លោកយាយ​សតិមិន​គ្រប់​ម្នាក់ ​ក្រោក​តាំង​ពី​ងងឹត ដើរ​រើស​សម្រាម​ ទទួល​ការ​កោត​សរសើរ​ពី​អ្នក​ច្បារ​អំពៅ​គ្រប់គ្នា​

ភ្នំពេញ៖ ជារៀងរាល់ថ្ងៃលោកយាយម្នាក់ក្នុងវ័យ៧៦ឆ្នាំរស់នៅក្នុងសង្កាត់ច្បារអំពៅទី១ខណ្ឌច្បារអំពៅ បាន​ទទួល​ការ​កោត​សរសើរពីសំណាក់អ្នកដំណើរក៏ដូចជាប្រជាពលរដ្ឋ​ក្នុង​មូលដ្ឋាន។ តាមប្រភពបានឲ្យដឹងថា លោកយាយតែងតែភ្ញាក់ពីងងឹតរួចដើរប្រមូល​សម្រាម​យកទៅច្រកស្បោងនឹងយកទៅដាក់នៅរថយន្តដឹកសម្រាម​រហូតដល់ពេលបាយថ្ងៃត្រង់ចូលផ្ទះហូបបាយរួចចេញទៅរើសសម្រាម​ទៀត។

ចំពោះសកម្មភាពរបស់លោកយាយធ្វើឲ្យអ្នកដំណើឆ្លងកាត់ក្រោមស្ពានព្រះមុនីវង្សចាស់ ថ្មី ក្នុងភូមិសាស្រ្តខណ្ឌច្បារអំពៅបានលួចសរសើរ ព្រោះតែលោកយាយមានស្មារតីទទួលខុសត្រូវទោះបីលោកយាយមានសតិមិនគ្រប់ប៉ុន្តែមិនដែលទៅធ្វើអ្វីខុសច្បាប់ឬទៅបំពានអ្នកណាក្រៅពីដើររើសសម្រាម​ប៉ុណ្ណោះ។

លោកយុិន វុធ ចៅសង្កាត់ច្បារអំពៅទី២ ក៏​តែងតែ​ផ្តល់ជាអំណោយជូនលោកយាយជាការលើកទឹកចិត្ត ព្រោះលោកយាយបានចូលរួមថែរក្សាបរិស្ថាន​ គ្រាន់បើជាងមនុស្សមួយចំនួនដែលមានសតិល្អតែនៅបន្តបោះ​សម្រាម​ចោលពាសវាលពាសកាលដូចរាល់ថ្ងៃនេះ។

អ្នកមានសតិល្អគួរមើលគំរូ ល្អរបស់លោកយាយខាងលើនេះផង៕

អត្ថបទ៖ នរា