សេដ្ឋកិច្ច
វៀតណាម រំពឹងទទួលបានទេសចរ ១៣ លាននាក់តាមគោលដៅកំណត់
អគ្គនាយករងនៃរដ្ឋបាលទេសចរណ៍ជាតិវៀតណាម (VNAT) លោក Pham Van Thuy បាននិយាយថា ឧស្សាហកម្មទេសចរណ៍វៀតណាម អាចសម្រេចបានទៅតាមគោលដៅ ក៏ដូចជាផែនការគ្រោងទុកក្នុងការទទួលបានទេសចរពី ១២ ទៅ ១៣ លាននាក់នៅដំណាច់ឆ្នាំនេះ ។
លោក Pham Van Thuy បញ្ជាក់ថា ក្នុងរយៈពេល ៩ ខែដំបូងនៃឆ្នាំនេះ ទេសចរបរទេសដែលចូលមកកម្សាន្ត នៅវៀតណាម មានចំនួនលើសគោលដៅដែលបានកំណត់ ៨ លាននាក់ ពោលគឺលើស ១១ ភាគរយ ។
យោងតាម VNAT បានឲ្យដឹងថា វិស័យទេសចរណ៍វៀតណាម បានងើបឡើងវិញយ៉ាងឆាប់រហ័ស ចាប់តាំងពីដើមឆ្នាំនេះ ។ ជាពិសេសក្នុងអំឡុងខែកក្កដា ខែសីហា និងខែកញ្ញា វៀតណាមបានស្វាគមន៍ជនបរទេសជាង ១ លាននាក់ ក្នុងមួយខែៗ ។
ទន្ទឹមនោះ នាពេលថ្មីៗនេះ គោលនយោបាយបើកទិដ្ឋាការកាន់តែច្រើនរបស់វៀតណាមបានបង្កើតលក្ខខណ្ឌអំណោយផលក្នុងការទទួលស្វាគមន៍ភ្ញៀវបរទេស ។ លើសពីនេះ វៀតណាមក៏កំពុងមានសន្ទុះឡើងវិញផងដែរនូវវប្បធម៌បុរាណ ដោយកន្លែងប្រវត្តិសាស្ត្រ និងបេតិកភណ្ឌទាំងអស់ បានក្លាយជាទ្រព្យសម្បត្តិដែលអាចប្រើដើម្បីបង្កើតផលិតផលទេសចរណ៍ប្លែកៗ ទាក់ទាញភ្ញៀវទេសចរអន្តរជាតិ ។
ស្របពេលជាមួយគ្នានេះ វៀតណាមក៏កើបលុបបានចំនួន ២២ ពាន់លានដុល្លារផងដែរពីភ្ញៀវទេសចរបរទេសជិត ១០ លាននាក់ និងទេសចរក្នុងស្រុក ៩៣.៥ លាននាក់ ដែលចូលមកលេងប្រទេសក្នុងរយៈពេល ៩ ខែកន្លងមកនេះ ។
ដោយឡែក កូរ៉េខាងត្បូងនៅតែជាប្រភពទេសចរធំបំផុតសម្រាប់វៀតណាម ដែលមានប្រហែល ២.៦ លាននាក់ ឬ ២៩ ភាគរយនៃចំនួនសរុប ។ ចំណែកនៅអឺរ៉ុប ទីផ្សារកំពូលទាំង ៣ របស់វៀតណាម គឺចក្រភពអង់គ្លេស មាន ១៨៧,០០០ នាក់, បារាំង ១៥៥,០០០ នាក់ និងអាល្លឺម៉ង់ ១៤២,០០០នាក់ ៕
ប្រែសម្រួល៖ នាង រតនៈ
ប្រភព៖ VN Express
-
ព័ត៌មានជាតិ១ សប្តាហ៍ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ១ សប្តាហ៍ ago
ឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ៣ ថ្ងៃ ago
ព្យុះខ្លាំង ៥ទៀត នឹងវាយប្រហារ វៀតណាម មុនដាច់ឆ្នាំ
-
ព័ត៌មានជាតិ៦ ថ្ងៃ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ជីវិតកម្សាន្ដ១១ ម៉ោង ago
លោកឧកញ៉ា លាង ពៅ ថា Ishowspeed ធ្វើការគ្មានទំនួលខុសត្រូវ ក្នុងថ្ងៃ Gumball 3000 (មានវីដេអូ)
-
ព័ត៌មានអន្ដរជាតិ៣ ថ្ងៃ ago
ភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
-
ព័ត៌មានជាតិ១៤ ម៉ោង ago
ស្ថានភាពកម្ពស់ទឹកទន្លេមេគង្គខេត្តក្រចេះព្រឹកនេះ
-
ជីវិតកម្សាន្ដ១ ថ្ងៃ ago
លោក លៀក លីដា បង្ហាញការខកចិត្តចំពោះការរិះគន់របស់ Allan