សន្តិសុខសង្គម
ក្មេងស្រីជំទង់ ៣នាក់ សុំជីដូនទៅរកក្ដាមខ្យងធ្វើម្ហូប អកុសលរអិលធ្លាក់ប្រឡាយទឹកជ្រៅ
ក្មេងស្រីជំទង់ ៣នាក់ ពេលទឹកកំពុងឡើងហូរធ្លាក់មកពីស្រុកថៃ បានសុំជីដូន ទៅរកខ្យងក្តាម ដើម្បីយកមកធ្វើម្ហូប តែអកុសលរអិលជើងធ្លាក់ចូលប្រឡាយទឹកជ្រៅបណ្តាលឱ្យលង់។ ក្មេង ២នាក់ទៀតបានហែលទៅជួយ ដោយសារ
អ្នកលង់ទឹកស្រវាឱប អ្នកទាំង២ជាក់ ទើបបណ្ដាល់ឱ្យលង់ស្លាប់ទាំង ៣នាក់យ៉ាងសង្វេគ ចំណែកឪពុកម្តាយយំឱបសពកូនស្ទើរគាំងបេះដូង។ រឿងរាវនេះកើតឡើង នៅវេលាម៉ោង ៥ៈ៣០នាទីល្ងាច ថ្ងៃទី៧ ខែតុលា ឆ្នាំ២០២៣ នៅចំណុចក្នុងប្រឡាយវាលស្រែ ស្ថិតក្នុង ភូមិម៉ក់ហឺន ឃុំកូប ស្រុកអូរជ្រៅ ខេត្តបន្ទាយមានជ័យ។
![](https://www.kampucheathmey.com/wp-content/uploads/2023/10/២៣១០០៨-1-1024x614.jpg)
ក្រោយពីសមត្ថកិច្ចចម្រុះ រកស្វែងរកសពឃើញយកមកដាក់លើគោក ឪពុកម្តាយសពទាំង៣ បានឱ្យដឹងថា កូនស្រីទាំង ៣នាក់ ១. ឈ្មោះ ស៊ុម សៅរី ភេទស្រី អាយុ១៦ឆ្នាំ ២. ឈ្មោះ ស៊ុម សៅរ៉ាត់ ភេទស្រី អាយុ១២ឆ្នាំ ៣. ឈ្មោះ អឿន សោភា ភេទស្រី អាយុ១២ឆ្នាំ រស់នៅភូមិម៉ក់ហឺន ឃុំកូប ស្រុកអូរជ្រៅ។
![](https://www.kampucheathmey.com/wp-content/uploads/2023/10/ads-2022-3.jpg)
សមត្ថកិច្ចចម្រុះក្នុងនោះមាន កម្លាំងជំនាញអធិការដ្ឋាននគរបាលស្រុកអូរជ្រៅ នគរបាលប៉ុស្ដិ៍របាលរដ្ឋបាលកូបបានបញ្ជាក់ថា មុនពេលកើតហេតុនោះ តាមការនិយាយរៀបរាប់របស់ ឈ្មោះ វ៉ាន់ សុត ភេទស្រី អាយុ ៦៩ឆ្នាំ រស់នៅភូមិម៉ក់ហឺន ឃុំកូប ស្រុកអូរជ្រៅ ខេត្តបន្ទាយមានជ័យ ត្រូវជាយាយជនរងគ្រោះខាងលើ បានប្រាប់ឱ្យដឹងថា នៅម៉ោងប្រហែល ៤រសៀល ចៅទាំង៣ បានសុំគាត់ទៅលេងទឹក និងចាប់ក្តាមខ្យងដើម្បីយកមកធ្វើម្ហូបផង។ ពេលចុះរាវរាង ខ្យង ក្តាម មានម្នាក់មិនចេះហែលទឹកបានធ្លាក់ចូលក្នុងរណ្តៅទឹកជ្រៅ ក្មេង២នាក់ទៀតបានហែលទៅជួយ ដោយសារតែម្នាក់លង់បានស្រវាឱ្យអ្នកទាំង២ជាប់រើមិនរួច បណ្តាលឱ្យលង់ស្លាប់ទាំង ៣នាក់ តែម្តង។ លុះដល់ម៉ោងជាង ៥ មិនឃើញចៅទាំង៣មកផ្ទះវិញ មានការសង្ស័យ យាយបានបបួលអ្នកភូមិ សមត្ថកិច្ច និងនគរបាលប៉ុស្តិ៍ ចុះទៅស្វែងរកចៅស្រី។ លុះទៅកន្លែងកើតហេតុ បានឃើញ ខោ អាវ ក្មេងនៅមាត់ប្រឡាយ ក៏ចុះរុករកក្នុងប្រឡាយឃើញសពទាំង៣ ស្រង់យកមកដាក់លើទូកដឹកយកមកផ្ទះ ប្រគល់សពឱ្យម្តាយរាងៗខ្លួន។
![](https://www.kampucheathmey.com/wp-content/uploads/2023/10/photo_2023-10-08_07-09-04-2.jpg)
ក្រោយពីទទួលបានសពកូនហើយ ឪពុក ម្តាយ យំឱបកូនស្ទើរសន្លប់។ សពក្មេងស្រីទាំង៣ ត្រូវបានក្រុមគ្រួសារចាត់ចែងធ្វើបុណ្យតាមប្រពៃណី៕
អត្ថបទ៖ វ៉ាន់ ណាង
![](https://kampucheathmey.com/wp-content/uploads/2020/12/1-01-2-01-1.png)
-
សន្តិសុខសង្គម៣ ថ្ងៃ ago
«ចែមុំបុកល្ហុង» សង្ស័យបង្កប់សេវាកម្មផ្លូវភេទ នគរបាលចុះបង្ក្រាបឃាត់ខ្លួនមនុស្ស១១នាក់
-
សន្តិសុខសង្គម៦ ថ្ងៃ ago
អ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
ជីវិតកម្សាន្ដ៦ ថ្ងៃ ago
ផ្ទុះការចាប់អារម្មណ៍នឹងយុវតីម្នាក់ សំឡេងពីរោះ ច្រៀងស្រដៀងនឹងរាជិនីសំឡេងសារិកាមាស ប៉ែន រ៉ន
-
ព័ត៌មានអន្ដរជាតិ៥ ថ្ងៃ ago
ធ្លាក់យន្តហោះនៅ អាឡាស្កា អ្នកជិះក្នុងនោះ ស្លាប់ទាំងអស់
-
ព័ត៌មានជាតិ៣ ថ្ងៃ ago
ករណីលូ១តម្លៃ៤០ដុល្លា៖ អាជ្ញាធរ ថាមិនបានយកលុយពីពលរដ្ឋឡើយ គឺពលរដ្ឋជួលភាគីឯកជនឱ្យដាក់ខ្លួនឯង
-
សន្តិសុខសង្គម១ សប្តាហ៍ ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ជីវិតកម្សាន្ដ៣ ថ្ងៃ ago
G-Devith ដាក់បណ្តឹងទៅ UNICEF នៅកម្ពុជា ដើម្បីលុបជាអចិន្ត្រៃយ៍គ្រប់គណនីហ្វេសប៊ុក ដែលប៉ះពាល់សិទ្ធិកុមារ តាមគ្រប់រូបភាព
-
ចរាចរណ៍៣ ថ្ងៃ ago
ផ្លូវ៦០ម៉ែត្រទៀត! រថយន្ដពាក់ស្លាកលេខរដ្ឋ បុករះរថយន្ដ២គ្រឿងកំពុងឈប់ចាំភ្លើងស្តុបរងការខូចខាត