ជីវិតកម្សាន្ដ

អ្នកគាំទ្របារម្ភ ! ញឹម ច័ន្ទថន ចូលពេទ្យ ហើយប្រាប់ថា លុយសំខាន់ តែសុខភាពសំខាន់ជាង

បានផុស

១ year មុន

នៅ

ថ្ងៃសៅរ៍ ៣០ កញ្ញា ២០២៣

ដោយ

តារាចម្រៀង កញ្ញា ញឹម ច័ន្ទថន កាលពីរសៀលថ្ងៃទី ២៩ ខែកញ្ញា ឆ្នាំ ២០២៣ នេះ បានបង្ហោះរូបភាពមួយសន្លឹក ស្ថិតក្នុងមន្ទីរពេទ្យ បង្កការភ្ញាក់ផ្អើល និងក្តីបារម្ភសម្រាប់មហាជនអ្នកគាំទ្រ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយគ្នា នៃការបញ្ចេញរូបភាពចេញពីមន្ទីរពេទ្យយ៉ាងភ្ញាក់ផ្អើលនេះ តារាចម្រៀង កញ្ញា ញឹម ច័ន្ទថន ក៏បានសរសេរខ្លឹមសារហាក់មានចេតនាដាស់តឿនអ្នកគាំទ្ររបស់ខ្លួន ដើម្បីឲ្យគិតគូរចំពោះសុខភាព។

កញ្ញា ញឹម ច័ន្ទថន បានបញ្ជាក់ឲ្យដឹងថា ថ្ងៃសីលធំនាងបានឲ្យព្រះរស់(ម្តាយ) ស្រោចទឹកឲ្យ ហើយ ក៏ឆ្លៀតមកឆែកសុខភាព។ ម្យ៉ាងការរកលុយសំខាន់ តែសុខភាពគឺសំខាន់ជាងទៅទៀត។ យ៉ាងណាមិញ ញឹម ច័ន្ទថន មិនបានបញ្ជាក់ទេថា នាងមានបញ្ហាអ្វីសម្រាប់សុខភាពនោះ។ ដោយឡែកបន្ទាប់ពីឃើញបែបនេះ មានមហាជនមួយចំនួនបានផ្ញើសារសួរសុខទុក្ខ និងជូនពរតារាស្រី ញឹម ច័ន្ទថន ផងដែរ។

សូមបញ្ជាក់ថា តារាសម្តែង និងចម្រៀង កញ្ញា ញឹម ច័ន្ទថន បើគិតមកដល់ពេលនេះ នាងបានចូលប្រឡូកវិស័យសិល្បៈមានរយៈពេលប្រមាណជាង ២០ ឆ្នាំ ហើយ ខណៈបច្ចុប្បន្នទីផ្សារគាំទ្រ និងប្រជាប្រិយភាព នៅតែមានសន្ទុះគួរសម៕

អត្ថបទ ៖ ចាន់រ៉ា