ពេជ្រ ចរណៃ បង្ហាញខ្លួនក្នុងឈុតប្រពៃណី នៅថ្ងៃភ្ជុំបិណ្ឌយ៉ាងស្អាតសមសួន

តារា​សម្ដែង​រូប​ស្រស់​កញ្ញា ពេជ្រ ចរណៃ ដែល​ល្បី​ខាង​ក្បាច់គុន​ល្បុក្កតោ​បុរាណ​ខ្មែរ សកម្មក្នុងការចែករំលែក​ចំណេះដឹង ក៏ដូចជា​ប្រវត្តិ​សាវតារ​ពី​សម្ភារ​:កីឡា​បុរាណ​ខ្មែរ​ដទៃទៀត ​ជូន​មហាជន​​បាន​ស្វែង​​យល់​ ពិសេសកញ្ញា ក៏ជាតារាស្រីមួយរូបដែលចូលរួមយ៉ាងសកម្ម ក្នុងការលើកស្ទួយវិស័យគុនល្បុក្កតោនិងល្ខោនខោលជាដើម។

ដោយឡែក ចាប់អារម្មណ៍នៅក្នុងឱកាសនៃពិធីបុណ្យភ្ជុំថ្ងៃបិណ្ឌ១ ត្រូវនឹងថ្ងៃទី៣០ ខែកញ្ញា ឆ្នាំ២០២៣ នេះ គេឃើញតារាសម្តែងស្រីកញ្ញា ពេជ្រ ចរណៃ បានរំលេចខ្លួនក្នុងឈុតប្រណៃយ៉ាងស្រស់ស្អាតទាក់ភ្នែកអ្នកគាំទ្រ សរសើរគ្រប់គ្នា។ តាមរយ:រូបភាព១សន្លឹក បង្ហាញពីឈុតប្រពៃណីខ្មែរនេះបានធ្វើឱ្យ កញ្ញា ពេជ្រ ចរណៃ កាន់លេចធ្លោថែមទៀត។

កញ្ញា ពេជ្រ ចរណៃបានភ្ជាប់ខ្លឹមសារដូច្នេះថាអនុមោទនាពិធីបុណ្យកាន់បិណ្ឌនៃពិធីបុណ្យភ្ជុំបិណ្ឌថ្ងៃទី៣០ ខែកញ្ញាឆ្នាំ២០២៣នេះ ត្រូវនឹងថ្ងៃ១រោច ខែភទ្របទ គឺជាថ្ងៃកាន់បិណ្ឌទី១ នៃពិធីបុណ្យភ្ជុំបិណ្ឌ ដែលជាពិធីបុណ្យប្រពៃណីជាតិរបស់ខ្មែរយើងដែលមានតាំងពីបុរាណកាលមក។ សូមជូនពរពុកម៉ែបងប្អូនធ្វើដំណើរទៅទីជិតឆ្ងាយប្រកបដោយសុខសុវត្ថិភាព។

ជាការកត់សម្គាល់ថ្វីត្បិតបច្ចុប្បន្នតារាចម្រៀងស្រីសម្តីស្រទន់ ពេជ្រ ចរណៃ រវល់ការងារច្រើនយ៉ាងក្តីប៉ុន្តែនៅតែរក្សាបានរូបសម្រស់ស្រស់ស្អាតមានរាងស្រឡូនគួរឲ្យស្រលាញ់។ ចំណែកឯប្រជាប្រិយភាព និងការគាំទ្រក៏នៅតែរក្សាបានដូចដើម ពោលគឺពុំមានការចុះថមថយឡើយ។ ចរណៃ ​ក៏ត្រូវបានគេចាត់ទុកជាតារាសម្តែងម្នាក់ មាន​ប្រជាប្រិយភាព និងមានសម្រស់ស្រស់ស្អាតពីធម្មជាតិ ។

អ្វីដែលកាន់តែចាប់អារម្មណ៍ថែមទៀត ពេជ្រ ចរណៃមកទល់ពេលនេះនាងទទួលបានការសរសើរថាជាតារាស្រី ដែលមានអត្តចរិតស្លូតបូត និង​សុភាព​រាបសារទន់ភ្លន់ផងដែរ។ ប្រាកដណាស់ការរក្សាបាននូវប្រជាប្រិយភាព និងការគាំទ្រនេះក៏ព្រោះ កញ្ញា ពេជ្រ ចរណៃ គឺជាតារាខ្មែរមួយរូប ដែលមានសមត្ថភាពសម្តែងបានល្អបូករួម នឹងទេពកោសល្យសិល្ប:ខ្ពស់មិនចាញ់តារាឯទៀតទេ៕

អត្ថបទ៖ ចាន់រ៉ា