កីឡា

មិនធម្មតា ក្រុមបាល់ទះអ៉ីរ៉ង់ឈ្នះម្ចាស់ផ្ទះចិនយកមេដាយមាសកីឡាអាស៊ី៣លើកជាប់គ្នា

បានផុស

១ year មុន

នៅ

ថ្ងៃពុធ ២៧ កញ្ញា ២០២៣

ដោយ

ក្រុមបាល់ទះជម្រើសជាតិអ៉ីរ៉ង់បានយកឈ្នះមេដាយមាសក្នុងកីឡាអាស៊ី លើកទី១៩ ឆ្នាំ២០២៣ បន្ទាប់ពីយកឈ្នះម្ចាស់ផ្ទះចិនដោយលទ្ធផល ១-៣ នៅវគ្គផ្តាច់ព្រ័ត្រ យប់ថ្ងៃទី២៦ ខែកញ្ញា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើកឆាកសិតទី១ ចិនដែលមានអ្នកគាំទ្រយ៉ាងច្រើនកុះករនៅទីលាន Linping Sport Center Gymnsium បានយកឈ្នះអ៉ីរ៉ង់ដោយពិន្ទុ ២៥-១៩ ប៉ុន្តែអ៉ីរ៉ង់បានវាយបកយកឈ្នះ៣សិតជាប់គ្នា (ពិន្ទុ ១៤-២៥, ២២-២៥ និង២៤-២៦) ទទួលបានមេដាយមាស។

នេះជាការឈ្នះមេដាយមាសក្នុងព្រឹត្តិការណ៍កីឡាអាស៊ី៣លើកជាប់គ្នារបស់ក្រុមក្រុមបាល់ទះអ៉ីរ៉ង់ បន្ទាប់ពីពួកគេបានឈ្នះមេដាយមាសដូចគ្នានេះកាលពីឆ្នាំ២០១៨ នៅប្រទេសឥណ្ឌូណេស៊ី និងឆ្នាំ២០១៤ នៅប្រទេសកូរ៉េខាងត្បូង។

ចិនក្នុងនាមជាម្ចាស់ផ្ទះទទួលបានមេដាយប្រាក់ ខណៈជប៉ុនទទួលបានសំរិទ្ធ។ ក្នុងចំណោមក្រុមបាល់ទះជម្រើសជាតិចំនួន១៩ដែលបានចូលរួមប្រកួតវិញ្ញាសាបាល់ទះបុរសក្នុងសាលនេះ កម្ពុជាស្ថិតនៅចំណាត់ថ្នាក់លេខ១៩ បន្ទាប់ពីចាញ់ទាំងពីរប្រកួតវគ្គសន្សំពិន្ទុក្នុងពូល៕