ព័ត៌មានជាតិ
រោងចក្រតម្លៃ ៣០០ លានដុល្លារនៅខេត្តព្រះសីហនុ ទិញកៅស៊ូពីខេត្តរតនគិរីមួយឆ្នាំជាង ២ ម៉ឺនតោនយកទៅផលិតសំបកកង
ក្រុមហ៊ុន ជេនេរ៉ល ថាយអឺរ ថេកណឡជី (ខេមបូឌា) ដែលមានទីតាំងនៅតំបន់សេដ្ឋកិច្ចពិសេសខេត្តព្រះសីហនុ បានប្រើប្រាស់វត្ថុធាតុដើមកៅស៊ូក្នុងស្រុកមួយឆ្នាំជាង ២ ម៉ឺនតោន ដើម្បីផលិតសំបកកង់នាំចេញទៅក្រៅប្រទេស។
លោក Tao Guozhong អគ្គនាយកក្រុមហ៊ុន ជេនេរ៉ល ថាយអឺរ ថេកណឡជី (ខេមបូឌា) បានប្រាប់ដល់ក្រុមសារព័ត៌មានជាតិនិងអន្តរជាតិដែលទៅទស្សនកិច្ចសិក្សាកាលពីម្សិលមិញថា ក្រុមហ៊ុនផលិតសំបកកង់រថយន្តចំនួន ២ ប្រភេទ ទី១. រថយន្តធុនធំ និងទី ២.រថយន្តធុនតូច ដោយក្នុងមួយឆ្នាំអាចផលិតសំបកកង់បានប្រហែល ៥ លាន ៩០ ម៉ឺនសំបក។
លោកបានអះអាងថា កៅស៊ូដែលប្រើប្រាស់ប្រចាំឆ្នាំប្រហែល ២ ម៉ឺនតោន ទិញមកពីខេត្តរតនគីរីដើម្បីធានាគុណភាពការផលិតសំបកកង់មានគុណភាពល្អ។
ក្រុមហ៊ុន ជេនេរ៉ល ថាយអឺរ ថេកណឡជី ដែលមានមូលដ្ឋានមកពីប្រទេសចិន បានដាក់ទុនវិនិយោគបង្កើតរោងចក្រផលិតសំបកកង់ចំនួន ៣០០ លានដុល្លារអាមេរិក នៅតំបន់សេដ្ឋកិច្ចពិសេសក្រុងព្រះសីហនុ។
ក្រៅពីប្រើប្រាស់វត្ថុធាតុដើមក្នុងស្រុកក្នុងការយកទៅផលិតសំបកកង់ ក្រុមហ៊ុនបានផ្តល់ការងារជូនប្រជាពលរដ្ឋកម្ពុជាចំនួន ១ ៦០០ នាក់។ បើតាមអគ្គនាយកក្រុមហ៊ុន ឥឡូវនេះក្រុមហ៊ុនមានបុគ្គលិកខ្មែរសរុបចំនួន ១ ១០០ នាក់ ដែលកំពុងបំរើការងារនៅក្នុងរោងចក្រ។
ប្រភពក្រុមហ៊ុនបានបញ្ជាក់ថា សំបកកង់ដែលផលិតបាន ធ្វើការនាំចេញទៅកាន់ប្រទេសអាមេរិកនិងប្រទេសប្រេស៊ីល។ ជារៀងរាល់ថ្ងៃមានកុងតឺន័រចំនួន ២០ បានធ្វើការដឹកជញ្ជូនសំបកកង់ចេញទៅកាន់សហរដ្ឋអាមេរិក ហើយនៅឆ្នាំក្រោយនឹងពង្រីកចង្វាក់ផលិតកម្មបន្ថែមទៀតឲ្យបាន ១០០ ភាគរយ។
បច្ចុប្បន្ននេះក្នុងមួយថ្ងៃ ក្រុមហ៊ុនអាចផលិតសំបកកង់បានចំនួនពី ៦ ០០០ ទៅ ៧ ០០០ សំបក ហើយនៅខែកក្កដា ២០២៤ ខាងមុខ ក្រុមហ៊ុននឹងពង្រីកចង្វាក់ផលិតរបស់ខ្លូនរហូត ១៧ ០០០ សំបកកង់ក្នុងមួយថ្ងៃ៕
-
ព័ត៌មានជាតិ១ សប្តាហ៍ ago
ព្យុះ ប៊ីប៊ីនកា បានវិវត្តន៍ទៅជាព្យុះសង្ឃរា បន្តជះឥទ្ធិពលលើកម្ពុជា
-
ព័ត៌មានជាតិ៤ ថ្ងៃ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៤ ថ្ងៃ ago
ឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ ago
អឺរ៉ុបកណ្តាលនិងខាងកើត ក៏កំពុងរងគ្រោះធ្ងន់ធ្ងរ ដោយទឹកជំនន់ដែរ
-
ព័ត៌មានអន្ដរជាតិ១ សប្តាហ៍ ago
វៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
ព័ត៌មានជាតិ៣ ថ្ងៃ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៥ ថ្ងៃ ago
ព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ៦ ថ្ងៃ ago
ព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា