ជីវិតកម្សាន្ដ

នី មុន្នីនាថ អំពាវនាវសិល្បករ-សិល្បការិនី រួមគ្នាលើកស្ទួយវិស័យទេសចរណ៍កម្ពុជា

បានផុស

១ year មុន

នៅ

ថ្ងៃព្រហស្បតិ៍ ២៨ កញ្ញា ២០២៣

ដោយ

កញ្ញា នី មុន្នីនាថ ជាតារាសម្ដែងពូកែទឹកភ្នែកដែលក្ដោបក្ដាប់បានឱកាសសម្តែងតួឯកស្ទើរគ្រប់រឿងនៅក្នុងវិស័យភាពយន្តរបស់ខ្មែរ។ មិនតែប៉ុណ្ណោះ នាងក៏ត្រូវបានទស្សនិកជនសរសើរតាមរយៈសកម្មភាពការងារសង្គម និងជាប្រធានមូលនិធិផ្ដល់ឈាមផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយគ្នានេះ អ្វីដែលមហាជនចាប់អារម្មណ៍ថែមទៀតនោះ កញ្ញា នី មុន្នីនាថ បានចេញមុខអំពាវនាវដល់សិល្បករ-សិល្បការិនី រួមគ្នាដើម្បីលើកស្ទួយវិស័យទេសចរណ៍កម្ពុជា។ កញ្ញា នី មុន្នីនាថ បានរៀបរាប់ថា «”កុំសួរថាប្រទេសអ្នកបានធ្វើអ្វីសម្រាប់អ្នក សុំសួរខ្លួនឯងថា បានធ្វើអ្វីសម្រាប់ប្រទេសរបស់អ្នក” ផ្តើមពីនាងខ្ញុំ ផ្តើមមនុស្សម្នាក់ សិល្បករ-សិល្បការិនី និងប្រជាពលរដ្ឋខ្មែរ យើងទាំងអស់គ្នាយើងអាចធ្វើបាន»។

កញ្ញា នី មុន្នីនាថ បន្តទៀតថា «ជួយគ្នាក្នុងគ្រាលំបាក រួមគ្នាដើម្បីជួយលើកស្ទួយវិស័យទេសចរណ៍កម្ពុជាទាំងអស់គ្នា ដើម្បីប្រជាជនកម្ពុជា ដើម្បីកម្ពុជា នាងខ្ញុំ មានមោទកភាពជាជនជាតិខ្មែរ»។

តារាសម្តែង កញ្ញា នី មុន្នីនាថ និយាយថា សម្រាប់នាងជាតារាសម្តែងបានត្រៀមខ្លួនរួចរាល់ក្នុងការជួយផ្សព្វផ្សាយជាមួយរាជរដ្ឋាភិបាល និងក្រសួងទេសចរណ៍ ដើម្បីជួយលើកស្ទួយវិស័យទេសចរណ៍កម្ពុជា។

កញ្ញា នី មុន្នីនាថ បាននិយាយបន្ថែមថា «នាងខ្ញុំស្ម័គ្រចិត្តចូលរួមផ្សព្វផ្សាយអំពីវិស័យទេសចរណ៍នៅកម្ពុជាដោយឥតគិតថ្លៃ ព្រមទាំងរមណីយដ្ឋានផ្សេងៗ ទៀតផងដែរ ដូច្នេះស្នើសូមដល់សិល្បករ-សិល្បការិនីខ្មែរ និងផលិតករ ចូលរួម មេត្តាបើកចិត្ត បើកបេះដូងទាំងអស់គ្នា»៕

អត្ថបទ ៖ ចាន់រ៉ា