ប្រធានក្រុមហ៊ុន Evergrande ត្រូវបានស៊ើបអង្កេតលើបទសង្ស័យ​ផ្ទេរទ្រព្យសម្បត្តិ

ប្រធានក្រុមហ៊ុន Evergrande Group លោក Hui Ka Yan ដែលត្រូវបានប៉ូលិស​ដាក់ការឃ្លាំមើលកាលពីសប្តាហ៍មុន កំពុងត្រូវបានស៊ើបអង្កេតលើបទសង្ស័យផ្ទេរទ្រព្យសម្បត្តិទៅក្រៅប្រទេស ខណៈបច្ចុប្បន្នក្រុមហ៊ុនក៏មិនទាន់បញ្ចប់គម្រោង​សងបំណុលវិនិយោគិនរួចរាល់នៅឡើយ ។

ក្រុមហ៊ុន Evergrande កំពុងធ្វើការដើម្បីទទួលបានការយល់ព្រមពីម្ចាស់បំណុល ដើម្បីរៀបចំរចនាសម្ព័ន្ធបំណុលរបស់ខ្លួនឡើងវិញ ប៉ុន្តែដំណើរការនេះកាន់តែស្មុគស្មាញកាលពីសប្តាហ៍មុន នៅពេលដែលក្រុមហ៊ុនមិនអាចចេញបំណុលថ្មីបាន ដោយសារតែការស៊ើបអង្កេតទៅលើអង្គភាពសំខាន់ក្នុងប្រទេសចិន ។

កាលពីសប្តាហ៍មុន ក្រុមម្ចាស់បំណុលខាងក្រៅក៏គ្រោងនឹងចូលរួមជាមួយញត្តិរបស់តុលាការដើម្បីរំលាយក្រុមហ៊ុន Evergrande ផងដែរ ប្រសិនបើមិនដាក់ផែនការរៀបចំរចនាសម្ព័ន្ធបំណុលថ្មីនៅចុងខែតុលានេះ ។

ជាមួយនឹងបំណុលច្រើនជាង ៣០០ ពាន់លានដុល្លារ, ក្រុមហ៊ុន Evergrande បានក្លាយជាផ្ទាំងផ្សព្វផ្សាយនៃវិបត្តិបំណុលនៅក្នុងវិស័យអចលនទ្រព្យដែលរួមចំណែកដល់សេដ្ឋកិច្ចចិនប្រហែលមួយភាគបួន ។ ទន្ទឹមនឹងនេះ ការជួញដូរភាគហ៊ុនរបស់ក្រុមហ៊ុន Evergrande និងក្រុមហ៊ុនបុត្រសម្ព័ន្ធចំនួន ២ ទៀត ក៏​ត្រូវបានផ្អាកផងដែរកាលពីថ្ងៃព្រហស្បតិ៍សប្ដាហ៍មុន ៕

ប្រែសម្រួល៖ នាង រតនៈ

ប្រភព៖​ CNA