ព័ត៌មានអន្ដរជាតិ
ប៉ូលិស ថៃ សុំសាធារណជនកុំចែករំលែករូបភាព និងវីដេអូរបស់ក្មេងប្រុសដែលបាញ់ប្រហារនៅផ្សារទំនើបក្រុងបាងកក
លោកឧត្តមសេនីយទោ Archayon Kraithong អ្នកនាំពាក្យប៉ូលិសជាតិថៃបានស្នើសុំ ក៏ដូចជាអំពាវនាវដល់សាធារណជនឲ្យចៀសវាងការចែករំលែករូបភាព និងឃ្លីបវីដេអូទាក់ទងទៅនឹងអំពើហិង្សាបាញ់ប្រហារសម្លាប់មនុស្ស ២ នាក់ និង ៥ នាក់រងរបួសរបស់ខ្មាន់កាំភ្លើងដែលជាអនីតិជនវ័យ ១៤ ឆ្នាំកាលពីថ្ងៃទី៣ ខែតុលានៅផ្សារទំនើប Siam Paragon ក្នុងទីក្រុងបាងកក ។
ទន្ទឹមនោះ បន្ទាប់ពីបានចូលរួមរំលែកទុក្ខដល់គ្រួសារជនរងគ្រោះដែលបានបាត់បង់ជីវិត និងអ្នករងរបួសហើយនោះ, លោក Archayon បានចេញការព្រមានដល់អ្នកប្រើប្រាស់បណ្ដាញសង្គម កុំឲ្យចែករំលែករូបភាព ឬវីដេអូឃ្លីបដែលទាក់ទងនឹងហេតុការណ៍បាញ់រះ រួមទាំងរូបភាពក្នុងព្រឹត្តិការណ៍ផ្ទាល់ ក៏ដូចជារូបភាពនៃអ្នកស្លាប់ និងអ្នករបួសផងដែរ ដោយសារតែលោកគិតទៅដល់សារៈសំខាន់នៃការយល់ដឹង ជាពិសេសខ្លឹមសារបែបនេះអាចបង្កផលប៉ះពាល់ទៅដល់ក្រុមគ្រួសារដែលជនរងគ្រោះ ។
អ្នកនាំពាក្យរូបនេះបញ្ជាក់ថា “ឧប្បត្តិហេតុហិង្សាបែបនេះច្រើនតែបង្កឲ្យមានកំហឹង ការអាក់អន់ចិត្ត ការសោកសៅ ការភ័យខ្លាច និងការថប់បារម្ភក្នុងចំណោមសាធារណជន ។ ជាពិសេសការចែករំលែក ក៏ដូចជាការបញ្ជូនបន្តរូបភាព ឬវីដេអូដែលមានក្រាហ្វិកច្រើនហួសហេតុ មិនផ្ដល់ផលប្រយោជន៍អ្វីឡើយ ហើយអាចមានផលវិបាកអវិជ្ជមានទ្រង់ទ្រាយធំលើបុគ្គល និងសង្គមទាំងមូលផងដែរ” ។
លោកបានបន្ថែមថា វាក៏អាចរំលោភលើសិទ្ធិឯកជនភាពផ្ទាល់ខ្លួន និងជះឥទ្ធិពលយ៉ាងខ្លាំងទៅលើសុខភាពផ្លូវចិត្ត និងសុខុមាលភាពរបស់អ្នកដែលមើលខ្លឹមសារនេះផងដែរ ។ លើសពីនេះ ការបង្ហាញ ឬការបញ្ជូនបន្តរូបភាពអ្នករបួស ឬបាត់បង់ជីវិត ដោយសារឧបទ្ទវហេតុបែបនេះ គឺជាការរំលោភសិទ្ធិផ្ទាល់ខ្លួន ។
ស្របពេលជាមួយគ្នានេះ លោកក៏បានអំពាវនាវឲ្យសាធារណជនប្រើប្រាស់ប្រព័ន្ធផ្សព្វផ្សាយសង្គមប្រកបដោយភាពវិជ្ជមាន និងការទទួលខុសត្រូវ ព្រមទាំងបានជំរុញឲ្យបុគ្គលផ្តល់ព័ត៌មានណាដែលមានប្រយោជន៍ដល់ភ្នាក់ងារអនុវត្តច្បាប់ ជាពិសេសត្រូវអនុវត្តការប្រុងប្រយ័ត្ននៅពេលប្រើប្រាស់ ឬចូលរួមជាមួយប្រព័ន្ធផ្សព្វផ្សាយសង្គម ។
ជាចុងក្រោយ លោក Archayon បានលើកទឹកចិត្តដល់ឪពុកម្តាយ និងអាណាព្យាបាលឲ្យធ្វើការណែនាំ ក៏ដូចជាអប់រំកូនៗ និងក្មេងជំទង់របស់ពួកគេអំពីអាកប្បកិរិយាប្រកបដោយការទំនួលខុសត្រូវនៅលើអនឡាញ និងផលប៉ះពាល់ផ្លូវចិត្តដែលអាចកើតមាននៃការមើលខ្លឹមសារហិង្សាណាមួយផងដែរ ៕
ប្រែសម្រួលដោយ ៖ ជីវ័ន្ត
ប្រភព ៖ The Nation Thailand
-
សន្តិសុខសង្គម២ ថ្ងៃ ago
អ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
សន្តិសុខសង្គម៤ ថ្ងៃ ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ៤ ថ្ងៃ ago
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ១ សប្តាហ៍ ago
ការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
ព័ត៌មានអន្ដរជាតិ១ ថ្ងៃ ago
ធ្លាក់យន្តហោះនៅ អាឡាស្កា អ្នកជិះក្នុងនោះ ស្លាប់ទាំងអស់
-
ជីវិតកម្សាន្ដ២ ថ្ងៃ ago
អតីតស្វាមី រងការចោទ កេងប្រវ័ញ្ចការស្លាប់ Barbie ខណៈមិត្តស្រីទម្លាយថា លោកនិងម្ដាយគឺជាជនបង្ក
-
ជីវិតកម្សាន្ដ១ សប្តាហ៍ ago
បានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច
-
បច្ចេកវិទ្យា១ សប្តាហ៍ ago
ធ្វើម៉េច ទើបធ្វើឱ្យទូរស័ព្ទដៃ នៅតែកាន់ថ្មបានល្អ ទោះប្រើយូរក៏ដោយ?