ជីវិតកម្សាន្ដ

សុខ រ៉ាស៊ី សរសើរសមត្ថភាព ពេជ្រ សោភា ដុសខាត់សំឡេង លឹម សេរីហាន់នីកា ដណ្តើមបានពាន

បានផុស

១ year មុន

នៅ

ថ្ងៃអង្គារ ៣ តុលា ២០២៣

ដោយ

ពិធីករពូកែវោហាស័ព្ទមិនចេះរីងស្ងួត លោក សុខ រ៉ាស៊ី បានទម្លាយការសរសើរកំពូលតារាចម្រៀងអ្នកនាង ពេជ្រ សោភា ដែលមានសមត្ថភាពខ្លាំងមិន ធម្មតាអាចដុសខាត់សម្លេងរបស់បេក្ខភាពដែលជាប់ជ័យលាភី លឹម សេរីហាន់នីកា ដណ្ដើមពាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កញ្ញា លឹម សេរីហាន់នីកា គឺជាកូនក្រុមរបស់ Coach ពេជ្រ សោភា បានឈ្នះពាន The Voice Cambodia រដូវកាលទី៣ ដោយយកឈ្នះបេក្ខភាព ៣ រូបផ្សេង ទៀតគឺ គឹម សុវណ្ណ កូនក្រុម ឱក សុគន្ធកញ្ញា, សាល បាទី កូនក្រុម ឆន សុវណ្ណារាជ និងសួន សុវណ្ណចន្នី កូនក្រុមរបស់ ណុប បាយ៉ារិទ្ធ ក្នុងវគ្គផ្ដាច់ព្រ័ត្ រហើយកាលពីយប់ថ្ងៃទី០១ ខែតុលា ឆ្នាំ២០២៣។

លោក សុខ រ៉ាស៊ី បានលើកពីសមត្ថភាពអ្នកនាង ពេ ជ្រ សោភា បែបនេះថា «មួយកៅអីដ៏មានន័យសុំទោស ពេជ្រ សោភា ដែលបងមើលស្រាល សមត្ថភាព នារីវ័យក្មេងម្នាក់នេះ ពីដំបូងបងគិតថាសមត្ថភាពបេក្ខនារី វ័យក្មេងនេះខ្លាំងមិនទាន់ជាដៃគូរប្រកួតជាមួយ បេក្ខជនខ្លាំងៗជាច្រើនទៀតនៅក្នុងកម្មវិធី THE VOICE CAMBODIA កុំតែបានបទ៖ ក្តាមស្រែ រ៉េប ទើបបានមកដល់វគ្គនេះ»។

លោក សុខ រ៉ាស៊ី បាននិយាយទៀតថា «តែការបង្វឹករបស់ពេជ្រ សោភា តែមួយមុខគត់ដែលធ្វើឲ្យគាត់ខ្លាំង នឹកស្មានមិនដល់ យ៉ាងឆាប់រហ័ស ជាពិសេសការ៉េបពីក្មេងស្រីម្នាក់ដែលច្រៀងតែបទបែបស្រគត់ស្រគំទៅជាច្រៀងបទសប្បាយ បទរ៉េប នាំគេសប្បាយពេញឆាកបាន»។

ចំណែកតារាចម្រៀងអ្នកនាង ពេជ្រ សោភា បានបង្ហាញអារម្មណ៍រំភើប និងត្រេកអរខ្លាំងរហូតស្រក់ទឹកភ្នែក បន្ទាប់ពីកូនក្រុមរបស់ខ្លួនទទួលបានជ័យជំនះ ក្នុងការប្រឡងចម្រៀងលំដាប់ថ្នាក់ពិភព លោក។ ជ័យជំនះរបស់ លឹម សេរីហាន់នីកា ត្រូវបាន សោភា បញ្ជាក់ថា ដោយសារសមត្ថភាព ទើបនាំឲ្យទទួលបានជោគជ័យ៕

អត្ថបទ៖ ចាន់រ៉ា