កីឡា

ក្រោយមកកម្ពុជា ប្រធាន IPCC ប្រកាសរកជើងខ្លាំង៨រូបទម្ងន់៧២គីឡូក្រាម

បានផុស

១ year មុន

នៅ

ថ្ងៃពុធ ៤ តុលា ២០២៣

ដោយ

លោក Sasan Ghosairi ប្រធានក្រុមប្រឹក្សាកីឡាប្រយុទ្ធអាជីព «International Professional Combat Council (IPCC) បានប្រកាសស្វែងរកជើងខ្លាំងប្រដាល់ទម្ងន់៧២គីឡូក្រាម៨រូបដើម្បីប្រកួតក្នុងព្រឹត្តិការណ៍ធំនៅខែវិច្ឆិកា បន្ទាប់ពីលោកបានមកមើលផ្ទាល់ក្នុងព្រឹត្តិការណ៍ប្រកួតរបស់ទូរទស្សន៍ថោនកាលពីចុងសប្តាហ៍កន្លងទៅ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Sasan បាននិយាយថា ៖«នៅពេលខ្ញុំអំពីសង្វៀនប្រដាល់ ខ្ញុំតែងតែនិយាយអំពីកីឡា និងការអភិវឌ្ឍ ព្រមទាំងមិត្តភាព និងកំណើនដែលស្ថិតនៅក្រោមដំបូងតែមួយ។ ទាំងនោះហើយដែលខ្ញុំហៅថា «ក្បាច់គុន»។

«ខ្ញុំមិនដែលនិយាយអំពីលុយទេ ពីព្រោះកេរ្តិ៍ឈ្មោះរបស់ខ្ញុំមិនមែនជាលុយ។ ខ្ញុំរៀបចំព្រឹត្តិការណ៍ប្រកួតទាំងអស់ និងជ្រើសរើសកីឡាករឆ្នើមៗដោយមិនមានការចុះកុងត្រាឡើយ។ បើលោកអ្នកជាអ្នកផ្គូផ្គង ឬជាអ្នករៀបចំកម្មវិធី ហើយបានឃើញសារនេះ លោកអ្នកប្រាកដជាដឹងថា បុគ្គលនេះជានរណា។ ប្រមូលផ្តុំគ្រប់កីឡាករ អ្នកគ្រប់គ្រង និងគ្រូបង្វឹកដោយសំដីរបស់ខ្ញុំ»។ លោកបានរៀបរាប់។

លោកបានបន្តថា ៖«នឹងនាំមកនូវព្រឹត្តិការណ៍ប្រកួតដ៏អស្ចារ្យមួយទៀតនៅតំបន់អាស៊ាន ហើយខ្ញុំកំពុងត្រៀមរៀបចំព្រឹត្តិការណ៍ធំមួយទៀតនៅតំបន់អាស៊ី។ ជាថ្មីម្តងទៀត ការប្រកាសជ្រើសរើសគឺបើកចំហរដល់គ្រប់កីឡាករទាំងអស់ទូទាំងពិភពលោកមកកាន់កម្មវិធីរបស់ខ្ញុំ»។

«ខ្ញុំកំពុងស្វែងរកកីឡាករទម្ងន់៧២គីឡូក្រាមឆ្នើមៗបំផុតចំនួន៨រូបសម្រាប់ព្រឹត្តិការណ៍ប្រកួតនៅខែវិច្ឆិកាខាងមុខ»។ សារបញ្ជាក់របស់លោក Sasan ប៉ុន្តែលោកនៅមិនទាន់ទម្លាយឲ្យដឹងពីប្រទេសណាដែលត្រូវរៀបចំព្រឹត្តិការណ៍ប្រកួតប្រជុំដោយជើងខ្លាំងទម្ងន់៧២គីឡូក្រាម៨រូបនោះទេ។

កាលពីចុងសប្តាហ៍នេះ លោក Sasan Ghosairi បានមកប្រទេសកម្ពុជាដើម្បីចូលរួមក្នុងព្រឹត្តិការណ៍ប្រកួតដណ្តើមខ្សែក្រវាត់ IPCC អន្តរទ្វីបចំនួន៤គ្រឿងដែលកីឡាករកម្ពុជា៣រូបគឺ ផល សោភ័ណ្ឌ, ធឿន ធារ៉ា និង រឿង សោភ័ណ្ឌ ព្រមទាំងកីឡាករអាមេរិក Banasak Pawell បានក្លាយជាម្ចាស់ខ្សែក្រវាត់។

លោក Sasan ជាអ្នករៀបចំព្រឹត្តិការណ៍ប្រកួតអន្តរជាតិធំៗជាច្រើនមានដូចជា Mass Fight នៅប្រទេសចិនដែលមានស្តេចប្រដាល់ថៃ Buakaw។ គម្រោងការប្រកួតរវាងស្តេចប្រដាល់ហ្វីលីពីន Pacquiao ជាមួយកីឡាករ Buakaw នៅដើមឆ្នាំ២០២៤ ព្រមទាំងកីឡាករល្បីៗជាច្រើនទៀត៕