងសម្រេចចិត្តទិញ Laptop ពិចារណា ៨ចំណុចសិន ជៀសវាងស្តាយក្រោយ
កុំព្យូទ័រយួរដៃមានច្រើនទំហំ និងប្រភេទ គឺផលិតមកឆ្លើយតបនឹងតម្រូវការអ្នកប្រើប្រាស់ តែវាមិនទូទៅពេកនោះទេ ព្រោះកំព្យូទ័រយួរដៃ មានលក្ខណៈពិសេសទៅប្រភេទរបស់វា។ វាមានជំនាញខុសគ្នា ទៅតាមម៉ាក តាមម៉ូដែលដែលគេផលិត សម្រាប់តម្រូវការ Video Editing, Programmer, Game ឬគ្រាន់តែដើម្បី វាយអត្ថបទធម្មតាៗ។
នៅពេលនេះ កម្ពុជាថ្មី សូមណែនាំគន្លឹះខ្លះៗ ទាក់ទងនឹងការជ្រើសរើសកំព្យូរទ័រយួរដៃឱ្យបានត្រឹមត្រូវ។
១. ទំហំ
រូបរាងខាងក្រៅ អាចជាភាពទាក់ទាញមួយ ប៉ុន្តែទំហំ ទើបជារឿងទី១ ដែលយើងគួរផ្តោត។ ជាទូទៅ កំព្យូរទ័រយួរដៃ ជាប្រភេទ ដែលគេនិយមសម្រាប់ការចល័តតាមខ្លួន ហេតុនេះបើសិនជាលោកអ្នក ជាអ្នកដែលឧស្សាហ៍មានកិច្ចការ ទៅក្រៅជាញឹកញាប់ គួរជ្រើយកកំព្យូរទ័រយួរដៃដែលមានទំហំសមល្មម អាចចន្លោះពី ១៣ អ៉ីង ដល់ ១៤ អ៉ីញ និងស្រាល។ តែបើសិនជាឧស្សាហ៍នៅមួយកន្លែង មិនសូវជាចល័តទីតាំងញឹកញាប់ទេ អាចរើសយកទំហំអេក្រង់ធំដល់ ១៥ អ៉ីញបាន ឬលើសហ្នឹងបាន។
២. រន្ធដោតលើតួម៉ាស៊ីន
ក្រៅការរចនារូបរាង និងទំហំ ចំណុចផ្សេងទៀត ដែលយើងមិនគួររំលង គឺរន្ធដោតដែលមាននៅលើតួនៃកំព្យូរទ័រយួរដៃ នោះ ព្រោះ Laptop ម៉ូដែលខ្លះ មានរន្ធដោតតិច ទាមទារឱ្យយើងត្រូវចំណាយលុយទិញឧបករណ៍ជំនួយបន្ថែមទៀត។
៣. កម្រិតបង្ហាញអេក្រង់ (resolution)
សម្រាប់អ្នកសរសេរកម្មវិធី អ្នកឌីហ្សាញ អ្នកកាត់តវីដេអូ គឺចាំបាច់ខ្លាំងបំផុត ក្នុងការជ្រើសរើសកំព្យូទ័រយួរដៃ ដែលមានកម្រិតរូបភាព និងពណ៌ច្បាស់ល្អ។ ឯអេក្រង់វិញ ហោចណាស់ក៏ត្រូវឱ្យបានត្រឹមកម្រិត Full HD ។ មួយវិញទៀត រឹតតែត្រូវខ្វល់ខ្វាយពីកម្រិតពន្លឺដែលជះចេញពីអេក្រង់ ព្រោះប្រភេទកិច្ចការទាំងនេះ ត្រូវចំណាយពេលរាប់ម៉ោងអង្គុយនៅមុខអេក្រង់កុំព្យូទ័រ។
៣. CPU
អង្គគណនា CPU ជាទូទៅអ្នកត្រូវលៃលករើសឲ្យបានត្រឹម Intel Core i5 ឬ i7 ដែលមានល្បឿន 3GHz ឬខ្ពស់ជាងនេះ។
៤. RAM
ដើម្បីឱ្យដំណើរការ នៅពេលប្រើប្រាស់រលូនល្អ ទំហំ RAM មិនអាចក្រោម 8GB ទេ ហើយបើសិនជាបានដល់ 16GB កាន់តែប្រសើរ ព្រោះកម្មវិធីលើប្រព័ន្ធប្រតិបត្តិការ កំព្យូរទ័រខ្លះ ទាមទារទំហំ RAM ធំ។
៥. អង្គផ្ទុក (SSD)
បច្ចុប្បន្នគេនិយមបំផុតអង្គផ្ទុកប្រភេទ SSD ព្រោះធ្វើឱ្យដំណើរការម៉ាស៊ីនរត់លឿនបានល្អ មិនថាតែដំណើរការ OS ការ Compile កូដ និងដំណើរការបើកកម្មវិធីជាដើម។ ធុនល្មមត្រឹម 256GB ឬដល់ 512GB និង 1TB កាន់តែប្រសើរ ប៉ុន្តែរាងអស់លុយក្រាស់បន្តិច។
៦. ក្តារចុច (Keyboard) និង Touchpad
ក្តារចុច ជារឿងសំខាន់មួយផងដែរ ដែលយើងមិនគួរមើលរំលង ត្រូវប្រាកដថា វាមានគម្លាតគ្នាសមល្មម និងងាយស្រួល ចុច (មាន ergonomics ល្អ)។ មួយវិញទៀត យើងក៏ត្រូវមើលលើ touchpad ថាវាមានប្រតិកម្មល្អ រឹងមាំ ហើយស៊ីគ្នាជាមួយនឹងកាយវិការដៃរបស់យើងឬអត់។ ប្រសិនបើលោកអ្នកជ្រើសទិញកុំព្យូទ័រយួរដៃប្រភេទ Window គឺត្រូវប្រាកដថា វាមានកម្មវិធីបញ្ជា Precision touchpad (អាចប្រើកាយវិការម្រាមដៃ Zoom; ទាញ; Scroll ឬ កិច្ចការជាច្រើនផ្សេងទៀត)។
៧. ថាមពលថ្ម
ត្រូវប្រាកដថា Laptop ដែលលោកអ្នកជ្រើសរើស មានថាមពលថ្មយ៉ាងតិច ៩ម៉ោងឡើង ប៉ុន្តែកុំជឿជាក់លើការបញ្ជាក់ ពីក្រដាសរបស់ក្រុមហ៊ុនពេក យល់ល្អគួរស្រាវជ្រាវមើលតាមគេហទំព័រ ឬអ្នកប្រើប្រាស់ពិតប្រាកដណាមួយ។
៨. ប្រព័ន្ធប្រតិបត្តិការ
ប្រព័ន្ធប្រតិបត្តិការ Windows មានច្រើនជម្រើសខុសពី macOS ដូចនេះសម្រាប់ការជ្រើសរើស គឺត្រូវមើលទៅលើតម្រូវការអ្នកប្រើប្រាស់ រួមនឹងលទ្ធភាពដែលអាចទិញបាន ព្រោះថា ចង់បានគុណភាពកាន់តែខ្លាំង តម្លៃក៏កាន់តែថ្លៃ តែបើតាមមតិភាគច្រើន រាល់អ្នកសរសេរកម្មវិធី គឺនិយមប្រើពពួក Macbook ច្រើនជាង Windows៕
-
ព័ត៌មានជាតិ១ សប្តាហ៍ ago
ព្យុះ ប៊ីប៊ីនកា បានវិវត្តន៍ទៅជាព្យុះសង្ឃរា បន្តជះឥទ្ធិពលលើកម្ពុជា
-
ព័ត៌មានជាតិ៤ ថ្ងៃ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៤ ថ្ងៃ ago
ឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ ago
អឺរ៉ុបកណ្តាលនិងខាងកើត ក៏កំពុងរងគ្រោះធ្ងន់ធ្ងរ ដោយទឹកជំនន់ដែរ
-
ព័ត៌មានអន្ដរជាតិ១ សប្តាហ៍ ago
វៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
ព័ត៌មានជាតិ៣ ថ្ងៃ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៥ ថ្ងៃ ago
ព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ៦ ថ្ងៃ ago
ព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា