ព័ត៌មានអន្ដរជាតិ
វៀតណាមត្រៀមប្រារព្ធពិធីបុណ្យបង្គាលើកដំបូង នៅចុងឆ្នាំ ២០២៣
ពិធីបុណ្យបង្គានឹងត្រូវរៀបចំឡើងជាលើកដំបូងក្នុងខេត្ត Ca Mau ភាគខាងត្បូងនៃប្រទេស វៀតណាម នៅចន្លោះថ្ងៃទី១៣ ដល់ថ្ងៃទី១៦ ខែធ្នូ ដោយមានការប្រកួតប្រជែងញ៉ាំបង្គា និងចាប់មឹក ។
វៀតណាមសន្យាថា ការប្រកួតប្លែកៗបែបនេះនឹងធ្វើឱ្យអ្នកទស្សនាសប្បាយរីករាយក្នុងអំឡុងពេលពិធីបុណ្យជាមិនខាន ។ ក្រៅពីនេះ គេមានសកម្មភាពផ្សេងៗទៀត រួមទាំងការប្រលងគូររូបបង្គា ល្បែងទាយការស្ទូចត្រី និងធ្វើសត្វសមុទ្រពីស្លឹកដូងជាដើម ។
កាលពីថ្ងៃអាទិត្យ ទី២៤ ខែកញ្ញា លោក Tran Hieu Hung ប្រធានមន្ទីរវប្បធម៌ កីឡា និងទេសចរណ៍ខេត្ត Ca Mau បាននិយាយថា ព្រឹត្តិការណ៍នេះក៏រៀបចំឱ្យភ្ញៀវទេសចរណ៍ទទួលទានអាហារសមុទ្រផងដែរ ។
ខេត្ត Ca Mau គ្រោងនឹងអញ្ជើញប្រជាជនទូទាំងខេត្តក្រុងចំនួន ៤២ នៃ វៀតណាម ឱ្យចូលរួមក្នុងពិធីបុណ្យ និងដាក់តាំងផលិតផលសំខាន់ៗរបស់ខ្លួនទៀតផង ។
បុណ្យបង្គាខាងមុខរំពឹងថា នឹងទាក់ទាញអ្នកចូលរួមប្រហែល ១០ ០០០ នាក់ ដើម្បីលើកតម្កើងដល់ឧស្សាហកម្មបង្គា ទាក់ទាញភ្ញៀវកាន់តែច្រើន ជាពិសេសទាក់ទាញអ្នកវិនិយោគក្នុងស្រុក និងអន្តរជាតិដូចគ្នា ។
គួរជម្រាបថា ខេត្ត Ca Mau ជាខេត្តនាំមុខគេក្នុងប្រទេសវៀតណាម ជាមួយផ្ទៃដីចិញ្ចឹមបង្គាជាង ២៨០ ០០០ ហិតា និងទទួលទិន្នផលបង្គាប្រចាំឆ្នាំជាង ២២០ ០០០ តោនឯណោះ ៕
ប្រែសម្រួល៖ វារី
-
ព័ត៌មានជាតិ១ សប្តាហ៍ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ១ សប្តាហ៍ ago
ឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ៣ ថ្ងៃ ago
ព្យុះខ្លាំង ៥ទៀត នឹងវាយប្រហារ វៀតណាម មុនដាច់ឆ្នាំ
-
ព័ត៌មានជាតិ៦ ថ្ងៃ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ជីវិតកម្សាន្ដ១៤ ម៉ោង ago
លោកឧកញ៉ា លាង ពៅ ថា Ishowspeed ធ្វើការគ្មានទំនួលខុសត្រូវ ក្នុងថ្ងៃ Gumball 3000 (មានវីដេអូ)
-
ព័ត៌មានអន្ដរជាតិ៣ ថ្ងៃ ago
ភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
-
ព័ត៌មានជាតិ១៧ ម៉ោង ago
ស្ថានភាពកម្ពស់ទឹកទន្លេមេគង្គខេត្តក្រចេះព្រឹកនេះ
-
ជីវិតកម្សាន្ដ២ ថ្ងៃ ago
លោក លៀក លីដា បង្ហាញការខកចិត្តចំពោះការរិះគន់របស់ Allan