ព័ត៌មានអន្ដរជាតិ

ប៉ូលិសឥណ្ឌា ចូលឆែកឆេរផ្ទះអ្នកកាសែត ថែមរឹបអូសយកទូរស័ព្ទដៃនិង Laptop

បានផុស

១ year មុន

នៅ

ថ្ងៃអង្គារ ៣ តុលា ២០២៣

ដោយ

ប៉ូលិសក្នុងប្រទេសឥណ្ឌា បានឆ្មក់ចូលផ្ទះរបស់អ្នកកាសែត និងអ្នកនិពន្ធល្បីៗមួយចំនួន ពាក់ព័ន្ធការផ្តល់មូលនិធិរបស់គេហទំព័រព័ត៌មាន NewsClick។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការឆែកឆេរ បានធ្វើឡើងនៅថ្ងៃអង្គារក្នុងរដ្ឋធានីដែលី ហើយអ្នកដែលឆ្មក់ចូល ថែមទាំងរឹបអូសយកទូរស័ព្ទដៃនិង Laptop ទៀតផង។

តាមសេចក្តីរាយការណ៍, ក្រុមមន្ត្រី កំពុងស៊ើបអង្កេតលើការចោទប្រកាន់ថា គេហទំព័រ NewsClick ទទួលបានមូលនិធិខុសច្បាប់ពីប្រទេសចិន ប៉ុន្តែត្រូវបានបដិសេធ ខណៈក្រុមអ្នករិះគន់និយាយថា ទង្វើនេះ គឺជាការវាយប្រហារដោយចេតនាលើសេរីភាពសារព័ត៌មាន។

ក្នុងចំណោមផ្ទះរបស់អ្នក ដែលត្រូវបានគេចូលឆែកឆេរ ក៏រួមមានទាំងផ្ទះរបស់ការីនិពន្ធគេហទំព័រ NewsClick ឈ្មោះ Prabir Purkayastha ផងដែរ។

ទោះបីជាយ៉ាងណាក៏ដោយ ភ្លាមៗ ប៉ូលិសមិនទាន់ធ្វើអត្ថាធិប្បាយ លើការវាយឆ្មក់នេះនៅឡើយទេ។

លើសពីនេះ ទីភ្នាក់ងារសារព័ត៌មាន ANI បានរាយការណ៍ថា ការឆែកឆេរ ក៏កំពុងធ្វើឡើងនៅឯការិយាល័យរបស់គេហទំព័រនេះ នៅក្នុងទីក្រុងដែលីផងដែរ។

អង្គការអ្នកកាសែតគ្មានព្រំដែន ដែលជាក្រុមតស៊ូមតិសម្រាប់អ្នកកាសែត បានដាក់ប្រទេសឥណ្ឌានៅចំណាត់ថ្នាក់ទី១៦១ ក្នុងចំណាត់ថ្នាក់សេរីភាពសារព័ត៌មានរបស់ខ្លួននៅឆ្នាំនេះ។ ក្រុមនេះនិយាយថា ស្ថានភាពអ្នកកាសែតនៅឥណ្ឌាកាន់តែយ៉ាប់យ៉ឺនទៅៗ៕

ប្រែសម្រួល៖ Vann Vann

ប្រភព៖ BBC

ចុចអាន៖ មីយ៉ាន់ម៉ា កាត់ទោសអ្នកកាសែតម្នាក់ ដាក់ពន្ធនាគារ ២០ឆ្នាំ