ជីវិតកម្សាន្ដ

Lisa និងកូនម្ចាស់ប្រេន LV បង្ហាញខ្លួនក្នុងកម្មវិធីខួបកំណើតមិត្តជិតស្និទ្ធនៅ ប៉ារីស

បានផុស

១២ ខែ មុន

នៅ

ថ្ងៃពុធ ២៧ កញ្ញា ២០២៣

ដោយ

មានការភ្ញាក់ផ្អើលម្តងទៀត បន្ទាប់ពីអ្នកគាំទ្របានរកឃើញ Frederic Arnault បង្ហាញខ្លួននៅក្នុងពិធីខួបកំណើតរបស់ Rosalia តារាចម្រៀងអេស្ប៉ាញដ៏ល្បីល្បាញ និងជាមិត្តជិតស្និទ្ធរបស់ Lisa សមាជិកក្រុម BLACKPINK នៅទីក្រុងប៉ារីស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមទស្សនាវដ្តី Vogue បានបញ្ជាក់ឲ្យដឹងថា Lisa គឺជាតារាល្បីម្នាក់ដែលត្រូវបានគេរាយការណ៍ថាបានចូលរួមពិធីខួបកំណើតគម្រប់ ៣០ ឆ្នាំរបស់ Rosalía នៅទីក្រុងប៉ារីស។ ក្នុងនោះផងដែរតារាល្បីៗដូចជា Kylie Jenner និងមិត្តប្រុស Timothée Chalamet ក៏បានចូលរួមពិធីជប់លៀងនេះដូចគ្នា។

បើទោះបីជាទំនាក់ទំនងរបស់ Lisa និង Frederic Arnault ដែលជាអ្នកស្នងមរតករបស់ LVMH មិនត្រូវបានបញ្ជាក់ជាផ្លូវការក៏ដោយ។ ប៉ុន្តែភាពស្និទ្ធស្នាលដែលតែងលេចចេញមកឲ្យអ្នកគាំទ្របានទស្សនានិងបញ្ចេញមតិព្រោងព្រាត។

លើសពីនេះ កាលពីពេលថ្មីៗនេះ Frederic បានបញ្ជូនអង្គរក្សផ្ទាល់ខ្លួនទៅរង់ចាំទទួល Lisa នៅព្រលានយន្តហោះ ស្របពេលដែលមានឃ្លិបមួយដែលអ្នកគាំទ្រជាច្រើនបានឃើញ Frederic កំពុងរង់ចាំ Lisa នៅក្នុងឡានយ៉ាងអន្ទអសារថែមទៀត៕